Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ઇલોન મસ્ક અને સેમ ઓલ્ટમેન, બેઉ બળિયા બાથે વળગ્યા:આ લડાઇ માત્ર બે ટેક જાયન્ટ્સ વચ્ચેની નથી પરંતુ સમગ્ર AI ઇન્ડસ્ટ્રી માટે મહત્વપૂર્ણ છે

    11 hours ago

    1

    0

    👍 ❤️ 😂 😮 😢 😡 😘 🤐 🥰

    લગભગ બે વર્ષ પહેલા બોલીવુડમાં એક ફિલ્મ આવી અને ટિકિટબારી પર સારી સફળતા મેળવી. ફિલ્મનું નામ હતું 'તેરી બાતોં મેં ઐસા ઉલઝા જિયા'. ફિલ્મ એક સામાન્ય પુરુષ અને હાઈ-ટેક સ્ત્રી રોબોટ વચ્ચેની પ્રેમ કહાની પર આધારિત છે. આ તો ફિલ્મી કલ્પના છે પરંતુ 1960માં આવેલું પહેલું ચેટબોટ 'એલિઝા' એટલું વિશ્વાસપાત્ર લાગતું કે લોકો તેને માનવી સમજી તેની સાથે ફ્લર્ટ કરતા હતા. ત્યારથી લઈને આજ સુધી આર્ટિફિશ્યલ ઇન્ટેલિજન્સ એટલે કે AI સંચાલિત ટેક્નોલોજી સતત શક્તિશાળી બની રહી છે અને ભવિષ્યમાં તે વધુ પ્રબળ બનવાની યાત્રા અટકવાની નથી. આ જ યાત્રા આ ટેક્નોલોજીને મનુષ્ય કરતાં વધુ બુદ્ધિશાળી બનાવી શકે છે અને કદાચ માનવજાતના અસ્તિત્વ માટે પણ જોખમ ઊભું કરી શકે છે એવું અનેક નિષ્ણાતો માને છે. મસ્ક અને ઓલ્ટમેન વચ્ચે લડાઇ આ પરિસ્થિતિને ધ્યાનમાં રાખીને વિશ્વના સૌથી ધનિક અને વિઝનરી ગણાતા ઇલોન મસ્ક અને ભવિષ્યમાં ધન અને પાવરના ક્ષેત્રમાં તેમની સમકક્ષ બની શકે એવા ઓપન AIના સેમ ઓલ્ટમેન વચ્ચે સીધી ટક્કર જોવા મળી રહી છે. અગાઉના સમયમાં જે દેશો અને કંપનીઓ ઓઇલ પર નિયંત્રણ ધરાવતા હતા તેમની રાજકીય અને આર્થિક શક્તિ વધુ માનવામાં આવતી હતી. હવે કહેવાય છે કે AI તે સ્થાન લઈ શકે છે. આજ મુદ્દો વિશ્વભરના વિવાદોમાંથી એક મહત્વનો મુદ્દો બની ગયો છે કે શું આર્ટિફિશ્યલ ઇન્ટેલિજન્સ મનુષ્ય કરતાં વધુ શક્તિશાળી બની જશે? આથી ઇલોન મસ્ક અને સેમ ઓલ્ટમેન વચ્ચેનો સંઘર્ષ માત્ર વ્યક્તિગત મતભેદ સુધી મર્યાદિત નથી પરંતુ સમગ્ર AI ઉદ્યોગના ભવિષ્ય સાથે જોડાયેલો છે. બન્નેનો વિવાદો સાથે જૂનો સંબંધ ટેક્નોલોજીની દૃષ્ટિએ જીનિયસ ગણાતા ઇલોન મસ્ક અને ઝડપથી સફળતા મેળવી આગળ આવેલા તેમના પૂર્વ પાર્ટનર સેમ ઓલ્ટમેન બંને કોઈને કોઈ કારણસર વિવાદોમાં ઘેરાયેલા રહેતા હોય છે. 2015માં સહિયારી રીતે OpenAI સ્થાપી હતી ઇલોન મસ્ક અને સેમ ઓલ્ટમેનનું સહિયારું પરાક્રમ એટલે 2015માં સ્થાપિત થયેલું OpenAI. માનવજાતના હિત માટે AIનો વિકાસ કરવા શરૂઆતમાં તે એક નોન-પ્રોફિટ સંસ્થા તરીકે કાર્યરત હતી પરંતુ 2018 પછી ઇલોન મસ્ક તેમાંથી બહાર નીકળી ગયા અને ત્યારથી બંને વચ્ચે મતભેદ વધવા લાગ્યા. ઇલોન મસ્કનો આરોપ છે કે સેમ ઓલ્ટમેનએ નોન-પ્રોફિટ મોડલમાંથી નફાકારક કંપનીમાં ફેરફાર કરીને OpenAIના મૂળ હેતુનો ભંગ કર્યો છે. OpenAIની વધતી સફળતા અને લોકપ્રિયતા સાથે તેનું નફાકારક મોડલ વધુ મજબૂત બન્યું છે અને આ જ વિવાદનું મુખ્ય કારણ છે એવું ઘણા નિષ્ણાતો અને સામાન્ય લોકો માને છે, ભલે ઇલોન મસ્ક નૈતિકતા અને હેતુની વાતો કરતા હોય. દર અઠવાડિયે ChatGPTના 90 કરોડ યુઝર્સ 2026ના તાજા આંકડા મુજબ લગભગ 90 કરોડ લોકો દર અઠવાડિયે ChatGPTનો ઉપયોગ કરે છે અને દરરોજ 2 થી 2.5 બિલિયન પ્રશ્નો પૂછવામાં આવે છે. આ આંકડો દર્શાવે છે કે દુનિયાના લગભગ દરેક 8માંથી 1 વ્યક્તિ ChatGPTનો ઉપયોગ કરે છે, જે અત્યંત વિશાળ પ્રમાણ છે. Y Combinatorના પ્રમુખ તરીકે શરૂઆત કરનાર સેમ ઓલ્ટમેને ઇલોન મસ્ક અને ગ્રેગ બ્રોકમેન સાથે મળીને OpenAIની સ્થાપના કરી હતી. આજ OpenAI અંદાજે 60થી 80% માર્કેટ શેર સાથે AI ચેટબોટ માર્કેટમાં અગ્રણી સ્થાન ધરાવે છે. ગૂગલ જેમિની, ક્લોડ અને ગ્રોક જેવા સ્પર્ધકો હોવા છતાં. આવી સફળતા સામે ઇર્ષા થવી સ્વાભાવિક છે. AI ક્ષેત્રે ઓલ્ટમેનનું મહત્વનું યોગદાન AIને માનવજાત માટે સૌથી મોટી ટેક્નોલોજી માનતા સેમ ઓલ્ટમેન માને છે કે ભવિષ્યમાં AI ‘સુપરઇન્ટેલિજન્સ’ સુધી પહોંચી શકે છે. હાલમાં તેઓ OpenAIના ચીફ એક્ઝિક્યુટિવ ઓફિસર તરીકે કાર્યરત છે. ChatGPTને વિશ્વભરમાં લોકપ્રિય બનાવવામાં અને AIને લોકભોગ્ય બનાવવા માટે જરૂરી રોકાણ અને ટેક્નોલોજીકલ માળખું ઊભું કરવામાં તેમણે મહત્વપૂર્ણ યોગદાન આપ્યું છે. સફળતા મળતા જ મનુષ્ય હોય કે કંપની, વિવાદો આકર્ષાવા સહજ બની જાય છે. તાજેતરના વિવાદનું મુખ્ય કારણ OpenAIની સંસ્થાકીય રચનામાં થયેલો ફેરફાર છે. ફેરફાર પર આરપાર રાજકારણ, બિઝનેસ અથવા વ્યક્તિગત સંબંધોમાં વિવાદોને આકર્ષતા ઇલોન મસ્કે દાવો કર્યો છે કે તેમણે OpenAIમાં કરોડો ડોલરનું દાન આપ્યું હતું પરંતુ હવે કંપની નફા માટે કાર્યરત છે. જે તેના મૂળ હેતુના વિરુદ્ધ છે. બીજી તરફ સેમ ઓલ્ટમેન અને OpenAIનું કહેવું છે કે આ ફેરફાર જરૂરી હતો જેથી કંપની ગૂગલ જેવી સ્પર્ધકો સામે ટકી શકે અને વધુ ફંડિંગ મેળવી શકે. કહેવાય છે ને કે મોટા લોકો વચ્ચેના વિવાદો પણ મોટા હોય છે. આ લડાઇ માત્ર બે ટેક જાયન્ટ્સ વચ્ચેની નથી પરંતુ સમગ્ર AI ઇન્ડસ્ટ્રી માટે મહત્વપૂર્ણ છે અને વિશેષજ્ઞોના મતે આ ઉદ્યોગની દિશા નક્કી કરી શકે છે. AIના જોખમો વિશેની ચેતવણીની અવગણના ઇલોન મસ્ક અને સેમ ઓલ્ટમેન જેવા દિગ્ગજોના વિવાદ વચ્ચે AI ક્ષેત્રના ભીષ્મ પિતામહ ગણાતા અને 2024માં ભૌતિકશાસ્ત્રનો નોબેલ પુરસ્કાર જીતનાર જેફ્રી હિન્ટન જેવી વ્યક્તિઓની AIના જોખમો વિશેની ચેતવણી અવગણાઇ રહી છે. જેફ્રી હિન્ટન ગંભીર ચેતવણી આપે છે કે ભવિષ્યમાં AI ‘સુપર ઇન્ટેલિજન્સ’ સુધી પહોંચી શકે છે, જ્યાં તે માનવ કરતાં વધુ શક્તિશાળી બની જશે અને તે સ્થિતિમાં તેને નિયંત્રિત કરવું મુશ્કેલ બની શકે છે. ચોથું વિશ્વયુદ્ધ તીર અને ભાલાથી લડાશે! મહાન વૈજ્ઞાનિક આલ્બર્ટ આઇન્સ્ટાઇને કહ્યું હતું કે ત્રીજું વિશ્વયુદ્ધ કેવી રીતે લડાશે એ અજ્ઞાત છે પરંતુ ચોથું વિશ્વયુદ્ધ તીર અને ભાલાથી લડાશે. આ આર્ટિફિશ્યલ ઇન્ટેલિજન્સ જો નિયંત્રણ વગર આગળ વધશે તો માનવજાતને એવી સ્થિતિમાં મૂકી શકે છે કે જ્યાં તીર અને ભાલાથી યુદ્ધ લડવાની ફરજ પડી શકે. જો જેફ્રી હિન્ટન જેવી ચેતવણીઓને અવગણવામાં આવશે અને AIના ઉપયોગમાં સમજદારી નહીં દાખવવામાં આવે તો આ ભવિષ્ય શક્ય બની શકે છે.
    Click here to Read More
    • Share:
    સિટી એન્કર:શિક્ષિકા ખાય તો જડબા નીચે સોજો આવતો, નિદાન કરતાં લાળગ્રંથિમાં 4 પથરી મળી, તબીબે કહ્યું, ફાસ્ટફુડથી થયું
    Previous Article
    સિટી એન્કર:શિક્ષિકા ખાય તો જડબા નીચે સોજો આવતો, નિદાન કરતાં લાળગ્રંથિમાં 4 પથરી મળી, તબીબે કહ્યું, ફાસ્ટફુડથી થયું
    Next Article
    અપૂરતા પાણીના વિતરણ વચ્ચે રહીશોને કમઠાણ:ગાજરાવાડી સંપની સફાઈ કરાશે, 50 હજાર લોકોને પાણી નહીં મળે
    અપૂરતા પાણીના વિતરણ વચ્ચે રહીશોને કમઠાણ:ગાજરાવાડી સંપની સફાઈ કરાશે, 50 હજાર લોકોને પાણી નહીં મળે

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment

      Send