Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સુરતમાં આપઘાતની બે ઘટના:મોબાઈલ બાબતે માતાએ ઠપકો આપતા ધો-9ના વિદ્યાર્થીએ ફાંસો ખાધો, અવસાન પામેલા પુત્રના વિરહમાં પિતાએ જીવન ટૂંકાવ્યું

    6 hours ago

    શહેરના ડિંડોલી વિસ્તારમાં આપઘાતની 2 અલગ-અલગ કરુણ ઘટનાઓ સામે આવતા સમગ્ર પંથકમાં અરેરાટી વ્યાપી ગઈ છે. પ્રથમ બનાવમાં મોબાઈલ જોવા બાબતે માતાએ ઠપકો આપતા માઠું લાગી આવવાથી ધોરણ 9માં અભ્યાસ કરતા કિશોરે ઘરમાં જ પંખા સાથે દુપટ્ટો બાંધી ગળેફાંસો ખાઈ લીધો હતો. જ્યારે બીજા બનાવમાં અઢી મહિનાના વહાલસોયા પુત્રના મોત બાદ ડિપ્રેશનમાં સરી પડેલા પિતાએ અંતિમ પગલું ભરી જીવન ટૂંકાવ્યું હતું. માતાના ઠપકાથી લાગી આવતા વિદ્યાર્થીએ જીવન ટૂંકાવ્યું પ્રાપ્ત વિગતો અનુસાર, ડિંડોલીના રામદેવનગરમાં રહેતો મહેશ શંભુપ્રસાદ પટેલ જ્ઞાનસાગર સ્કૂલમાં ધોરણ 9માં અભ્યાસ કરતો હતો. તેની માતા સિલાઈકામ કરીને પરિવારનું ગુજરાન ચલાવે છે અને પરિવારમાં તેને 1 ભાઈ તથા 2 બહેન છે. રવિવારે સવારે મહેશ મોબાઈલ જોઈ રહ્યો હોવાથી માતાએ તેને ઠપકો આપ્યો હતો. આ બાબતનું માઠું લાગી આવતા કિશોરે ઘરમાં પંખા સાથે દુપટ્ટો બાંધી ફાંસો ખાઈ લીધો હતો. સિવિલ હોસ્પિટલમાં માતાના આક્રંદથી ગમગીની છવાઈ બનાવની જાણ થતા જ કિશોરને તાત્કાલિક 108 એમ્બ્યુલન્સ મારફતે સારવાર માટે સિવિલ હોસ્પિટલ ખસેડવામાં આવ્યો હતો, જ્યાં ફરજ પરના તબીબે તેને મૃત જાહેર કર્યો હતો. વહાલસોયા પુત્રના મોતના પગલે માતા સિવિલ હોસ્પિટલના તાત્કાલિક સારવાર વિભાગમાં ચોધાર આંસુએ રડી પડી હતી. માતાએ ઠપકો આપતા આ પગલું ભર્યું હોવાનું પ્રાથમિક તબક્કે સામે આવ્યું છે, જોકે ડિંડોલી પોલીસે આ મામલે વધુ તપાસ હાથ ધરી છે. પુત્રના વિરહમાં ડિપ્રેશનમાં રહેતા પિતાનો આપઘાત બીજા બનાવમાં મૂળ મધ્યપ્રદેશના વતની અને હાલ ડિંડોલીની શિવાય રેસિડેન્સીમાં રહેતા 34 વર્ષીય બ્રિજેશ પ્રતાપસિંહ રાજપૂત સીસીટીવી કેમેરા ફિટિંગનું કામ કરી પરિવારનું ભરણપોષણ કરતા હતા. શનિવારે રાત્રે બ્રિજેશે ઘરના હોલમાં પંખા સાથે દુપટ્ટો બાંધી આપઘાત કરી લીધો હતો. પોલીસની પ્રાથમિક તપાસમાં બહાર આવ્યું છે કે, 2 મહિના પહેલા જ બ્રિજેશના એકના એક અઢી મહિનાના પુત્રનું ન્યુમોનિયાની બીમારીના કારણે અવસાન થયું હતું. પુત્રના મોતથી માનસિક આઘાત અને સતત ડિપ્રેશનમાં રહેતા બ્રિજેશે પુત્રના વિરહમાં આ અંતિમ પગલું ભર્યું હોવાનું પ્રાથમિક અનુમાન છે. ડિંડોલી પોલીસે બંને બનાવ અંગે અકસ્માત મોતનો ગુનો નોંધી આગળની તપાસ શરૂ કરી છે.
    Click here to Read More
    Previous Article
    સચિનમાં ગેરકાયદે ખડકાયેલા ઇન્ડસ્ટ્રીયલ વેસ્ટમાં લાગેલી આગ 40 કલાકે કાબુમાં:100થી વધુ ફાયર કર્મચારીઓની જહેમત, 10 લાખ લીટર પાણીનો મારો ચલાવાયો
    Next Article
    સમસ્યા:10 હજાર ઉંડેરાવાસી 4 ગણો વેરો ચૂકવે છે પણ 6 વર્ષથી તળાવની દુર્ગંધ, સાંકડા રસ્તા અને જૂની ગટરોથી પરેશાન

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment