Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    દિલજીત દોસાંઝે ITC નર્મદામાં ફાફડા-જલેબી-ખમણની મજા માણી:મોદી સ્ટેડિયમમાં કોન્સર્ટમાં જતા દર્શકોને ફ્રીમાં પાઘડી બાંધી અપાશે, મેટ્રો રાત્રે 11:30 સુધી દોડશે; અહીં કરજો વાહન પાર્ક

    13 hours ago

    'અરે એ દેખો, યે દેખો હમારા બ્રેક ફાસ્ટ તો દેખો, ક્યા કેહ રહે હો યાર.. અમદાવાદ, કેમ છો, ફુલ મજામાં... કાલે મળીએ છીએ..' આ શબ્દો સાથે અને ફાફડા-જલેબીની જયાફત માણી દિલજીત દોસાંઝે સોશિયલ મીડિયામાં વીડિયો પોસ્ટ કર્યો. આવતીકાલે એટલે કે 21 નવેમ્બરે અમદાવાદના નરેન્દ્ર મોદી સ્ટેડિયમમાં AURA ઈન્ડિયા ટૂર અંતર્ગત દિલજીતનો કોન્સર્ટ છે. જેને લઈ પંજાબી સુપરસ્ટારનું 19 નવેમ્બરે રાત્રે જ અમદાવાદમાં આગમન થઈ ચૂક્યું હતું અને હોટેલ ITC નર્મદામાં ભવ્ય સ્વાગત કરાયું હતું. દિલજીત દોસાંજના કોન્સર્ટમાં ફ્રી ટર્બન(પાઘડી) કેમ્પ રાખવામાં આવ્યો છે. આ કેમ્પમાંથી કોન્સર્ટમાં જતા દર્શકોને ફ્રીમાં પાઘડી બાંધી આપવામાં આવશે. આ પાઘડી પણ દિલજીત જે પહેરે છે તે પ્રકારની જ રહેશે જે સફેદ કલરની હશે. કોન્સર્ટને લઈ 21 નવેમ્બરે અમદાવાદ અને ગાંધીનગર કોરિડોરમાં મેટ્રો ટ્રેન સેવાના સમય રાત્રે 11:30 વાગ્યા સુધી કરાયો. આ દરમિયાન મોટેરા સ્ટેડિયમથી APMC અને થલતેજ ગામથી વસ્ત્રાલ ગામ સુધી તથા મોટેરા સ્ટેડિયમથી મહાત્મા મંદિર સુધી મેટ્રો સેવા ઉપલબ્ધ રહેશે. જોકે, મુસાફરોને માત્ર મોટેરા સ્ટેડિયમ મેટ્રો સ્ટેશન અને સાબરમતી મેટ્રો સ્ટેશન પરથી જ પ્રવેશ મળશે, જ્યાંથી તેઓ બંને કોરિડોરનાં કોઈપણ ચાલુ સ્ટેશનો સુધી મુસાફરી કરી શકશે. દિલજીત દોસાંઝના કોન્સર્ટ પહેલા ચંદીગઢથી પ્રોફેસર અમદાવાદ આવ્યા છે. આ પ્રોફેસરે દિલજીતના 4 ગીતોને લઈને ફરિયાદ કરી હતી. ફરિયાદના આધારે પોલીસ કમિશનરે મોટેરા પોલીસને તપાસ સોંપી હતી. મોટેરા પોલીસે ફરિયાદ કરનાર પ્રોફેસરને જવાબ માટે બોલાવ્યા હતા. પ્રોફેસરે કહ્યું કે કોન્સર્ટમાં 4 ગીતો અને અન્ય બાબતોનું પાલન ન થાય તો ગુજરાત હાઈકોર્ટમાં દિલજીત વિરુદ્ધ અરજી કરશે ફાફડા-જલેબી, ખમણ અને જ્યુસ સાથે વીડિયો પોસ્ટ કર્યો આજે 20 નવેમ્બરે દિલજીત દોસાંઝે ITC નર્મદામાં ગુજરાતી વાનગીઓનો નાસ્તો કર્યો હતો. પીરસવામાં આવેલી થાળી સાથે ઈન્સ્ટાગ્રામમાં વીડિયો સ્ટોરી પણ મૂકી હતી. જે થાળીમાં ફાફડા અને જલેબી, સેવ ખમણી, દાડમ, કોથમીર ભભરાવેલા ખમણ, ઢોકળા અને હાંડવાના ટુકડા પણ મૂકવામાં આવ્યા હતા. એટલું જ નહીં વઘારેલા અને કોથમીરવાળા પાત્રા જોવા મળે છે, જ્યારે ઉપરની વાટકીઓમાં કઢી, ગાજરનું કચુંબર અને તળેલા મરચાં પણ રાખવામાં આવ્યા હતા. આ ઉપરાંત થાળીની પાછળના ભાગમાં એક ગ્લાસમાં લીલું જ્યુસ પણ નજરે પડે છે. સ્ટેડિયમ, પાર્કિંગ અને ગેટ પર બોમ્બ-ડોગ સ્કવોડ કોન્સર્ટને લઈને અવારનવાર બોમ્બની ધમકી મળી રહી હોવાથી સ્ટેડિયમ ખાતે 1300થી વધુ પોલીસનો ચુસ્ત બંદોબસ્ત ગોઠવવામાં આવશે. આ ઉપરાંત ધમકીને પગલે સાયબર ક્રાઈમ સેલ દ્વારા ધમકી આપનાર ઈમેલ અને સોશિયલ મીડિયા પર સતત મોનિટરિંગ કરવામાં આવશે. સ્ટેડિયમમાં કોન્સર્ટ થાય ત્યાં સુધી સતત બોમ્બ અને ડોગ સ્કવોડ દ્વારા તપાસ પણ કરવામાં આવશે. સંગીતપ્રેમીઓમાં ભારે ક્રેઝ, એક ઝલક મેળવવા ચાહકો આતુર દિલજીત દોસાંજના લાઈવ કોન્સર્ટને લઈને અમદાવાદ સહિત ગુજરાતના યુવાનોમાં અનોખો ક્રેઝ જોવા મળી રહ્યો છે. તેમના આગમન સાથે જ શહેરમાં કોન્સર્ટનો માહોલ જામી ગયો છે. હોટલ ITC નર્મદા ખાતે રોકાયેલા દિલજીત દોસાંજની એક ઝલક મેળવવા માટે ચાહકોમાં ભારે ઉત્સુકતા જોવા મળી રહી છે, જ્યારે બીજી તરફ કોન્સર્ટ સ્થળે પણ તૈયારીઓને આખરી ઓપ આપવામાં આવી રહ્યો છે. રાત્રે 11 વાગ્યા બાદ મુસાફરી માટે 50 રુપિયાવાળી સ્પેશ્યિલ પેપર ટિકિટ મેટ્રોના અમદાવાદ કોરિડોરમાં સવારે 6:20થી રાત્રે 11:30 વાગ્યા સુધી અને રાત્રે 11:30 વાગ્યે મોટેરા સ્ટેડિયમથી છેલ્લી ટ્રેન ઉપડશે. બીજી તરફ, ગાંધીનગર કોરિડોરમાં નિયમિત અને રાત્રે 10:30, 11 અને 11:30 વાગ્યે ત્રણ ટ્રીપ ચાલશે, જેમાં રાત્રે 11:30 વાગ્યે મોટેરા સ્ટેડિયમથી મહાત્મા મંદિર તરફ છેલ્લી ટ્રેન રવાના થશે. મુસાફરો માટે 50 રુપિયાવાળી સ્પેશ્યિલ પેપર ટિકિટ બહાર પાડવામાં આવી છે. આ ટિકિટથી મોટેરા સ્ટેડિયમ અને સાબરમતી મેટ્રો સ્ટેશનથી બંને કોરિડોરનાં કોઈપણ ચાલુ સ્ટેશને જઈ શકાશે. ટિકિટિંગ નિયમો અંગે GMRCએ સ્પષ્ટતા કરી છે કે કોન્ટેક્ટલેસ સ્માર્ટ ટોકન, સ્માર્ટ કાર્ડ (GMRC ટ્રાવેલ કાર્ડ અને NCMC કાર્ડ), QR ડિજિટલ ટિકિટ અને QR પેપર ટિકિટ દ્વારા નિયમિત ભાડા મુજબ રાત્રે 11 વાગ્યા સુધી જ પ્રવેશ મળશે. કિયોસ્ક, ટોકન વેન્ડિંગ મશીન, ટિકિટ કાઉન્ટર કે મોબાઇલ એપ પરથી અગાઉથી ખરીદેલી કોઈપણ પરત મુસાફરીની QR કે ટોકન ટિકિટ રાત્રે 11 વાગ્યા પછી માન્ય ગણાશે નહીં, અને રાત્રે 11 વાગ્યા પછી મોટેરા સ્ટેડિયમ તથા સાબરમતી સ્ટેશન પરથી પ્રવેશ માટે માત્ર સ્પેશિયલ પેપર ટિકિટ જ માન્ય રહેશે. કોન્સર્ટને લઈ વાહન પાર્કિંગ માટેના પ્લોટ-ચાર્જ અમદાવાદના નરેન્દ્ર મોદી સ્ટેડિયમમાં 16 કેટલા પાર્કિંગ પ્લોટ રાખવામાં આવ્યા છે જેમાં ટુ-વ્હીલર માટે ₹120 અને ફોર વ્હીલર માટે 500 રૂપિયા પાર્કિંગનો ચાર્જ રાખવામાં આવ્યો છે. સ્ટેડિયમથી નજીકના પાર્કિંગ પ્લોટ ગ્રાફિક્સમાં જુઓ ગીરમાં કાઠિયાવાડી ભોજન, સિંહ દર્શન કર્યાં હતા ત્રણ દિવસ પહેલા ગીરના મહેમાન બનેલા દિલજીત દોસાંઝે કાઠિયાવાડી ભોજનની મજા માણી હતી. કાઠિયાવાડી ટેસ્ટ માણતા માણતા ભોજનના વખાણ કરતા જોવા મળ્યો. ગીરની મુલાકાતે રહેલા દિલજીતે સાસણમાં સિંહ દર્શન પણ કર્યા હતા. સોશિયલ મીડિયામાં વાઈરલ એક વીડિયોમાં કાઠિયાવાળી થાળીની મોજ માણી રહેલા દિલજીતને જ્યારે વેઈટર તરફથી શરૂઆતમાં મીઠાઈ પીરસવામાં આવી તો, કહ્યું કે, ભોજન પહેલા જ મીઠાઈ આવી ગઈ? પહેલા જ મીઠું ખાઈ લેશું તો ભોજન કઈ રીતે લેશું.વાંચો સૂપૂર્ણ સમાચાર
    Click here to Read More
    Previous Article
    અમદાવાદમાં 'વાસ્તુ પૂજન' પ્રસંગે દારૂપાર્ટી:બપોરે ભાજપ MLA ડૉ.પાયલ કુકરાણીએ હાજરી આપી ને રાત્રે હાથમાં બીયર સાથે મહિલાનો ડાન્સ, યુવકોએ માણી મહેફિલ; ગુનો નોંધાયો
    Next Article
    ધરમપુરની લાઇબ્રેરીમાં વાંચીને 101 યુવાનોએ સરકારી નોકરી મેળવી:140 વર્ષ જૂની લાઇબ્રેરીમાં 19 હજાર પુસ્તકો, રોજ 100થી વધુ ઉમેદવારો કરે છે તૈયારી;રાજવી મહારાણા નારણદેવજીએ સ્થાપના કરાવી હતી

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment