Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    હાવર્ડમાં મોરારી બાપુએ ઉજવી તુલસી જયંતિ:અમેરિકામાં પ્રથમવાર તુલસી, વ્યાસ, વાલ્મીકિ અને રત્નાવલી એવોર્ડ્સ એનાયત કરાયા

    1 day ago

    1

    0

    👍 ❤️ 😂 😮 😢 😡 😘 🤐 🥰

    રામચરિતમાનસના રચયિતા ગોસ્વામી તુલસીદાસજીની જન્મજયંતિ એટલે કે તુલસી જયંતિ બુધવારે કેમ્બ્રિજ, મેસેચ્યુસેટ્સ સ્થિત હાવર્ડ યુનિવર્સિટીના સેન્ડર્સ થિયેટરમાં ધામધૂમથી ઉજવવામાં આવી હતી. મોરારી બાપુની 9 દિવસીય રામકથા ‘માનસ ગુરુ પ્રસાદ’ અંતર્ગત આ આયોજન કરાયું હતું. ઐતિહાસિક પ્રસંગરૂપે, વર્ષ 2010થી ગુજરાતના તલગાજરડામાં દર વર્ષે આપવામાં આવતા તુલસી, વ્યાસ, વાલ્મીકિ અને રત્નાવલી પુરસ્કારો પ્રથમવાર ભારતની બહાર એનાયત કરવામાં આવ્યા હતા. આ પ્રસંગ મોરારી બાપુ દ્વારા 16 વર્ષ પહેલાં શરૂ કરવામાં આવેલી પરંપરામાં એક મહત્વપૂર્ણ નવો અધ્યાય ઉમેરે છે, જેના માધ્યમથી ગોસ્વામી તુલસીદાસજીના સાહિત્યિક, આધ્યાત્મિક અને સાંસ્કૃતિક વારસાના સંરક્ષણ, તેના અર્થઘટન તથા રામકથાની પરંપરાને આગળ વધારવામાં વિશિષ્ટ યોગદાન આપનાર વ્યક્તિઓનું સન્માન કરવામાં આવે છે. તુલસી જયંતિના આ સમારોહને અમેરિકા લઈ જવાનો હેતુ સદીઓ જૂની ભારતીય સાહિત્યિક અને આધ્યાત્મિક પરંપરાને વૈશ્વિક શ્રોતાઓ સાથે સંવાદમાં લાવવાનો છે. હાવર્ડના સેન્ડર્સ થિયેટરમાં યોજાયેલા આ સમારોહમાં સંતો, વિદ્વાનો, કથાકારો, સંગીતકારો, કલાકારો તેમજ શૈક્ષણિક જગતના પ્રતિનિધિઓ ઉપસ્થિત રહ્યા હતા. આ પ્રસંગ વિવિધ સંસ્કૃતિઓ અને વિષયક્ષેત્રોમાં રામાયણ તથા રામચરિતમાનસ પ્રત્યે સતત વધી રહેલી રુચિને દર્શાવે છે. વૈશ્વિક ગુરુઓના સન્માન સાથે ‘ગ્લોબલ એવોર્ડ્સ’ સમારોહ તુલસી જયંતિના પાવન અવસરે 19 ઑગસ્ટ, 2026ના રોજ તુલસી જન્મોત્સવ અને ગ્લોબલ એવોર્ડ્સ સમારોહનું આયોજન કરવામાં આવ્યું હતું. મોરારી બાપુના આધ્યાત્મિક માર્ગદર્શન હેઠળ આયોજિત આ સમારોહમાં 9 વિશિષ્ટ વિદ્વાનો, આધ્યાત્મિક લીડર્સ અને સાંસ્કૃતિક ક્ષેત્રે યોગદાન આપનાર વ્યક્તિઓને 8 પ્રતિષ્ઠિત પુરસ્કારો એનાયત કરવામાં આવ્યા હતા. વાલ્મીકિ પુરસ્કાર: યુસી બર્કલેના પ્રોફેસર સૈલી જે. સધરલેન્ડ ગોલ્ડમેન અને પ્રોફેસર રોબર્ટ ગોલ્ડમેનને સંયુક્ત રીતે, તથા ઓસાકા યુનિવર્સિટીના પ્રોફેસર મયોકા ફુકુઓકાને એનાયત કરવામાં આવ્યો હતો. વ્યાસ પુરસ્કાર: કોલંબિયા યુનિવર્સિટીના પ્રોફેસર જોહ્ન સ્રેટન હોલે, અમેરિકા સ્થિત વિદ્વાન ડૉ. અશ્વિનભાઈ કાંતિલાલ રાજગોર તથા જાણીતા આધ્યાત્મિક વક્તા દેવી ચિત્રલેખા (ભારત)ને એનાયત કરાયો હતો. તુલસી પુરસ્કાર: યુટી ઑસ્ટિનના પ્રોફેસર રૂપર્ટ સ્નેલ અને સામુદાયિક નેતા પિયુષભાઈ મહેતાને એનાયત કરવામાં આવ્યો હતો. રત્નાવલી પુરસ્કાર: હાવર્ડ યુનિવર્સિટીના પ્રોફેસર ડાયના એલ. એકને તુલનાત્મક ધર્મ તથા ભારત અભ્યાસના ક્ષેત્રમાં નોંધપાત્ર કાર્ય બદલ આપવામાં આવ્યો હતો. પુરસ્કાર વિજેતાઓનું આ વૈવિધ્યસભર સમૂહ ભારતના શાસ્ત્રીય સાહિત્ય સાથે વધી રહેલા આંતરરાષ્ટ્રીય જોડાણ તેમજ રામાયણ અને ગોસ્વામી તુલસીદાસજીના વારસાની વૈશ્વિક પ્રાસંગિકતાને ઉજાગર કરે છે. બાપુનું વક્તવ્ય અને આયોજકનો સંદેશ આ પ્રસંગે મોરારી બાપુએ જણાવ્યું હતું કે, “પત્રં પુષ્પં ફલમડ — જેસે પરમાત્મા કે ચરણો મેં હમ કુછ સમર્પિત કરતે હૈ, પુષ્પ ભી ઉસીને ખિલાયે હૈ, પત્ર ભી ઉસીને ટહનીયો કો દીયે હૈ, ફલ ભી ઉસીને લગાયે હૈ. ફિર ભી હમ વહી લેકર ઉસકો સમર્પિત કરતે હૈ. મૈં અપને હૃદય કે વિચાર પ્રસ્તુત કર રહા હુઁ.” બાપુએ વધુમાં ઉમેર્યું કે, “મેરે મન મેં, મેરે દિલ મેં, ત્રિભુવન કી કૃપા કે કારણ, માઁ સાવિત્રી કે કારણ ઇતની પ્રસન્નતા રહતી હૈ કી મેરે દેશ કઈ વ્યાસપીઠો કી વંદના હો. ઔર ઇસ વંદના કે ઉપક્રમ મેં આજ જિન-જિન મહાનુભાવો કો યે વ્યાસ પુરસ્કાર, વાલ્મીકિ પુરસ્કાર, તુલસી પુરસ્કાર ઔર માઁ રત્નાવલી કે નામ સે પુરસ્કાર પ્રદાન કિયા ગયા ઔર આપ સભી ને હમારી વંદના સ્વીકાર કી, ઇસલિયે મેરે સભી સાધુ-સંતો કા આશીર્વાદ લેકર હમ આપકો પ્રણામ કરતે હૈ. હમ આપકી વંદના કરે ઔર આપ 'થેન્ક યૂ' કહે, વહ મુજે રાસ નહીં આતા. ઇસલિયે આપકી પ્રતિક્રિયા, આપકી આઁખો સે, આપકે દિલ કી ધડકનો સે મૈ સમજ સકતા હુઁ ઔર આપકો પ્રણામ કરતા હુઁ.” આ રામકથાના મુખ્ય આયોજક પાવન પોપટ OBEએ જણાવ્યું હતું કે, “બાપુ દ્વારા આપવામાં આવેલ સત્ય, પ્રેમ અને કરુણાનો સંદેશ રામકથા મારફતે એવી બાબત પ્રદાન કરે છે, જે સંપૂર્ણપણે સાર્વત્રિક છે — સ્વીકાર, આનંદ અને પ્રેમની એવી અનુભૂતિ, જે ભૌગોલિક સીમાઓ અને સંસ્કૃતિઓથી ઉપર છે. તુલસી જન્મોત્સવ અને તેના પુરસ્કારોને હાવર્ડ સુધી લાવવા એ આ યાત્રાનું સ્વાભાવિક વિસ્તરણ છે. આ રામચરિતમાનસની કાલાતીત જ્ઞાનપરંપરાને એવા વૈશ્વિક શ્રોતાઓ સુધી પહોંચાડી રહ્યું છે, જેઓ તેના મૂલ્યો અને આદર્શો તરફ ઝડપથી આકર્ષાઈ રહ્યા છે.” તલગાજરડાથી હાવર્ડ સુધીની ઐતિહાસિક સફર મોરારી બાપુએ વર્ષ 2010માં તુલસી જયંતિ કાર્યક્રમની શરૂઆત એવા વ્યક્તિઓને સન્માનિત કરવાના ઉદ્દેશથી કરી હતી, જેમણે પોતાનું જીવન રામકથા અને રામચરિતમાનસની પરંપરાના સંરક્ષણ, અર્થઘટન અને પ્રસાર માટે સમર્પિત કર્યું છે. ત્યારથી દર વર્ષે ગુજરાતના તલગાજરડામાં તુલસી જન્મોત્સવના અવસરે સંતો, વિદ્વાનો, કથાકારો અને અન્ય ક્ષેત્રોમાં વિશિષ્ટ યોગદાન આપનાર મહાનુભાવોને એકસાથે લાવવામાં આવે છે. વર્ષ 2026માં આ કાર્યક્રમ અમેરિકાની ધરતી પર પહોંચ્યો છે અને તુલસી જન્મોત્સવની આ પરંપરાને વૈશ્વિક શ્રોતાઓ સુધી લઈ ગયો છે. હાવર્ડ ખાતે યોજાયેલ આ આંતરરાષ્ટ્રીય સમારોહ એક નવા અધ્યાયનું પ્રતીક છે. આ આયોજન તુલસીદાસજીની કળા, કાવ્ય અને આધ્યાત્મિક ચિંતનને નવા શ્રોતાવર્ગ તથા નવા પરિપ્રેક્ષ્ય સુધી પહોંચાડશે.
    Click here to Read More
    • Share:
    લંડનમાં કુમકુમ મંદિર દ્વારા વિશેષ સત્સંગ સભા યોજાઈ:મુક્તજીવન સ્વામીબાપા અને આનંદપ્રિયદાસજી સ્વામીની સ્મૃતિમાં રીચમન્ડ બન્યું પાવન
    Previous Article
    લંડનમાં કુમકુમ મંદિર દ્વારા વિશેષ સત્સંગ સભા યોજાઈ:મુક્તજીવન સ્વામીબાપા અને આનંદપ્રિયદાસજી સ્વામીની સ્મૃતિમાં રીચમન્ડ બન્યું પાવન
    Next Article
    શહેરમાં બાળકને મારવાની ના પાડવાની અદાવતમાં ખૂની ખેલ:5 દિવસ જૂની તકરારમાં ઘરમાં ઘૂસી તલવાર-ચાકુ મારી યુવકની હત્યા, પરિવાર પર હુમલામાં 3 ઈજાગ્રસ્ત; સગીર સહિત 5 ઝડપાયા
    શહેરમાં બાળકને મારવાની ના પાડવાની અદાવતમાં ખૂની ખેલ:5 દિવસ જૂની તકરારમાં ઘરમાં ઘૂસી તલવાર-ચાકુ મારી યુવકની હત્યા, પરિવાર પર હુમલામાં 3 ઈજાગ્રસ્ત; સગીર સહિત 5 ઝડપાયા

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment

      Send