Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    વિધાનસભા ચૂંટણીના એક વર્ષ પહેલા CMનું સૂચક નિવેદન:પાર્ટીના સ્નેહમિલન કાર્યક્રમમાં નેતા-કાર્યકર્તાઓને કહ્યું-‘અસંતુષ્ટોને સંતુષ્ટ કરી સૌનો પ્રેમ જીતવાનો સંકલ્પ લઈએ’

    7 hours ago

    દિવાળી અને નવા વર્ષના પર્વ નિમિત્તે ગુજરાત ભાજપ દ્વારા આજે પ્રદેશ કક્ષાના સ્નેહમિલન સમારોહનું આયોજન કરવામાં આવ્યું હતું. મુખ્યમંત્રી ભૂપેન્દ્ર પટેલ અને પ્રદેશ ભાજપ પ્રમુખ જગદીશ વિશ્વકર્માની અધ્યક્ષતામાં યોજાયેલા આ કાર્યક્રમમાં ભાજપના પ્રદેશ પ્રભારી તરુણ ચુગ સહિત કેન્દ્રીય મંત્રીઓ, સાંસદો, ધારાસભ્યો અને પક્ષના આગેવાનો ઉપસ્થિત રહ્યા હતા. આગામી વર્ષે વિધાનસભાની ચૂંટણી હોવાને લઈને મુખ્યમંત્રીએ ભાજપના નેતાઓને કાર્યકર્તાઓને આડકતરો સંકેત આપતા કહ્યું હતું કે, નવા વર્ષમાં લોકોનો પ્રેમ અને સ્નેહ જીતવાનો છે. CMએ અસંતુષ્ટોને સંતુષ્ટ કરવાનો સંકલ્પ લેવા જણાવ્યું મુખ્યમંત્રી ભૂપેન્દ્ર પટેલે જણાવ્યું હતું કે, વર્ષ દરમિયાન કોઈનામાં વધઘટ કે મનદુઃખ થયાં હોય તો ફરી એકસાથે મળીને સ્નેહ જાળવવાનો આ અવસર છે. ભાજપ પર પ્રજાએ જે વિશ્વાસ અને સ્નેહ મૂક્યો છે તેને વધુ મજબૂત બનાવવાનો સંકલ્પ આ સ્નેહમિલનમાં લેવાનો છે. જ્યાં હજુ અંધારું હોય ત્યાં આપણા વિકાસનો દીપક પ્રગટાવીએ અને વધુમાં વધુ લોકોનો પ્રેમ કેવી રીતે જીતી શકાય તે દિશામાં કામ કરીએ. તેમણે વધુમાં જણાવ્યું હતું કે, જે કોઈ અસંતુષ્ટ હોય તેને સંતુષ્ટ કેવી રીતે કરી શકાય તેવો સંકલ્પ પણ લેવો જોઈએ. સરકારની તમામ યોજનાઓ કાર્યકરોએ ઘર-ઘર સુધી પહોંચાડવાનું કામ કર્યું છે. વિકસિત ભારતના સંકલ્પને સાકાર કરવા માટે વિકસિત ગુજરાતનું નિર્માણ કરવાનો સંકલ્પ લઈએ અને દરેક વ્યક્તિનો પ્રેમ જીતવા માટે પ્રયત્ન કરીએ. તરુણ ચુગે PM મોદીના 12 વર્ષના શાસનનાં કામો ગણાવ્યાં પ્રદેશ ભાજપ પ્રભારી તરુણ ચુગે દિવાળી અને નવા વર્ષની શુભેચ્છા પાઠવતાં જણાવ્યું હતું કે, દિવાળી એટલે દીવાઓ અને રોશનીનો તહેવાર. ગુજરાત ડબલ સૌભાગ્યશાળી છે, કારણ કે વડાપ્રધાન નરેન્દ્ર મોદીએ ગુજરાતમાં મુખ્યમંત્રી અને સંગઠન મંત્રી તરીકે પણ કામ કર્યું છે. છેલ્લા 12 વર્ષમાં વડાપ્રધાનના નેતૃત્વમાં દેશમાંથી અંધકાર દૂર કરવા અને ગરીબોના જીવનમાં વિકાસની રોશની પહોંચાડવાનું કામ થયું છે. તેમણે દાવો કર્યો હતો કે, 50 કરોડ અતિગરીબ લોકો ગરીબી રેખાથી ઉપર આવ્યા છે. ચાર કરોડ ગરીબ પરિવારોને ઘર આપવામાં આવ્યાં છે અને 19 કરોડ લોકોના ઘરે પીવાનું પાણી પહોંચાડવામાં આવ્યું છે. ગરીબોના ઘરમાં પણ દિવાળીના દીવા પ્રગટ્યા છે, તે સરકારની યોજનાઓ અને વિકાસકાર્યોનું પરિણામ છે. આ ભારતની એવી દિવાળી છે, જેમાં વિકાસનો પ્રકાશ ગરીબોના ઘર સુધી પહોંચ્યો છે. જગદીશ વિશ્વકર્માએ 22મીએ તમામ 182 વિધાનસભામાં સ્નેહમિલનની જાહેરાત કરી પ્રદેશ ભાજપ પ્રમુખ જગદીશ વિશ્વકર્માએ જણાવ્યું હતું કે, વડાપ્રધાન નરેન્દ્ર મોદીના શાસનનાં 12 વર્ષ પૂર્ણ થયાં છે. નવરાત્રિના નવ દિવસ બાદ દિવાળીની તૈયારીઓ શરૂ થાય છે અને સામાન્ય નાગરિકના ઘરમાં દીવા પ્રગટે તે માટે સરકાર વિવિધ યોજનાઓ દ્વારા કામ કરી રહી છે. સરકારની દરેક યોજના જન-જન સુધી પહોંચે તે માટે સતત પ્રયાસો કરવામાં આવી રહ્યા છે. તેમણે વધુમાં જાહેરાત કરી હતી કે, આગામી 22 નવેમ્બરે ગુજરાતની તમામ 182 વિધાનસભા બેઠકો પર સ્નેહમિલન કાર્યક્રમો યોજવામાં આવશે. આ માધ્યમથી સંગઠનના કાર્યકરો અને લોકો વચ્ચેનો સંપર્ક વધુ મજબૂત બનાવવાનો પ્રયાસ કરવામાં આવશે.
    Click here to Read More
    Previous Article
    ઘરમાં જ રહેતા પ્રેમીની તીક્ષ્ણ હથિયારના ઘા ઝીંકી હત્યા:ડિંડોલીમાં સાથે પ્રેમસંબંધમાં થયેલી બોલાચાલી બાદ યુવકની હત્યા, મધ્ય પ્રદેશનું દંપતી ઝડપાયું
    Next Article
    અમદાવાદમાં રાજ્યકક્ષાની સ્પોર્ટ ક્લાઈમ્બિંગ ચેમ્પિયનશિપ સંપન્ન:16 જિલ્લાના 153 ખેલાડીઓએ ભાગ લઈ બોલ્ડરિંગ-સ્પીડ ક્લાઈમ્બિંગમાં કૌશલ્ય બતાવ્યું

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment