Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    રાજકોટમાં કારચાલકે સ્પીડ બ્રેકર કૂદાવી વૃદ્ધને મોપેડ સાથે ઉછાળ્યાં, CCTV:ભાગવા જતા વધુ બે વાહનને ઉડાવી કાર સોસાયટીના બોર્ડમાં અથડાવી; લોકો પકડે તે પહેલા ફરાર, સગીરની આશંકા

    2 days ago

    1

    0

    👍 ❤️ 😂 😮 😢 😡 😘 🤐 🥰

    રાજકોટનાં રૈયા રોડ પર આજે 21 જૂને સવારે હૃદય કંપાવનારો અકસ્માત સર્જાયો હતો. જેમાં આમ્રપાલી બ્રિજની બહાર પુરપાટ ઝડપે જતી વર્ના કાર સ્પીડબ્રેકર પર હવામાં ઉછળી હતી. અને એક ટુ-વ્હીલર ચાલકને હડફેટે લેતા તે ફૂટબોલની જેમ ફંગોળાઈ રસ્તા પર પટકાયા હતા. ત્યારબાદ ભગવા જતા બે વાહનોને હડફેટે લઈ 200 મીટર આગળ રૈયારોડ પર ધડાકાભેર એક બોર્ડ સાથે અથડાતા કારની એરબેગ ખુલી ગઈ હતી.મોપેડ ચાલકને ઉડાવ્યાની ઘટના અને બેફામ ગતિએ દોડતી કારના CCTV પણ સામે આવ્યા છે. અકસ્માત સર્જાયા બાદ ઘટનાસ્થળે લોકોના મોટા ટોળા ઉમટી પડ્યા હતા અને ભારે નાસભાગ મચી ગઈ હતી. પ્રાથમિક તપાસ અને પ્રત્યક્ષદર્શીઓના જણાવ્યા અનુસાર, અકસ્માતમાં એક વ્યક્તિ ઘાયલ થતા તેને સારવાર માટે ખસેડાયા છે. આ બેકાબૂ કાર એક સગીર ચલાવી રહ્યો હોવાની આશંકા પણ પ્રત્યક્ષદર્શીએ વ્યક્ત કરી છે. કારની પાછળ નંબર પ્લેટ પણ નહીં હોવાનું સામે આવ્યું છે. હાલ પોલીસે સમગ્ર મામલે વધુ તપાસ હાથ ધરી છે. અંડરબ્રિજમાંથી કાર નીકળી સ્પીડબ્રેકર પાસે 4-5 ફૂટ હવામાં ઉછળી સમગ્ર ઘટનાનાં CCTV પણ સામે આવ્યા છે. જેમાં સ્પષ્ટ જોઈ શકાય છે કે આમ્રપાલી અંડરબ્રિજમાંથી નીકળેલી આ કાર સ્પીડબ્રેકર પાસે 4-5 ફૂટ હવામાં જ ઉછળે છે અને ત્યારબાદ એક ટુ-વહીલર ચાલકને હડફેટે લેતા તેઓ ફૂટબોલની માફક ઉછળીને રસ્તા પર ફંગોળાય છે. ત્યારબાદ આ કારનાં ચાલકે ભાગવાનો પ્રયાસ કર્યો હતો. જેમાં 200 ફૂટ દૂરની શેરીમાં વળવા જતા એક વૃક્ષ પાસે આવેલા બોર્ડ સાથે જ કાર ધડાકાભેર અથડાઈ હતી. જેને લઈને કારની એરબેગ્સ ખુલી ગઈ હતી. ચાલક અને તેમાં સવાર તમામ કાર રેઢી મૂકીને ફરાર થઇ ગયા હતા. 'સ્પીડબ્રેક પર કાર ઉછળતા ચાલકે કાબૂ ગૂમાવ્યો' આ અકસ્માતના નજરે જોનાર પ્રત્યક્ષદર્શી જિજ્ઞેશ ભટ્ટના જણાવ્યા અનુસાર, અંડરબ્રિજની અંદરથી એક કાળા રંગની વર્ના કાર અત્યંત પૂરપાટ ઝડપે ધસી આવી હતી. અંડરબ્રિજ બહાર નીકળતાની સાથે રસ્તા પર આવેલા સ્પીડબ્રેકર પર આ કારની ગતિ એટલી વધારે હતી કે કાર અંદાજે 3થી 4 ફૂટ જેટલી હવામાં ઉછળી હતી. સ્પીડબ્રેકર પરથી કાર હવામાં ઉછળતા જ ચાલકે કાર પરનો કાબૂ સંપૂર્ણપણે ગુમાવી દીધો હતો. બેકાબૂ બનેલી આ કારે રસ્તા પર આગળ જઈ રહેલા એક સ્કૂટર ચાલકને જોરદાર ટક્કર મારીને હડફેટે લીધા હતા. કારની સ્પીડ અંદાજે 80થી 100ની હોવાનું લાગી રહ્યું હતું. કાર ચાલકે મોપેડ સવાર વૃદ્ધને ફૂટબોલની જેમ ઉડાવ્યા કાર ચાલકે વયોવૃદ્ધ સ્કૂટર ચાલકને અડફેટે લીધા બાદ ત્યાંથી ભાગી છૂટવાનો પ્રયાસ કર્યો હતો. કાર ચાલકે વાહનને ભગાડવાનો પ્રયત્ન કર્યો ત્યારે રસ્તામાં બીજા 2થી 3 વાહન ચાલકો પણ તેની હડફેટે આવી ગયા હતા અને તેમને પણ નાની-મોટી ઈજાઓ પહોંચી હતી. શેરીમાં ટર્ન લેવા જતા બોર્ડ સાથે કારની ટક્કર આ પૂરપાટ ઝડપે દોડતી કાર ઘટનાસ્થળથી આશરે 100થી 200 મીટર દૂર એક શેરીમાં ટર્ન લેવાનો પ્રયાસ કરી રહી હતી, તે દરમિયાન રોડની સાઈડમાં આવેલા એક બોર્ડ સાથે ધડાકાભેર અથડાતા એરબેગ ખુલી ગઈ હતી. અને કારને ત્યાં જ બ્રેક લાગી ગઈ હતી. જો કાર બોર્ડ સાથે ન અથડાઈ હોત તો કદાચ આગળ જતા અન્ય લોકોને પણ તે પોતાની હડફેટે લે તેવી શક્યતા હતી. વૃદ્ધને માથાના ભાગે ગંભીર ઈજા થઈ અકસ્માતમાં સૌથી વધુ ઈજા આમ્રપાલી અંડરબ્રિજ પાસે પસાર થઈ રહેલા એક વયોવૃદ્ધ સ્કૂટર ચાલકને થઈ હતી. કારની સીધી ટક્કર વાગવાને કારણે તેઓ રોડ પર દૂર સુધી ફંગોળાયા હતા અને તેને શરીરે તેમજ માથાના ભાગે ગંભીર ઈજાઓ પહોંચી હતી. અકસ્માત થતાં જ આસપાસના સ્થાનિક લોકો અને વાહનચાલકો તેમની મદદ માટે દોડી આવ્યા હતા.ત્યાં હાજર એક જાગૃત નાગરિક દ્વારા તુરંત જ 108 ઇમરજન્સી એમ્બ્યુલન્સ સર્વિસને ફોન કરીને જાણ કરવામાં આવી હતી. 108ની ટીમ ઘટનાસ્થળે પહોંચીને લોહીલુહાણ હાલતમાં રહેલા વૃદ્ધને સારવાર અર્થે હોસ્પિટલમાં ખસેડ્યા હતા. 'કાર ચાલક અને તેમાં સવાર સગીર લાગતા હતા' વૃક્ષ પાસેના બોર્ડ સાથે કાર અથડાયા બાદ સ્થાનિક લોકોએ કારને ઘેરી લીધી હતી. પ્રત્યક્ષદર્શી જીજ્ઞેશ ભટ્ટે જણાવ્યા મુજબ, કારની અંદર જે વ્યક્તિઓ બેઠા હતા તે તમામ સગીર વયના લાગતા હતા. કાર ચલાવનાર પણ સગીર જ હતો અને તેની પાસે ડ્રાઇવિંગ લાયસન્સ હોવાની કોઈ શક્યતા નહોતી. અકસ્માત બાદ અન્ય વાહનચાલકો, જેઓ કારની ટક્કરથી બચી ગયા હતા પરંતુ ગભરાઈ ગયા હતા, તેઓ પણ ત્યાં એકઠા થઈ ગયા હતા. લોકોના ટોળાએ કાર ચાલક સામે રોષ વ્યક્ત કર્યો હતો. ઘટનાની જાણ થતાં જ સ્થાનિક પોલીસનો કાફલો ઘટનાસ્થળે દોડી આવ્યો હતો અને અકસ્માત કરનાર કારને કબજે લઈને આગળની કાયદેસરની કાર્યવાહી હાથ ધરી છે. બાળકોને કાર કે બાઈક ન આપવું જોઈએ વધુમાં જીજ્ઞેશ ભટ્ટે તમામ માતા-પિતાને એક મહત્વપૂર્ણ સંદેશ આપ્યો છે. તેમણે અત્યંત દુઃખ સાથે જણાવ્યું હતું કે, આ કિસ્સા પરથી દરેક માબાપે મોટો સબક લેવાની જરૂર છે. હાલ વાલીઓ પોતાના સગીર વયના બાળકોને કાયદાનું ભાન કરાવ્યા વિના વૈભવી કાર કે મોટરસાયકલ આપી દેતા હોય છે, જે ખૂબ જ જોખમી છે. વાલીઓ સતર્ક બને અને પોતાના દીકરા કે દીકરીઓને ડ્રાઇવિંગ લાયસન્સ આવ્યા વગર ક્યારેય પણ વાહન ચલાવવા માટે ન આપે. સગીરોની એક નાની ભૂલ કે શોખના કારણે રસ્તા પર જતા કોઈ નિર્દોષ અને માસૂમ લોકોના જીવ જોખમમાં મુકાય છે અથવા તો કોઈની જિંદગી કાયમ માટે છીનવાઈ જાય છે. ત્યારે આ પ્રકારની બેદરકારી રોકવા માટે વાલીઓએ પોતે જ કડક થવું પડશે.
    Click here to Read More
    • Share:
    વલસાડમાં વિશ્વ યોગ દિવસની ઉજવણી:તિથલ સ્વામિનારાયણ મંદિરે 'યોગ ભગાડે રોગ' સંદેશ, મોટી સંખ્યામાં લોકોએ ભાગ લીધો
    Previous Article
    વલસાડમાં વિશ્વ યોગ દિવસની ઉજવણી:તિથલ સ્વામિનારાયણ મંદિરે 'યોગ ભગાડે રોગ' સંદેશ, મોટી સંખ્યામાં લોકોએ ભાગ લીધો
    Next Article
    NEET UG Re-Exam LIVE | નીટ-યુજીની આજે પરીક્ષા, અમદાવાદ રાજકોટથી મોટા સમાચાર | Ahmedabad | Rajkot
    NEET UG Re-Exam LIVE | નીટ-યુજીની આજે પરીક્ષા, અમદાવાદ રાજકોટથી મોટા સમાચાર | Ahmedabad | Rajkot

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment

      Send