Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    મંચ પર ખુરશી અને માઇક ફેંક્યા, VIDEO:કોંગ્રેસ ધારાસભ્યએ CM ધામીની હાજરીમાં જ મંચ પર કરી તોડફોડ કરી, કહ્યું- ડરપોક ધામી... હિમ્મત હોય તો સામે લડો

    7 hours ago

    ઉત્તરાખંડના પિથોરાગઢ જિલ્લામાં ભારત-નેપાળ સરહદ પર આયોજિત ઐતિહાસિક જૌલજીબી મેળાના ઉદ્ઘાટન સમારોહમાં શનિવારે ભારે રાજકીય હોબાળો થયો હતો. ધારચુલાના કોંગ્રેસના ધારાસભ્ય હરીશ સિંહ ધામીએ મંચ પર એવો હોબાળો મચાવ્યો કે કાર્યક્રમ સ્થળે અફરાતફરી મચી ગઈ. ધારાસભ્યએ માઈક ફેંકી દીધું, ખુરશીઓ ઉઠાવીને ફેંકી અને સાઉન્ડ સિસ્ટમ સાથે જોડાયેલા કર્મચારીઓ સાથે પણ ઉગ્ર બોલાચાલી કરી હતી. કોંગ્રેસના ધારાસભ્યએ મંચ પર તોડફોડ કરી કોંગ્રેસના ધારાસભ્યએ મુખ્યમંત્રી પુષ્કર સિંહ ધામીને 'ડરપોક ધામી' કહ્યા હતા. મંચ પર તોડફોડ અને ધક્કામુક્કીની સ્થિતિ સર્જાઈ હતી, જેના કારણે પોલીસ અને વહીવટીતંત્રના અધિકારીઓએ વચ્ચે પડવું પડ્યું હતું. આ ઘટનાનો વીડિયો સોશિયલ મીડિયા પર વાઇરલ થઈ રહ્યો છે. હરીશ ધામીનું માઈક બંધ કરી દેવાયું મુખ્યમંત્રી પુષ્કર સિંહ ધામી શનિવારે મેળાનું ઉદ્ઘાટન કરવા પહોંચ્યા હતા. ધારાસભ્ય હરીશ ધામીનો આરોપ છે કે તેમને મેળાની અધ્યક્ષતાની જવાબદારી સોંપવામાં આવી હતી, પરંતુ મંચ પરથી પોતાની વાત રજૂ કરવાની તક આપવામાં આવી નહોતી અને તેમનું માઈક બંધ કરી દેવામાં આવ્યું હતું. મુખ્યમંત્રી કાર્યક્રમ સ્થળેથી રવાના થયા બાદ ધારાસભ્યએ આ બાબતે નારાજગી વ્યક્ત કરી હતી. જોતજોતામાં તેમનો ગુસ્સો વધી ગયો અને તેમણે માઈક ફેંકી દીધું. ત્યારબાદ સાઉન્ડ સિસ્ટમ પાસે જઈને કર્મચારીઓ સાથે વિવાદ કર્યો અને મંચ પર રાખેલી ખુરશીઓ પણ ફેંકી દીધી. તેમના સમર્થકોએ પણ વિરોધ પ્રદર્શન અને સૂત્રોચ્ચાર કર્યા હતા. ધારચુલા વિસ્તારમાંથી ચૂંટણી લડવાનો પડકાર ફેંક્યો હોબાળા દરમિયાન ધારાસભ્યએ મુખ્યમંત્રી પુષ્કર સિંહ ધામી પર આકરા પ્રહારો કર્યા હતા. તેમણે મુખ્યમંત્રીને 'ડરપોક અને ભાગેડુ' ગણાવતા ધારચુલા વિધાનસભા બેઠક પરથી ચૂંટણી લડવાનો પડકાર ફેંક્યો હતો. તેમણે આરોપ લગાવ્યો કે સરકાર વર્ષ 2022ની ઉત્તરાખંડ વિધાનસભા ચૂંટણીમાં આપેલા વચનો પૂરા કરવામાં નિષ્ફળ રહી છે. મેળામાં 102.72 કરોડ રૂપિયાની યોજનાઓની જાહેરાત ધારાસભ્ય હરીશ ધામીએ કહ્યું કે સ્થાનિક ઉદ્ઘાટન દરમિયાન વિસ્તારના વિકાસ માટે જનપ્રતિનિધિઓની અવગણના કરવામાં આવી રહી છે. ઉલ્લેખનીય છે કે મુખ્યમંત્રી ધામીએ મેળામાં 102.72 કરોડ રૂપિયાની વિવિધ યોજનાઓની જાહેરાત કરી હતી. સાંસ્કૃતિક અને વ્યાપારિક પરંપરા માટે જાણીતા આ સરહદી મેળામાં ઉદ્ઘાટનના પહેલા જ દિવસે થયેલા રાજકીય હોબાળાએ આયોજનની ચર્ચાઓ બદલી નાખી છે.
    Click here to Read More
    Previous Article
    મંદિરમાં યોજાઈ ‘હનુમાન અંશ’ની સફળતા પાર્ટી:કાર્તિક આર્યન પહોંચ્યો; રિલીઝના 100 દિવસ પૂર્ણ થવા પર ભજન-આરતીની જમાવટ
    Next Article
    છત્રાલના વેપારીના ખાતામાંથી UPI આઈડીથી રૂ.50 હજારની ઉચાપત:મોબાઈલમાં ઓટોમેટિક સોફ્ટવેર અપડેટ થયું'ને બાદમાં ઠગે ખેલ પાડ્યો

    Related National Updates:

    Are you sure? You want to delete this comment..! Remove Cancel

    Comments (0)

      Leave a comment