Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    મોંઘવારી અને ભેળસેળના મુદ્દે મોરબી AAPનું કલેક્ટરને આવેદન:ગેસ, પેટ્રોલ-ડીઝલ સહિત જીવનજરૂરી ચીજવસ્તુઓના ભાવ પર નિયંત્રણ લાવવાની માંગ

    7 hours ago

    ગુજરાત સહિત સમગ્ર દેશમાં વધતી મોંઘવારીના કારણે સામાન્ય અને મધ્યમ વર્ગના પરિવારોનું ઘરનું બજેટ ખોરવાઈ રહ્યું છે. ગેસ સિલિન્ડર, પેટ્રોલ-ડીઝલ, ખાદ્યતેલ, શાકભાજી સહિતની જીવનજરૂરી ચીજવસ્તુઓના ભાવમાં સતત વધારો થઈ રહ્યો છે. બીજી તરફ બજારમાં નકલી અને ભેળસેળયુક્ત વસ્તુઓનું વેચાણ થતું હોવાના મુદ્દે મોરબી જિલ્લા આમ આદમી પાર્ટી દ્વારા અવાજ ઉઠાવવામાં આવ્યો છે. મોંઘવારી અને ભેળસેળ પર નિયંત્રણ લાવવાની માંગ સાથે પાર્ટીના આગેવાનોએ જિલ્લા કલેક્ટરને આવેદનપત્ર પાઠવ્યું હતું. AAPના આગેવાનોની ઉપસ્થિતિમાં આવેદનપત્ર પાઠવાયું મોરબી જિલ્લા આમ આદમી પાર્ટીના પ્રભારી પંકજ રાણસરીયા અને જિલ્લા પ્રમુખ મહાદેવ પટેલ સહિતના આગેવાનોની ઉપસ્થિતિમાં કલેક્ટરને આવેદનપત્ર આપવામાં આવ્યું હતું. આવેદનપત્રમાં રજૂઆત કરવામાં આવી હતી કે એક તરફ મોંઘવારીનો માર સહન કરવો પડી રહ્યો છે, તો બીજી તરફ બજારમાં નકલી અને ભેળસેળયુક્ત વસ્તુઓનું બેરોકટોક વેચાણ થઈ રહ્યું છે. આ સ્થિતિમાં સામાન્ય પરિવારો માટે બાળકોનું શિક્ષણ, વડીલોની દવાઓ અને રોજિંદી જરૂરિયાતો પૂરી કરવી પણ મુશ્કેલ બની રહી છે. ભેળસેળયુક્ત વસ્તુઓના વેચાણ સામે કડક કાર્યવાહીની માંગ આમ આદમી પાર્ટીએ નકલી અને ભેળસેળયુક્ત વસ્તુઓના વેચાણ સામે કડક કાર્યવાહી કરવાની માંગ કરી છે. આ માટે બજારો, દુકાનો અને ગોડાઉનોમાં નિયમિત તપાસ હાથ ધરવામાં આવે તેમજ નિયમોનું ઉલ્લંઘન કરનારાઓ સામે કડક પગલાં લેવામાં આવે તેવી રજૂઆત કરવામાં આવી હતી. જીવનજરૂરી ચીજવસ્તુઓના ભાવ નિયંત્રિત કરવા રજૂઆત આવેદનપત્રમાં ગેસ સિલિન્ડર, પેટ્રોલ-ડીઝલ અને અન્ય જીવનજરૂરી ચીજવસ્તુઓના ભાવ પર નિયંત્રણ લાવવા સરકાર યોગ્ય પગલાં ભરે તેવી માંગ પણ કરવામાં આવી હતી. મોંઘવારીના કારણે આર્થિક મુશ્કેલીનો સામનો કરી રહેલા સામાન્ય નાગરિકોને રાહત મળે તે માટે સરકાર તાત્કાલિક અસરથી જરૂરી કાર્યવાહી કરે તેવી રજૂઆત મોરબી જિલ્લા આમ આદમી પાર્ટી દ્વારા કરવામાં આવી હતી.
    Click here to Read More
    Previous Article
    પાટડી અને ધામામાં શક્તિમાતાનો 951મો જન્મોત્સવ ઉજવાયો:ઝાલાવાડ ક્ષત્રિય સમાજના લોકો દર્શન માટે શક્તિધામ પહોંચ્યા; હવન અને શોભાયાત્રાનું આયોજન કરાયું
    Next Article
    મનપાનો ફૂડ વિભાગ એક્શનમાં:રાજકોટનાં કોઠારીયાની મંત્ર બેકરીમાંથી બ્રેડ, એસેન્સ, કલર અને ફ્લેવર સહિત 38 કિલો અખાદ્ય જથ્થાનો નાશ, મલાઈ, માવા ઉપરાંત આઈસ્ક્રીમનાં નમુના લીધા

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment