Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    અધિકારીઓએ તળાવોનું જાત નિરીક્ષણ કરી પશુપાલકો સાથે સંવાદ સાધ્યો:બન્નીમાં કલેક્ટર અને DDOની મુલાકાત: સેટલમેન્ટના પ્રશ્નો ઉકેલવાની ખાતરી

    8 घंटे पहले

    બન્ની વિસ્તારના સર્વાંગી વિકાસ, પશુપાલકોની સમસ્યાઓ અને ગ્રામજનોની પાયાની જરૂરિયાતોને ધ્યાને લઈ જિલ્લાના ઉચ્ચ અધિકારીઓએ હોડકા જૂથ ગ્રામ પંચાયતના ઘડિયાડો ગામની મુલાકાત લીધી હતી. કચ્છ કલેક્ટર અનિલ રાણાવસિયા, જિલ્લા વિકાસ અધિકારી અતિરાગ ચાપલોત, ભુજ પ્રાંત અધિકારી એમ. જે. નાકિયા અને જિલ્લા પંચાયતના પશુપાલન અધિકારી આર. ડી. પટેલે સ્થાનિક ગ્રામજનો અને પશુપાલકો સાથે રૂબરૂ સંવાદ કરી તેમની રજૂઆતો સાંભળી હતી. દરમિયાન સમગ્ર બન્ની વિસ્તારના સેટલમેન્ટ અંગે હકારાત્મક ચર્ચા કરી યોગ્ય ઉકેલ લાવવાની ખાતરી આપવામાં આવી હતી. અધિકારીઓએ વિસ્તારનાં વિવિધ તળાવોનું જાત નિરીક્ષણ કરી પાણીની જરૂરિયાતને ધ્યાને રાખી ત્યાં તેમજ બન્નીનાં તમામ ગામોમાં પાકા કૂવા બનાવી આપવાની હકારાત્મક ખાતરી આપી હતી. આ ઉપરાંત પશુપાલકોને ઘાસચારાની યોગ્ય વ્યવસ્થા, પશુધન માટેની સુવિધાઓ અને પાણીની સમસ્યાના કાયમી ઉકેલ અંગે વિસ્તૃત ચર્ચા કરાઈ હતી. આ પ્રસંગે સ્થાનિક આગેવાનોએ પરંપરાગત રીતે ખેસ પહેરાવી અધિકારીઓનું સન્માન કર્યું હતું. જેમાં ભુજ તાલુકા ભાજપ લઘુમતી મોરચાના પ્રમુખ મૂસા જુમા રાયસી અને સાડઈ જૂથ ગ્રામ પંચાયતના સરપંચ પઠાણ મુસ્તાક ઈસ્માઈલે કલેક્ટરનું; હોડકા જૂથ ગ્રામ પંચાયતના માજી સરપંચ સલામ હસમ હાલેપોત્રા અને ઘડિયાડો દૂધ ઉત્પાદક સહકારી મંડળીના પ્રમુખ ચનેસર સાઉએ DDOનું તથા જિલ્લા ભાજપ લઘુમતી મોરચાના ઉપપ્રમુખ ફકીર મામદ ઈસ્માઈલ રાયસી અને આગેવાન વસાયા ઓસમાણ રાયસીએ પ્રાંત અધિકારીનું સન્માન કર્યું હતું. પાણી, ઘાસચારો, પાકા કૂવા અને સેટલમેન્ટ જેવા મહત્વના પ્રશ્નોના ઉકેલની ખાતરીથી બન્નીના પશુપાલકોમાં આશાનું નવું કિરણ જાગ્યું છે.
    Click here to Read More
    Previous Article
    રાપર ગુરુકુળના દિવ્યાંગ સાધન યજ્ઞને ઉમળકાભેર પ્રતિસાદ:બે દિવસીય કેમ્પમાં 25 દિવ્યાંગોને કૃત્રિમ અંગ માટે માપ અને ટ્રાયલ, 40થી વધુ લાભાર્થીની સાધન સહાય માટે નોંધણી
    Next Article
    જિલ્લા કાનૂની સેવા સત્તા મંડળના સચિવના હસ્તે ક્લિનિકનું ઉદ્ઘાટન:પ્રાગપરમાં લીગલ એઇડ ક્લિનિક શરૂ, ગ્રામજનોને મળશે કાનૂની માર્ગદર્શન

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment