Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    બ્રિટનના પ્રિન્સ વિલિયમ PM મોદીને મળ્યા:પત્ની કેટ સાથે 10 વર્ષ બાદ ભારત આવ્યા; વેપાર-રક્ષા અને ટેક્નોલોજી પર વાતચીત

    12 hours ago

    બ્રિટનના પ્રિન્સ વિલિયમ પોતાની પત્ની પ્રિન્સેસ કેટ સાથે બુધવારે પીએમ મોદીને મળ્યા. આ દરમિયાન પ્રિન્સ અને પ્રિન્સેસે ભારત અને બ્રિટન વચ્ચે વેપાર, સંરક્ષણ અને ટેક્નોલોજી જેવા મુદ્દાઓ પર ચર્ચા કરી. આ મુલાકાત બંને દેશોના સંબંધોને વધુ મજબૂત બનાવવાના દૃષ્ટિકોણથી મહત્વપૂર્ણ માનવામાં આવી રહી છે. પ્રિન્સ અને પ્રિન્સેસ કેટની પીએમ મોદી સાથે છેલ્લી મુલાકાત એપ્રિલ 2016માં દિલ્હીના હૈદરાબાદ હાઉસમાં થઈ હતી. મુંબઈમાં પ્રિન્સ વિલિયમ અને તેમની પત્નીએ ક્રિકેટ રમ્યું હતું પ્રિન્સ અને પ્રિન્સેસ અર્થશૉટ પ્રાઇઝ એવોર્ડ્સ 2026 માટે ભારતના પ્રવાસે છે. તેઓ 16 નવેમ્બરે ભારત પહોંચ્યા હતા. બંને સૌપ્રથમ મુંબઈ ગયા હતા. ત્યાં તેમણે સચિન તેંડુલકર સાથે ગલી ક્રિકેટ રમ્યું હતું. બંનેએ મુંબઈ મેટ્રોમાં મુસાફરી કરી હતી અને સામાન્ય લોકો સાથે મુલાકાત કરી હતી. પ્રિન્સે પોતાની પત્ની કેટને ઇલેક્ટ્રિક ઑટો-રિક્ષામાં સવારી પણ કરાવી હતી. વિલિયમે પોતે ઑટો ચલાવ્યો હતો, જ્યારે કેટ પાછળ બેઠાં હતાં. બંને બાંદ્રા-વર્લી સી લિંક પાસે અર્થશૉટ પ્રાઇઝના 15 ફાઇનલિસ્ટ્સને મળવા પહોંચ્યા હતા. 17 નવેમ્બરે બંને મુંબઈમાં આયોજિત અર્થશોટ પ્રાઇઝ સમારોહમાં સામેલ થયા. આ પુરસ્કાર પર્યાવરણને બચાવવા અને પ્રદૂષણ જેવી સમસ્યાઓનો ઉકેલ શોધતા લોકો અને સંસ્થાઓને આપવામાં આવે છે. આ વર્ષે 5 વિજેતાઓની પસંદગી કરવામાં આવી દરેક વિજેતાને પોતાના પ્રોજેક્ટ પર કામ કરવા માટે 10 લાખ પાઉન્ડ એટલે કે આશરે 11 કરોડ રૂપિયા આપવામાં આવ્યા. પ્રિન્સ વિલિયમે ધર્મા પ્રોડક્શન્સની પણ મુલાકાત લીધી 18 નવેમ્બરની સવારે પ્રિન્સ વિલિયમ મુંબઈમાં ફિલ્મમેકર કરણ જોહરના ધર્મા પ્રોડક્શન્સના કાર્યાલયે પણ પહોંચ્યા. અહીં કરણ જોહર સાથે કરીના કપૂર અને સૈફ અલી ખાને તેમનું સ્વાગત કર્યું. આ દરમિયાન ફિલ્મ 'કભી ખુશી કભી ગમ'ના ગીત 'બોલે ચૂડિયાં' પર ખાસ ડાન્સ પરફોર્મન્સ પણ થયું. આ મુલાકાતનો હેતુ ભારતીય અને બ્રિટિશ ફિલ્મ ઇન્ડસ્ટ્રી વચ્ચેના સંબંધોને મજબૂત બનાવવાનો અને બંને દેશોમાં સાથે મળીને ફિલ્મો બનાવવાની તકો શોધવાનો હતો. ખાસ વાત એ છે કે ડિસેમ્બર 2026માં કરણ જોહરની ફિલ્મ 'કભી ખુશી કભી ગમ'ને રિલીઝ થયાને 25 વર્ષ પૂર્ણ થઈ રહ્યાં છે. ફિલ્મના કેટલાક ભાગોનું શૂટિંગ બ્રિટનમાં થયું હતું. પ્રિન્સ વિલિયમ ગૂગલ પર ટ્રેન્ડ કરી રહ્યા છે… સંદર્ભ- ગૂગલ ટ્રેન્ડ્સ
    Click here to Read More
    Previous Article
    Abhimanyu Easwaran, Abishek Porel Guide Bengal To 7-Wicket Win Over Jharkhand In SMAT
    Next Article
    MP- ઝેરી જ્યુસ પીવડાવવાથી 2નાં મોત, 5 ગંભીર:100 રૂપિયામાં ઉકાળાનાં 3 ગ્લાસ પીવડાવ્યા, પીતા જ ચક્કર અને ઊલટીઓ; દારૂ છોડાવવા 400 લોકો ગયા હતા

    Related International Updates:

    Are you sure? You want to delete this comment..! Remove Cancel

    Comments (0)

      Leave a comment