Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    દાઉદ ઇબ્રાહિમના પૈતૃક ઘર પર બુલડોઝર ફરી વળ્યું:BMCએ કહ્યું- દિવાલો, છત પડી જવાનું જોખમ હતું, આ મકાન મસ્જિદનો હિસ્સો

    7 hours ago

    મુંબઈના ભીંડી બજારમાં દાઉદ ઇબ્રાહિમના જૂના પૈતૃક ઘરને BMCએ બુલડોઝરથી તોડી પાડ્યું હતું. BMCએ જણાવ્યું કે પાકમોડિયા સ્ટ્રીટ પર આવેલી મુસાફિખાના બિલ્ડિંગ જર્જરિત થઈ ગઈ હતી. BMCએ ઇમારતને C-1 કેટેગરીમાં મૂકી હતી. દિવાલો અને છત ધરાશાયી થવાનું જોખમ હોવાથી તેને તોડી પાડવામાં આવી રહી છે. સ્થાનિક લોકોના વિરોધને ધ્યાનમાં રાખીને વિસ્તારમાં મોટી સંખ્યામાં પોલીસ દળ તહેનાત કરવામાં આવ્યું હતું. કાર્યવાહી ગુરુવારે સવારે શરૂ કરવામાં આવી. આ બિલ્ડિંગમાં મસ્જિદ પણ છે આ ઇમારત દાઉદ ઇબ્રાહિમનું પૈતૃક ઘર છે. મકાન મસ્જિદનો એક ભાગ છે. BMCએ સ્પષ્ટ કર્યું કે ઇમારતનો જર્જરિત ભાગ તોડી પાડવામાં આવી રહ્યો છે. આખી મસ્જિદ તોડી પાડવામાં આવશે નહીં. BMCની બુલડોઝર કાર્યવાહી તસવીરોમાં… દાઉદ 1993થી વોન્ટેડ, દેશ છોડીને ભાગી ગયો દાઉદ ઇબ્રાહિમ અને તેની ગેંગ 1993ના મુંબઈ બોમ્બ વિસ્ફોટો સાથે જોડાયેલા કેસમાં ભારતમાં વોન્ટેડ છે. વિસ્ફોટો બાદથી તે દેશ છોડીને ભાગી ગયો હતો. અહેવાલો અનુસાર દાઉદ પાકિસ્તાનમાં છે. ટેરર ફંડિંગમાં પણ દાઉદના લોકો સૌથી આગળ NIAના સૂત્રોના જણાવ્યા અનુસાર દાઉદ ઇબ્રાહિમ કટ્ટર ઇસ્લામિક વિચારધારા ફેલાવનારાઓને ફંડિંગ કરી રહ્યો છે. તેણે ઝાકિર નાઈકના ઇસ્લામિક રિસર્ચ ફાઉન્ડેશન (IRF)ને મોટું દાન આપ્યું હતું. આ વાતની પુષ્ટિ નાઈકના ચીફ ફાઇનાન્શિયલ ઓફિસર આમિર ગજદરે પણ કરી હતી. આમિરે જણાવ્યું હતું કે દાઉદે એક મધ્યસ્થી સુલતાન અહમદ મારફતે આ દાન આપ્યું હતું. EDને શંકા છે કે ગજદરે નાઈકની NGO માટે 200 કરોડથી વધુનું દાન ભેગુ કર્યું છે. ભારતમાં દાઉદનો ભાઈ ઇકબાલ કામકાજ સંભાળી રહ્યો છે તપાસ એજન્સીઓના જણાવ્યા મુજબ, દાઉદનો ભાઈ ઇકબાલ કાસકર ભારતમાં તેનું સમગ્ર કામકાજ સંભાળી રહ્યો છે. તે દાઉદના જમણા હાથ સમાન છોટા શકીલના સંપર્કમાં હતો. થાણેના બિલ્ડર સુરેશ દેવીચંદ મહેતાની ફરિયાદ બાદ ઇકબાલ જેલમાં છે અને તેની સાથે તેના બે સાગરીતો મુમતાઝ શેખ અને ઇસરાર અલીની પણ પહેલા થાણે પોલીસે અને ત્યારબાદ EDએ ધરપકડ કરી છે. ---------------------------- આ સમાચાર પણ વાંચો… 2035 સુધીમાં ઇસ્લામ વિશ્વનો સૌથી મોટો ધર્મ બની જશે:દુનિયાની વસતિમાં મુસ્લિમોની સંખ્યા ઝડપથી વધશે,હિન્દુઓની હિસ્સેદારી ઘટશે વૈશ્વિક સ્તરે ધાર્મિક વસતિમાં થઈ રહેલા ફેરફારોને લઈને અમેરિકાના પ્યૂ રિસર્ચ સેન્ટરનો એક નવો રિપોર્ટ સામે આવ્યો છે. રિપોર્ટ મુજબ, વર્ષ 2010માં દુનિયાની કુલ વસતિ આશરે 6.9 અબજ હતી, જે 2050 સુધીમાં વધીને 9.3 અબજ સુધી પહોંચી શકે છે. આ જ દરમિયાન મુસ્લિમ વસતિમાં સૌથી ઝડપી વૃદ્ધિ થવાનું અનુમાન છે. રિપોર્ટ મુજબ, 2010ની સરખામણીમાં 2050 સુધીમાં મુસ્લિમ વસતિ આશરે 73 ટકા વધી શકે છે. એટલે કે 2010માં દુનિયામાં મુસ્લિમોની વસતિ આશરે 1.6 અબજ હતી, જે 2050 સુધીમાં વધીને લગભગ 2.76 અબજ થઈ જશે. સંપૂર્ણ સમાચાર વાંચો…
    Click here to Read More
    Previous Article
    સેન્સેક્સમાં 200 પોઈન્ટની તેજી:82,200 પર કારોબાર કરી રહ્યો છે, નિફ્ટીમાં પણ 50 પોઈન્ટ ઉછાળો; ઓટો અને બેન્કિંગ શેરોમાં વધુ ખરીદી
    Next Article
    જામનગર એરફોર્સ સ્ટેશનમાં આંતરરાષ્ટ્રીય HADR એક્સરસાઇઝ:‘સહાયતા સેતુ’માં વૈશ્વિક એકતાનો સંદેશ; ઓસ્ટ્રેલિયા-જાપાન-અમેરિકાના પ્રતિનિધિઓની વિશેષ ઉપસ્થિતિ

    Related National Updates:

    Are you sure? You want to delete this comment..! Remove Cancel

    Comments (0)

      Leave a comment