Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    નશાની હાલતમાં બસ ચલાવતો ડ્રાઈવર સસ્પેન્ડ:બેચરાજીમાં ભરત ગઢવી મુસાફરોને રઝળતા મૂકી નાસી છૂટ્યો હતો, પકડાયા બાદ STની કાર્યવાહી

    10 hours ago

    ગુજરાત રાજ્ય માર્ગ વાહન વ્યવહાર નિગમના મહેસાણા વિભાગમાં ફરજ બજાવતા એક ડ્રાઈવરની ગંભીર બેદરકારી સામે આવતા તંત્ર દ્વારા કડક કાર્યવાહી કરવામાં આવી છે. મહેસાણા ડેપોના ડ્રાઈવર ભરતદાન દેવીસીંગ ગઢવી (બેજ નંબર 44718)ને ફરજ દરમિયાન નશાની હાલતમાં બસ ચલાવવા અને અકસ્માત બાદ મુસાફરોને રઝળતા મૂકી નાસી જવા બદલ તાત્કાલિક અસરથી સસ્પેન્ડ કરવામાં આવ્યા છે. સ્ટીયરિંગ પરથી કાબૂ ગુમાવતા બસ રોડની સાઈડમાં ઉતરી ગઈ 14 નવેમ્બર 2026ના રોજ ડ્રાઈવર ભરતદાન ગઢવી મહેસાણા ડેપો દ્વારા સંચાલિત સુરજથી મહેસાણા રૂટની એસ.ટી. બસ લઈને જઈ રહ્યા હતા. આ દરમિયાન આદીવાડા ગામ નજીક ડ્રાઈવરે બસના સ્ટીયરિંગ પરથી કાબૂ ગુમાવતા બસ રોડની સાઈડમાં ઉતરી ગઈ હતી. સદનસીબે કોઈ મોટી જાનહાનિ ટળી હતી, પરંતુ બસમાં સવાર મુસાફરો અને કંડક્ટરે તપાસ કરતા ડ્રાઈવર કેફી પીણાનું સેવન કરીને નશાયુક્ત હાલતમાં વાહન ચલાવતા હોવાનું જણાઈ આવ્યું હતું. બસ અને મુસાફરોને રસ્તામાં જ રઝળતા મૂક્યા હતા મુસાફરોની સલામતી જોખમાય તેવું કૃત્ય જણાતા એક જાગૃત મુસાફરે તાત્કાલિક પોલીસ હેલ્પલાઈન નંબર 112 પર જાણ કરી હતી. જોકે, પોલીસ ઘટનાસ્થળે પહોંચે તે પહેલાં જ ડ્રાઈવર ભરતદાન ગઢવી બસ અને મુસાફરોને રસ્તામાં જ રઝળતા મૂકીને ફરજનું સ્થળ છોડી નાસી છૂટ્યા હતા. ડેપો મેનેજરે ડ્રાઈવર ભરત ગઢવીને સસ્પેન્ડ કર્યો આ ગંભીર બેદરકારી અને નિગમની પ્રતિષ્ઠાને હાનિ પહોંચાડવાના કૃત્ય બદલ મહેસાણા એસ.ટી. ડેપોના ડેપો મેનેજર પી. એ. પટેલે તારીખ 14 નવેમ્બર 2026 ના રોજ સસ્પેન્શન હુકમ જારી કર્યો છે. હુકમ મુજબ ડ્રાઈવર ભરતદાન ગઢવીને અન્ય હુકમ ન થાય ત્યાં સુધી ફરજ પરથી મોકૂફ કરવામાં આવ્યા છે. સસ્પેન્શન સમયગાળા દરમિયાન તેમને સર્વિસ રેગ્યુલેશન કલમ નં. 80 અને 82 મુજબ 50 ટકા પગાર નિર્વાહ ભથ્થા તરીકે ચૂકવવામાં આવશે. આ ઉપરાંત, તેમને દરરોજ સવારે 9થી સાંજે 17: 30 કલાક સુધી એસ.ટી. ડેપો, હારીજ ખાતે ડેપો મેનેજર સમક્ષ ફરજિયાત હાજરી આપવા અને પૂર્વ મંજૂરી વગર હેડક્વાર્ટર ન છોડવા આદેશ કરવામાં આવ્યો છે.
    Click here to Read More
    Previous Article
    રોડ પર પટકાતા માસીયાઈ ભાઈના માથા ફાટી ગયાં:સ્થાનિકોએ CPR આપ્યો પણ બંને સગીરનો જીવ ન બચ્યો, વિસાવદરમાં કાર અને બાઈક વચ્ચે ગમખ્વાર અકસ્માત
    Next Article
    Punjab Congress Forms Fail-Safe Panel To Induct Turncoats Ahead Of Polls

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment