Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    બોટાદમાં જવાહર નવોદય વિદ્યાલય પાસેની ડમ્પિંગ સાઇટ હટાવવા માંગ:વારંવાર આગથી વિદ્યાર્થીઓના સ્વાસ્થ્ય સામે જોખમ, AAPએ ઘટનાની ઉચ્ચસ્તરીય તપાસની માંગ કરી

    6 hours ago

    બોટાદમાં જવાહર નવોદય વિદ્યાલયની બાજુમાં આવેલી ડમ્પિંગ સાઇટમાં આગ લાગવાની ઘટનાને પગલે શાળાના વિદ્યાર્થીઓના સ્વાસ્થ્ય સામે જોખમ ઊભું થયું હતું. ડમ્પિંગ સાઇટમાંથી નીકળેલા ધુમાડાના કારણે વિદ્યાર્થીઓને શ્વાસ લેવામાં તકલીફ પડતાં વાલીઓ પોતાના બાળકોને શાળામાંથી ઘરે લઈ જવા મજબૂર બન્યા હતા. પરિસ્થિતિ એટલી ગંભીર બની હતી કે શાળા ખાલી કરવાની નોબત આવી હતી. ઓગસ્ટમાં રજૂઆત છતાં કાર્યવાહી ન થઈ હોવાનો આક્ષેપ આ સમગ્ર મામલે હવે આમ આદમી પાર્ટી મેદાનમાં આવી છે. આમ આદમી પાર્ટીના ગઢડા વિધાનસભા સંગઠન મંત્રી મહેન્દ્ર સાટીયાએ જણાવ્યું હતું કે, ડમ્પિંગ સાઇટના પ્રશ્ને ગત ઓગસ્ટ મહિનામાં આમ આદમી પાર્ટીના બોટાદ જિલ્લા એકમ દ્વારા તંત્ર અને સરકાર સમક્ષ રજૂઆત કરીને વિરોધ નોંધાવવામાં આવ્યો હતો. જોકે, આ રજૂઆત છતાં તંત્ર દ્વારા કોઈ યોગ્ય કાર્યવાહી કરવામાં ન આવતાં આજે આવી ગંભીર પરિસ્થિતિ ઊભી થઈ હોવાનો તેમણે આક્ષેપ કર્યો હતો. કેમિકલયુક્ત કચરો કોણે નાખ્યો તેની તપાસની માંગ મહેન્દ્ર સાટીયાએ વધુમાં જણાવ્યું હતું કે, પ્રાથમિક આશંકા મુજબ ડમ્પિંગ સાઇટમાંથી નીકળતો ધુમાડો કેમિકલયુક્ત અને ઝેરી હોઈ શકે છે. જો આ સ્થળે માત્ર ઘરેલું કચરો જ નાખવાનો હોય તો ત્યાં કેમિકલયુક્ત કચરો કોણે નાખ્યો તેની તપાસ થવી જોઈએ. આ ઉપરાંત ડમ્પિંગ સાઇટમાં આગ કયા કારણોસર લાગી અને તેના માટે જવાબદાર કોણ છે તેની પણ નિષ્પક્ષ તપાસ કરી જવાબદારો સામે કાયદેસરની કાર્યવાહી કરવાની માંગ કરવામાં આવી હતી. ડમ્પિંગ સાઇટનો કાયમી નિકાલ કરવાની માંગ આમ આદમી પાર્ટીએ શાળાની બાજુમાં આવેલી ડમ્પિંગ સાઇટનો કાયમી નિકાલ કરવાની માંગ ઉઠાવી હતી. પક્ષના આગેવાનોના જણાવ્યા અનુસાર બાળકો અને શિક્ષકોના સ્વાસ્થ્ય સાથે કોઈ ચેડાં ન થાય તે માટે તંત્રએ તાત્કાલિક પગલાં ભરવાં જોઈએ. સાથે જ સમગ્ર ઘટનાની ઉચ્ચસ્તરીય તપાસ કરાવી જવાબદારો સામે કાર્યવાહી કરવાની પણ માંગ કરવામાં આવી હતી. હવે વિદ્યાર્થીઓના સ્વાસ્થ્ય સાથે જોડાયેલા આ ગંભીર પ્રશ્ને તંત્ર દ્વારા ક્યારે પગલાં લેવામાં આવે છે અને ડમ્પિંગ સાઇટની સમસ્યાનો કાયમી ઉકેલ ક્યારે આવે છે તે જોવું રહ્યું.
    Click here to Read More
    Previous Article
    દૂષિત પાણીના કારણે અસંખ્ય માછલીઓના મોત:જહાંગીરપુરા-સરોલી કેનાલ રોડ પરની ઘટના, સ્થાનિકોમાં ભારે રોષ બાદ GPCB અને સિંચાઇ વિભાગની તપાસ શરૂ
    Next Article
    પાટણમાં ચોરાયેલું એક્ટિવા સાથે આરોપી ઝડપાયો:બી ડિવિઝન પોલીસે ટી.બી. ત્રણ રસ્તા પાસેથી પકડ્યો; 60 હજારનું વાહન કબજે, આરોપી સામે અગાઉ 12 ગુના નોંધાયેલા

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment