Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ડિંડોલીની હરિદ્વાર સોસાયટીમાં મકાન ભડભડ સળગ્યું:વૃદ્ધ મહિલાનું રેસ્ક્યુ, દીકરી માતાને ભેટીને ધ્રુસકે-ધ્રુસકે રડવા લાગી; ઘરવખરી-સામાન બળીને ખાખ

    6 घंटे पहले

    સુરત શહેરના ડિંડોલી વિસ્તારમાં આવેલી હરિદ્વાર સોસાયટીમાં ગ્રાઉન્ડ ફ્લોર પર આવેલા એક મકાનમાં ભીષણ આગ લાગવાની ગંભીર ઘટના સામે આવી છે. આગની જ્વાળાઓ અને કાળા ડિબાંગ ધુમાડાના ગોટેગોટાને કારણે સમગ્ર સોસાયટી અને આસપાસના વિસ્તારમાં ભારે અફરાતફરી અને ભયનો માહોલ સર્જાયો હતો. મકાનના દરવાજા અને બારીમાંથી બહાર નીકળતી વિકરાળ આગની લપટોએ જોતજોતામાં આખા ઘરને પોતાની ઝપેટમાં લઈ લીધું હતું, જેના પગલે સ્થાનિક રહીશોમાં દોડધામ મચી ગઈ હતી. ફાયર જવાનોએ અન્ય મકાનો સુધી આગ પ્રસરતી અટકાવી ઘટનાની જાણ થતાં જ ફાયર વિભાગની ટીમ તાત્કાલિક ધોરણે ઘટનાસ્થળે દોડી આવી હતી અને આગ પર કાબુ મેળવવાની કામગીરી હાથ ધરી હતી. ફાયર જવાનોની સતત જહેમત બાદ આગ પર કાબુ મેળવી લેવામાં આવ્યો હતો, જેના કારણે આગ અન્ય મકાનો સુધી પ્રસરતી અટકી હતી. જોકે, આ ભીષણ આગ કયા કારણોસર લાગી હતી તે અંગેનું ચોક્કસ કારણ હજુ સુધી સામે આવ્યું નથી અને સંબંધિત તંત્ર દ્વારા આગ લાગવાના કારણ અંગે વધુ તપાસ હાથ ધરવામાં આવી રહી છે. દીકરી માતાને ભેટીને ધ્રુસકે-ધ્રુસકે રડવા લાગી આગની આ ઘટના દરમિયાન બચાવ કામગીરીમાં મહત્વની સફળતા પણ મળી હતી. આગ લાગેલા મકાનની ઉપર આવેલા પ્રથમ માળે ફસાયેલી એક વૃદ્ધ મહિલાને સુરક્ષિત રીતે રેસ્ક્યુ કરી લેવામાં આવી હતી, જેના કારણે મોટી જાનહાનિ ટળી હતી. બીજી તરફ, આગ લાગતા જ મકાનમાં રહેતો ગરીબ પરિવાર જીવ બચાવીને બહાર ભાગી ગયો હતો. ઘર સળગતું જોઈને પરિવારની દીકરી પોતાની માતાને ભેટીને ધ્રુસકે-ધ્રુસકે રડવા લાગી હતી. ઘરવખરી અને સામાન બળીને ખાખ આગ એટલી વિકરાળ હતી કે ગરીબ પરિવારના ઘરનો તમામ ઘરવખરી અને સામાન બળીને ખરાબ થઈ ગયો હતો અને રાખમાં ફેરવાઈ ગયો હતો. પોતાનું સર્વસ્વ બળીને ખાક થઈ ગયું હોવાથી પરિવાર પર આભ તૂટી પડ્યું હોય તેવી સ્થિતિ સર્જાઈ હતી. દીકરીને રડતી જોઈને માતાએ તેને હિંમત અને સાંત્વના આપતા કહ્યું હતું કે, "બેટા રડ નહીં, આપણે ફરી મહેનત કરીને બીજું ઘર બનાવી લઈશું." સદનસીબે કોઈ જાનહાનિ થઈ નથી માતાના આ શબ્દો અને માતા-દીકરી વચ્ચેનો આ ભાવુક સંવાદ જોઈને ઘટનાસ્થળે હાજર આજુબાજુની અન્ય મહિલાઓ અને સ્થાનિક રહીશો પણ પોતાની લાગણી રોકી શક્યા નહોતા અને ભાવુક થઈને રડવા લાગ્યા હતા. ઘટના બાદ મકાનની બહાર લોકોના ટોળેટોળા એકઠા થઈ ગયા હતા અને આગથી થયેલા નુકસાનને લઈને ગરીબ પરિવાર પ્રત્યે સહાનુભૂતિ વ્યક્ત કરી હતી. સમગ્ર ઘટનામાં સદનસીબે કોઈ જાનહાનિ થઈ નથી, પરંતુ પરિવારને મોટું આર્થિક નુકસાન સહન કરવું પડ્યું છે.
    Click here to Read More
    Previous Article
    રા.લો. સંઘના હોદેદારોની નિમણુંક માટે પ્રદેશ ભાજપને બાહુબલીઓના દબાણની ચર્ચા:પ્રદેશ મહામંત્રી પ્રશાંત કોરાટે કહ્યું- 'નિયુક્તિનો નિર્ણય મોવડી મંડળ લેશે, મારા અને જયેશ રાદડિયા વચ્ચે કોઈ મતભેદ નથી'
    Next Article
    ગ્રામ્ય વિસ્તારોમાં સ્વચ્છતાની નવી પહેલ:ગાંધીનગર જિલ્લાના 35 ગામોમાં લોકફાળાથી નવીન સામૂહિક શૌચાલયોનું નિર્માણ કરાશે

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment