Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    MP- ઝેરી જ્યુસ પીવડાવવાથી 2નાં મોત, 5 ગંભીર:100 રૂપિયામાં ઉકાળાનાં 3 ગ્લાસ પીવડાવ્યા, પીતા જ ચક્કર અને ઊલટીઓ; દારૂ છોડાવવા 400 લોકો ગયા હતા

    7 hours ago

    મધ્ય પ્રદેશના બેતુલમાં બુધવારે દારૂની લત છોડાવવાના નામે 7 લોકોને ઝેરીલો જ્યૂસ પીવડાવવામાં આવ્યો. જડીબુટ્ટીઓનું દ્રાવણ પીવાથી 2 લોકોનાં મોત થયા, જ્યારે 5 લોકોની તબિયત લથડી ગઈ. તમામને જિલ્લા હોસ્પિટલમાં દાખલ કરવામાં આવ્યા છે. પોલીસે 3 આરોપીઓની ધરપકડ કરી છે. હોસ્પિટલમાં દાખલ રામદાસે જણાવ્યું કે ઓઝા પરતે (તાંત્રિક)એ 21 દિવસમાં દારૂની લત છોડાવવાનો દાવો કર્યો હતો. તેણે ત્રણ ગ્લાસ ઉકાળો (જ્યૂસ) પીવડાવ્યો અને તેના બદલામાં 100 રૂપિયા પણ લીધા. ઉકાળો પીધા બાદ તેમની તબિયત લથડી ગઈ. મામલાની 3 તસવીરો જુઓ… મૃતકના ભાઈએ જણાવ્યું- જ્યુસ પીધા બાદ અડધા કલાકમાં ચક્કર આવવા લાગ્યા મૃતક સંજયના ભાઈએ જણાવ્યું કે તેમને ખબર પડી હતી કે પાઠાખેડામાં રાજાની બેઠક નામની જગ્યાએ દારૂ છોડાવવાની સારવાર કરવામાં આવે છે. ત્યારબાદ તેઓ ત્યાં પહોંચ્યા. તે સમયે ત્યાં આશરે 400થી 500 લોકો હાજર હતા. પૂજા-પાઠ બાદ તેમને લાલ રંગનું દવા જેવું દ્રાવણ બે ગ્લાસ પીવા માટે આપવામાં આવ્યું. તેમણે તેને જડીબૂટીઓનો ઉકાળો સમજીને પી લીધું. દ્રાવણ પીતી વખતે પેટમાં ભારે બળતરા થવા લાગી. આશરે અડધા કલાક બાદ ચક્કર આવવા લાગ્યા અને ઊલટીઓ શરૂ થઈ ગઈ. તેઓ લગભગ એક કલાક સુધી ત્યાં જ ઊલટીઓ કરતા રહ્યા. તેમણે જણાવ્યું કે ત્રણ લોકોએ આ દ્રાવણ પીધું હતું. પરત ફરતી વખતે તેમના નાના ભાઈ સંજયને ગભરામણ થવા લાગી. રસ્તામાં જ તેમનું મૃત્યુ થઈ ગયું. બીમાર યુવક બોલ્યો- અમે તો 10થી 15 લોકો હતા બીમાર મોહન અમરુતેએ જણાવ્યું- અમારા ગામમાંથી એક-બે લોકો અગાઉ પણ ત્યાં ગયા હતા. ગામના લોકોએ કહ્યું હતું કે દવા પીવાથી દારૂ છૂટી જાય છે. આ જ કારણે અમે પણ ગયા હતા. ત્યાં ગ્લાસમાં દવા પીવડાવવામાં આવી. હજુ પણ સારું લાગી રહ્યું નથી. ચક્કર આવી રહ્યા છે. અમે તો 10થી 15 લોકો હતા, પરંતુ ત્યાં ખૂબ ભીડ હતી.
    Click here to Read More
    Previous Article
    બ્રિટનના પ્રિન્સ વિલિયમ PM મોદીને મળ્યા:પત્ની કેટ સાથે 10 વર્ષ બાદ ભારત આવ્યા; વેપાર-રક્ષા અને ટેક્નોલોજી પર વાતચીત
    Next Article
    3 દિવસમાં ફોન-પેથી 10 ટ્રાન્ઝેક્શન કરી રકમ ટ્રાન્સફર કરાઈ:રાજકોટમાં સાયબર ગઠિયાઓએ મોબાઈલ હેક કરી ગૃહિણીના ખાતામાંથી રૂ.2.36 લાખ ઉપાડી લીધા

    Related National Updates:

    Are you sure? You want to delete this comment..! Remove Cancel

    Comments (0)

      Leave a comment