Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    મતદાર યાદીમાંથી નામ ગાયબ થયું હોય તો ફરી નોંધણીની તક:SIR બાદ અગાઉના મતદારોને ફોર્મ-6 ભરવામાં કાનૂની કાર્યવાહીનો ડર નહીં, ચૂંટણી પંચે સ્પષ્ટતા કરી, અન્ય મતવિસ્તારમાં નામ ન હોવું જરૂરી રહેશે

    7 घंटे पहले

    ગુજરાત સહિત દેશભરમાં SIR (સ્પેશિયલ ઇન્ટેન્સિવ રિવિઝન)ની પ્રક્રિયા દરમિયાન મુસદ્દા મતદાર યાદીમાંથી નામો બાકાત થવાના મુદ્દે વિરોધ અને અસંતોષ વચ્ચે ચૂંટણી પંચે મહત્વની સ્પષ્ટતા કરી છે. ખાસ કરીને અગાઉથી મતદાર તરીકે નોંધાયેલા હોવા છતાં મુસદ્દા મતદાર યાદીમાં નામ ન ધરાવતા લોકોમાં ફોર્મ-6 ભરવા અંગે કાનૂની કાર્યવાહીની આશંકા હતી. હવે ચૂંટણી પંચે આ મૂંઝવણ દૂર કરતાં સ્પષ્ટ કર્યું છે કે અગાઉ મતદાર રહી ચૂકેલી વ્યક્તિ પણ ફોર્મ-6 ભરીને આખરી મતદાર યાદીમાં પોતાનું નામ સામેલ કરાવી શકશે. માત્ર અગાઉ મતદાર તરીકે નોંધાયેલા હોવાના આધારે તેની સામે કોઈ દંડાત્મક કાર્યવાહી કરવામાં આવશે નહીં. કાર્યવાહીના ડરે અનેક મતદારો ફોર્મ ભરતાં ખચકાતા SIRની પ્રક્રિયામાં જેમના નામ મુસદ્દા મતદાર યાદીમાંથી ગાયબ થયા છે, તેમની સામે નવી મુશ્કેલી ઊભી થઈ હતી. ફોર્મ-6માં અરજદારે પોતાનું નામ મતદાર યાદીમાં પ્રથમ વખત ઉમેરવામાં આવી રહ્યું હોવાની ઘોષણા કરવાની હોય છે. આવી સ્થિતિમાં અગાઉ મતદાર તરીકે નોંધાયેલા લોકો માટે આ ફોર્મ ભરવું મુશ્કેલીભર્યું બન્યું હતું. અગાઉ મતદાર હોવા છતાં પ્રથમ વખત નામ ઉમેરવાની ઘોષણા કરવી ખોટી સાબિત થશે અને લોકપ્રતિનિધિત્વ અધિનિયમ, 1950ની કલમ-31 હેઠળ કાર્યવાહી થઈ શકે છે તેવી આશંકા વચ્ચે અનેક મતદારો ફોર્મ ભરતાં ખચકાતા હતા. યાદીમાં નામ સામેલ કરાવવા ફોર્મ-6 રજૂ કરવાનું રહેશે આ વિવાદને ધ્યાનમાં રાખીને ચૂંટણી પંચે 3 નવેમ્બરના રોજ તમામ રાજ્યો અને કેન્દ્રશાસિત પ્રદેશોના મુખ્ય ચૂંટણી અધિકારીઓને પત્ર પાઠવી સ્પષ્ટતા કરી છે. પંચે જણાવ્યું છે કે મુસદ્દા મતદાર યાદીમાં નામ ન હોય તેવા મતદારે અગાઉ મતદાર તરીકે નોંધણી કરાવી હતી કે નહીં તે બાબતને અવગણીને વર્તમાન મતદાર યાદીમાં નામ સામેલ કરાવવા માટે ફોર્મ-6 રજૂ કરવાનું રહેશે. આ ફોર્મનો હેતુ હાલની મતદાર યાદીમાં નામ ઉમેરવાનો છે. અગાઉ મતદાર તરીકે નોંધણી થયેલી હોવાના એકમાત્ર આધારે અરજદારની ઘોષણાને ખોટી ગણવામાં આવશે નહીં. દિલ્હી હાઇકોર્ટના ચુકાદાનો પણ ઉલ્લેખ ચૂંટણી પંચે આ સ્પષ્ટતાને દિલ્હી હાઇકોર્ટના 14 ઓક્ટોબર, 2026ના નીલોત્પલ દત્તા અને અન્ય વિરુદ્ધ ભારતના ચૂંટણી પંચના કેસ સાથે સુસંગત ગણાવી છે. આ કેસમાં અરજદારોની મુખ્ય દલીલ હતી કે અગાઉ મતદાર તરીકે નોંધાયેલા હોવા છતાં ફોર્મ-6 ભરવાથી પ્રથમ વખત નામ ઉમેરવાની ઘોષણા ખોટી ઠરી શકે છે. જોકે, હાઇકોર્ટે આ આશંકાને અસ્થાને ગણાવી અરજદારોને કાયદા મુજબ ફોર્મ-6 રજૂ કરવાની છૂટ આપી હતી. કોઈ પણ મતદાર સામે કલમ-31 હેઠળ કાર્યવાહી નહીં, પરંતુ બે શરતો લાગુ ચૂંટણી પંચની સ્પષ્ટતા મુજબ, અગાઉની મતદાર યાદીમાં નામ હોવા છતાં SIR દરમિયાન અથવા ત્યારબાદ ફોર્મ-6 રજૂ કરનાર મતદાર સામે માત્ર આ કારણસર કલમ-31 હેઠળ દંડાત્મક કાર્યવાહી શરૂ કરવામાં આવશે નહીં. જોકે, અરજદારનું નામ અન્ય કોઈ લોકસભા કે વિધાનસભા મતવિસ્તારમાં પહેલેથી નોંધાયેલું ન હોવું જોઈએ અને ફોર્મમાં રજૂ કરવામાં આવેલી વિગતો કાયદા મુજબ યોગ્ય હોવી જરૂરી છે. આ સ્પષ્ટતાથી SIRની પ્રક્રિયા દરમિયાન મતદાર યાદીમાંથી નામ બાકાત થઈ ગયેલા અને ફોર્મ-6 ભરવા અંગે કાનૂની ગૂંચવણમાં મુકાયેલા લોકોને ફરીથી નામ નોંધાવવાનો માર્ગ ખુલ્યો છે. જોકે, આનો અર્થ એ નથી કે બાકાત થયેલાં તમામ નામ આપમેળે મતદાર યાદીમાં ઉમેરાઈ જશે. દરેક અરજીની નિયત પ્રક્રિયા મુજબ ચકાસણી થયા બાદ જ નામનો સમાવેશ કરવામાં આવશે. મુખ્ય મુદ્દાઓ એક નજરે પત્રની તારીખ: 3 નવેમ્બર, 2026ના રોજ ચૂંટણી પંચે તમામ રાજ્યો અને કેન્દ્રશાસિત પ્રદેશોના મુખ્ય ચૂંટણી અધિકારીઓને સૂચના મોકલી. હાઇકોર્ટનો સંદર્ભ: 14 ઓક્ટોબર, 2026ના નીલોત્પલ દત્તા અને અન્ય વિરુદ્ધ ભારતના ચૂંટણી પંચના કેસમાં દિલ્હી હાઇકોર્ટના ચુકાદાને સુસંગત ગણાયું. કાયદાકીય રક્ષણ: લોકપ્રતિનિધિત્વ અધિનિયમ, 1950ની કલમ-31 હેઠળ માત્ર અગાઉ મતદાર હોવાના આધારે કાર્યવાહી થશે નહીં. શરત 1: અરજદારનું નામ અન્ય કોઈ લોકસભા કે વિધાનસભા મતવિસ્તારમાં અગાઉથી નોંધાયેલું ન હોવું જોઈએ. શરત 2: ફોર્મ-6માં આપેલી વિગતો કાયદા અનુસાર સાચી અને યોગ્ય હોવી જોઈએ. ચકાસણી પ્રક્રિયા: અરજીની નિયમ મુજબ ચકાસણી થયા પછી જ આખરી મતદાર યાદીમાં નામ ઉમેરાશે.
    Click here to Read More
    Previous Article
    જામનગરની આર.ટી. જાડેજા એસ્ટેટમાં જોખમી ભાગો તોડવાની કામગીરી ચાલુ:બીજા દિવસે 25થી વધુ ફ્લેટની બાલ્કની અને છજાં દૂર કરાયાં; દિવાળી પહેલાં બાલ્કની પડતાં 1 મહિલાનું મોત થયા બાદ કાર્યવાહી
    Next Article
    ભરૂચ જિલ્લા ભાજપ 26 નવેમ્બરે સંવિધાન ગૌરવ દિવસની ઉજવશે:હોસ્ટેલ ગ્રાઉન્ડથી રેલવે સ્ટેશન સુધી રેલી કાઢી પુષ્પાંજલિ અર્પણ કરશે; આંબેડકર અને કનૈયાલાલ મુનશીના યોગદાનની જાણકારી અપાશે

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment