Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    જામનગરની આર.ટી. જાડેજા એસ્ટેટમાં જોખમી ભાગો તોડવાની કામગીરી ચાલુ:બીજા દિવસે 25થી વધુ ફ્લેટની બાલ્કની અને છજાં દૂર કરાયાં; દિવાળી પહેલાં બાલ્કની પડતાં 1 મહિલાનું મોત થયા બાદ કાર્યવાહી

    7 hours ago

    જામનગરમાં ગુરુદ્વારા નજીક આવેલી આર.ટી. જાડેજા એસ્ટેટમાં મહાનગરપાલિકા દ્વારા જોખમી ભાગો તોડવાની કામગીરી બીજા દિવસે પણ ચાલુ રાખવામાં આવી હતી. પ્રથમ દિવસે આશરે 25 ફ્લેટના જોખમી ભાગો દૂર કરાયા બાદ બીજા દિવસે 25થી વધુ ફ્લેટની બાલ્કની, છજાં અને પેરાપેટના ભાગો દૂર કરાયા હતા. દિવાળી પહેલાં બાલ્કની તૂટી પડતાં 1 મહિલાનું મોત થતાં તંત્ર દ્વારા આ કાર્યવાહી હાથ ધરાઈ છે. દિવાળી પહેલાં બાલ્કની પડતાં મહિલાનું મોત થતાં તંત્ર સક્રિય આર.ટી. જાડેજા એસ્ટેટમાં દિવાળી પહેલાં જર્જરિત બાલ્કનીનો ભાગ તૂટી પડવાની ઘટના બની હતી, જેમાં કાટમાળ નીચે દટાઈ જવાથી 1 મહિલાનું મોત થયું હતું. આ દુર્ઘટના બાદ જામનગર મહાનગરપાલિકા સક્રિય બની હતી અને એસ્ટેટનાં 12 બિલ્ડિંગોમાં રહેલા જોખમી ભાગો દૂર કરવાની કામગીરી શરૂ કરી હતી. ટાઉન પ્લાનિંગ અને એસ્ટેટ શાખાના કર્મચારીઓ દ્વારા કામગીરી પ્રથમ દિવસે મહાનગરપાલિકાની ટાઉન પ્લાનિંગ અને એસ્ટેટ શાખાના આશરે 25 કર્મચારીઓ આ કામગીરીમાં જોડાયા હતા. શ્રમિકોએ પાવડા, ઘણ અને હથોડાની મદદથી બાલ્કનીના જોખમી રવેશ, છજાં, પેરાપેટ અને અન્ય જર્જરિત ભાગો સાંજ સુધી તોડી પાડ્યા હતા. કુલ 108 ફ્લેટમાંથી 12 બિલ્ડિંગોના નબળા ભાગો તબક્કાવાર દૂર કરાશે બીજા દિવસે પણ ટીમે 25થી વધુ ફ્લેટની બાલ્કની, રવેશ, પેરાપેટ અને છતના નબળા તથા તૂટી પડવાનો ખતરો ધરાવતા ભાગો દૂર કરવાનું શરૂ કર્યું હતું. આર.ટી. જાડેજા એસ્ટેટમાં કુલ 108 ફ્લેટ આવેલા છે, જેમાંથી 12 બિલ્ડિંગોમાં જર્જરિત અને જોખમી ભાગો હોવાનું ધ્યાનમાં આવતા મહાનગરપાલિકા દ્વારા તેને તબક્કાવાર દૂર કરવામાં આવી રહ્યા છે.
    Click here to Read More
    Previous Article
    લાઠી ચોરીનો એક વર્ષથી ફરાર આરોપી ઝડપાયો:અમરેલી LCBએ મધ્યપ્રદેશમાંથી મુકેશ ડાવરને પકડ્યો
    Next Article
    મતદાર યાદીમાંથી નામ ગાયબ થયું હોય તો ફરી નોંધણીની તક:SIR બાદ અગાઉના મતદારોને ફોર્મ-6 ભરવામાં કાનૂની કાર્યવાહીનો ડર નહીં, ચૂંટણી પંચે સ્પષ્ટતા કરી, અન્ય મતવિસ્તારમાં નામ ન હોવું જરૂરી રહેશે

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment