મોર્નિંગ ન્યૂઝ બ્રીફ:ગુજરાતમાં 7-8 જૂને અતિવૃષ્ટિનો અંબાલાલ પટેલનો ધડાકો, દેશમાં દુકાળના ડાકલા, હવામાન વિભાગનાં અનુમાને ચિંતા વધારી, પંતે લખનઉની કેપ્ટનશિપ છોડી

નમસ્તે, હવામાન વિભાગે ચેતવણી આપી છે કે જૂન-જુલાઈમાં પણ હીટવેવ ચાલુ રહેશે. બીજી તરફ, રિષભ પંતે IPL ફ્રેન્ચાઈઝી લખનઉ સુપર જાયન્ટ્સની કેપ્ટનશિપ છોડી દીધી છે. જ્યારે હાર્દિક પંડ્યા મુંબઈ ઈન્ડિયન્સ છોડવાની તૈયારીમાં છે. મોર્નિંગ ન્યૂઝ બ્રીફમાં આગળ જણાવીશું કે IPLમાં સ્માર્ટ સનગ્લાસ કેમ બેન કરવામાં આવ્યા છે... ⏰ આજની ઈવેન્ટ્સ, જેના પર રહેશે નજર 1. કર્ણાટકમાં કોંગ્રેસ ધારાસભ્ય દળની બેઠક યોજાશે. તેમાં ડીકે શિવકુમારના નામ પર મહોર લાગી શકે છે. 📰 કાલના મોટા સમાચારો 1. જૂન-જુલાઈમાં હીટવેવ રહેશે, ચોમાસું શ્રીલંકામાં અટક્યું:કેરળ પહોંચવામાં 7 દિવસ લાગશે; આ વખતે સામાન્યથી પણ 10% ઓછો વરસાદ આવે એવી શક્યતા દેશમાં આ વર્ષે સામાન્ય કરતાં ઓછો વરસાદ થવાની શક્યતા છે. ભારતીય હવામાન વિભાગ (IMD)એ એક મહિના પહેલાં લગાવેલા અનુમાનમાં ફેરફાર કર્યો છે. IMD અનુસાર 2026માં ચોમાસાની સિઝનમાં દેશમાં સરેરાશ વરસાદ ઘટીને 78 સેન્ટિમીટર રહી શકે છે. 13 એપ્રિલે હવામાન વિભાગે 80 સેન્ટિમીટર વરસાદનું અનુમાન લગાવ્યું હતું. 1971-2020ના આંકડાઓના આધારે દેશમાં સરેરાશ વરસાદ 87 સેન્ટિમીટર માનવામાં આવે છે. આ વર્ષે દેશમાં કુલ વરસાદ લોંગ પિરિયડ એવરેજ (LPA) ના લગભગ 90% રહેવાનું અનુમાન છે. આ 2018 પછી સૌથી ઓછો છે. 2018માં સામાન્યની સરખામણીમાં 91% વરસાદ થયો હતો. 100% LPA ને સામાન્ય વરસાદ માનવામાં આવે છે. વાંચો સંપૂર્ણ સમાચાર 2. IPLમાં ગ્રાઉન્ડ પર 'સ્માર્ટનેસ' નહીં ચાલે:પ્લેયર્સ નહીં પહેરી શકે આ ચશ્મા, મોબાઇલ-વોચ જમા થશે; હોટલની બહાર જવા, ગેસ્ટ બોલાવવા પર પ્રતિબંધ; રાતોરાત કેમ નિયમો બદલાયા? BCCIની એન્ટી કરપ્શન યુનિટએ IPL મેચ દરમિયાન ખેલાડીઓ અને મેચ અધિકારીઓ માટે સ્માર્ટ સનગ્લાસના ઉપયોગ પર પ્રતિબંધ મૂક્યો છે. બોર્ડે 18 મેના રોજ તમામ ટીમો માટે એડવાઇઝરી જારી કરી હતી. આ માહિતી શુક્રવારે સામે આવી. આ મુજબ, મેચના દિવસે ખેલાડીઓ અને સપોર્ટ સ્ટાફને મેદાનની અંદર ડ્રેસિંગ રૂમ અને ડગઆઉટમાં જતા પહેલા તેમના ફોન, સ્માર્ટવોચ અને સ્માર્ટ સનગ્લાસ સિક્યોરિટી લાયઝન ઓફિસર (SLO) પાસે જમા કરાવવા પડશે. અન્યથા કાર્યવાહી કરવામાં આવશે અને દંડ ફટકારવામાં આવશે. વાંચો સંપૂર્ણ સમાચાર 3. રિષભ પંતે લખનઉ સુપર જાયન્ટ્સની કેપ્ટનશીપ છોડી:IPL 2026માં છેલ્લા સ્થાને ટીમ રહી, સતત બે સીઝન પ્લેઑફમાંથી બહાર રહી રિષભ પંતે IPL ફ્રેન્ચાઇઝી લખનઉ સુપર જાયન્ટ્સ (LSG)ની કેપ્ટનશીપ છોડવાનો નિર્ણય કર્યો છે. ફ્રેન્ચાઇઝીએ નિવેદન જારી કરીને કહ્યું કે પંતે પોતે કેપ્ટનશીપ છોડવા વિનંતી કરી હતી, જેને સ્વીકારી લેવામાં આવી છે. લખનઉની ટીમ આ સીઝનમાં 10મા અને છેલ્લા સ્થાને રહી. ગયા સીઝનમાં પણ ટીમનું પ્રદર્શન સારું રહ્યું ન હતું અને તે સાતમા નંબરે રહી હતી. બે સીઝનમાં પંતની કેપ્ટનશીપ હેઠળ લખનઉ 28 મેચમાંથી માત્ર 10માં જીત મેળવી શકી છે. લખનઉના ડાયરેક્ટર ઓફ ક્રિકેટ ટોમ મૂડીએ આ નિર્ણયની જાણકારી આપતા કહ્યું કે, પંતે આ વિનંતી સાથે ફ્રેન્ચાઇઝીનો સંપર્ક કર્યો હતો અને અમે તેને સન્માનપૂર્વક સ્વીકારી લીધો છે. વાંચો સંપૂર્ણ સમાચાર 4. ગિરિબાલા અને સમર્થના 5-5 દિવસના રિમાન્ડ મંજુર:CBI સામ-સામે બેસાડીને પૂછપરછ કરશે; ટ્વિશાના 20 લાખના શેર પોતાના નામે ટ્રાન્સફર કરવા સાસુ-પતિ દબાણ કરતા હતા એક્ટ્રેસ-મોડેલ ટ્વિશા શર્માના મોતના કેસમાં, સીબીઆઈએ તેના સાસુ, નિવૃત્ત જજ ગિરિબાલા સિંહ અને તેમના પતિ સમર્થને કોર્ટમાં હાજર કર્યા હતા. તપાસ એજન્સીના વકીલે બંને માટે 5-5 દિવસના રિમાન્ડની માંગણી કરી હતી. આ અંગે આરોપી પક્ષના વકીલે કોઈ વાંધો ઉઠાવ્યો નહીં, ત્યારબાદ સ્પેશિયલ કોર્ટના જજ શોભના ભાલવેએ સીબીઆઈ રિમાન્ડ મંજૂર કર્યા હતા. સેન્ટ્રલ બ્યુરો ઓફ ઇન્વેસ્ટિગેશન (CBI) એ અભિનેત્રી-મોડેલ ટ્વિશા શર્માના સાસુ, નિવૃત્ત જજ ગિરિબાલા સિંહની મૃત્યુ કેસમાં ધરપકડ કરી છે. તેમના પર પુરાવા સાથે છેડછાડ કરવાનો આરોપ છે. CBIએ ત્રણ દિવસની પૂછપરછ, સ્થળ ચકાસણી અને પુરાવા તપાસ પછી આ કાર્યવાહી કરી. સીબીઆઈએ 25 મેની રાત્રે આ કેસમાં એફઆઈઆર કરી હતી. વાંચો સંપૂર્ણ સમાચાર 5. સેન્સેક્સ 1092 પોઈન્ટ ઘટીને 74,775 પર બંધ:નિફ્ટી 359 પોઈન્ટ ઘટીને 23,547 પર આવ્યો; ઓટો-મેટલ શેરો સૌથી વધુ ઘટ્યા શુક્રવાર, 29 મેના રોજ સેન્સેક્સ 1092 પોઈન્ટ ઘટીને 74,775 પર બંધ થયો છે. નિફ્ટી પણ લગભગ 359 પોઈન્ટ ઘટીને 23,557ના સ્તરે આવી ગયો છે. આજના કારોબારમાં ઓટો-મેટલ શેરોમાં સૌથી વધુ ઘટાડો જોવા મળ્યો છે. ગઈકાલે બકરીદના કારણે બજાર બંધ હતું. ગુરુવારે બકરી ઈદની રજાના કારણે શેરબજાર બંધ હતું. તે પહેલાં, 27 મેના રોજ સેન્સેક્સ 142 પોઈન્ટના ઘટાડા સાથે 75,868 પર બંધ થયો હતો. નિફ્ટીમાં પણ 7 પોઈન્ટનો ઘટાડો જોવા મળ્યો હતો, જે 23,907 પર બંધ થયો હતો. બેંકોના શેરમાં સૌથી વધુ વેચવાલી જોવા મળી હતી. વાંચો સંપૂર્ણ સમાચાર 6. રોહિણી નક્ષત્રમાં વરસાદ ગાજવીજ સાથે ધબધબાટી બોલાવશે:7-8 જૂને અતિવૃષ્ટિની આશંકા, 15 રાજ્યોમાં વરસાદનું એલર્ટ; અંબાલાલ પટેલની મોટી આગાહી હવામાન વિભાગના જણાવ્યા અનુસાર, સમગ્ર ગુજરાતમાં ગરમીનો પારો હજુ પણ ઊંચો નોંધાઈ રહ્યો છે. રાજ્યમાં સુરેન્દ્રનગર 44.7°C મહત્તમ તાપમાન સાથે સૌથી ગરમ શહેર રહ્યું છે. આ ઉપરાંત અમદાવાદમાં 44.4°C, રાજકોટમાં 43.6°C, ગાંધીનગરમાં 43.5°C અને ડીસામાં 42.2°C મહત્તમ તાપમાન નોંધાયું છે. અમદાવાદમાં લઘુત્તમ તાપમાન પણ 28.8°C નોંધાયું છે, જે સામાન્ય કરતાં 0.6°C વધુ છે. જ્યારે વડોદરામાં રાત્રિનું લઘુત્તમ તાપમાન 30.0°C જેટલું ઊંચું નોંધાતાં અસહ્ય બફારાની સ્થિતિ યથાવત્ છે. ગૂરૂવારે દિવસભર કાળઝાળ ગરમી રહ્યાં બાદ સાંજના સમયે બનાસકાંઠા અને પાટણ જિલ્લાના વાતાવરણમાં પલટો આવ્યો હતો અને આકાશ વાદળછાયું બન્યું હતું. વાંચો સંપૂર્ણ સમાચાર 7. સ્કૂલો સમયસર શરૂ થશે કે વેકેશન લંબાશે?, વાલીઓ મૂંઝવણમાં:ખાનગી અને સરકારી સ્કૂલો સામ સામે, એકે કહ્યું વેકેશન લંબાવો તો બીજા બોલ્યા ઓનલાઇન એજ્યુકેશનથી નુકસાન, બન્નેના CMને પત્ર ગુજરાતમાં ઉનાળુ વેકેશન લંબાવવુ કે સમયસર સ્કૂલો શરૂ કરવી તેને લઈ રાજ્યની ખાનગી અને સરકારી સ્કૂલો સામ સામે આવી ગઈ છે. આ મામલે ખાનગી શાળા સંચાલક મંડળ અને રાજ્ય શાળા સંચાલક મંડળે મુખ્યમંત્રીને પત્રો લખ્યા છે. જેમાં ખાનગી સ્કૂલ સંચાલક મંડળે વેકેશન લંબાવવાથી શિક્ષણને નુકસાન થવાની ભીતિ વ્યક્ત કરી છે. જ્યારે સરકારી સ્કૂલ સંચાલક મંડળે ગરમી અને પેટ્રોલ-ડીઝલના ભાવને કારણે વેકેશન લંબાવવું જરૂરી છે. આ સ્થિતિને કારણે વાલીઓ મૂંઝવણમાં મૂકાયા છે. ગુજરાતમાં ઉનાળુ વેકેશન લંબાવવાના બદલે નવા શૈક્ષણિક સત્રનો પ્રારંભ નિયમિત સમયસર એટલે કે આગામી 8 જૂનથી જ કરવા માટે રાજકોટના શાળા સંચાલકોએ સરકાર સમક્ષ મોરચો માંડ્યો છે. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : સુપ્રીમ કોર્ટે કહ્યું- UPSCમાં પેપર લીક કેમ નથી થતું:NTAને તેમની પાસેથી શીખવાની જરૂર, જ્યાં સુધી જવાબદારી નક્કી નહીં થાય ત્યાં સુધી આવી ઘટનાઓ નહીં અટકે વાંચો સંપૂર્ણ સમાચાર 2.ઈન્ટરનેશનલ : અમેરિકામાં 250 ડોલરની નોટ પર ટ્રમ્પની તસવીર:150 વર્ષ જૂનો નિયમ બદલવાની તૈયારી, સંસદની મંજૂરી બાકી વાંચો સંપૂર્ણ સમાચાર 3.નેશનલ : રાહુલે દિલ્હીમાં રિક્ષા ડ્રાઇવરો સાથે ભોજન કર્યુ:પાર્કમાં અડધો કલાક બેસીને તેમની આવક, વધતા ખર્ચાઓ વિશે જાણ્યું; રાહુલે કહ્યું- સંસદમાં તમારા મુદ્દા ઉઠાવીશ વાંચો સંપૂર્ણ સમાચાર 4.ઈન્ટરનેશનલ : નેતન્યાહુનો ગાઝાના 70% હિસ્સા પર કબ્જાનો આદેશ:ઇઝરાયલી PMએ કહ્યું- ધીમે-ધીમે નિયંત્રણમાં લઈશું; પહેલા 50% નિયંત્રણ હતું, હવે 60% થયું વાંચો સંપૂર્ણ સમાચાર 5.બિઝનેસ : દેશની અર્થવ્યવસ્થા 2026-27માં 6.9% ના દરે વધશે:RBIના વાર્ષિક અહેવાલમાં દાવો, વૈશ્વિક સંકટ છતાં ભારતની ગતિ મજબૂત રહેશે વાંચો સંપૂર્ણ સમાચાર 6.સ્પોર્ટ્સ : હાર્દિક પંડ્યાનો ધડાકો, મુંબઈ ઈન્ડિયન્સ છોડવાની તૈયારી:સિનિયર્સ સાથે મતભેદથી સહનશક્તિ ખૂટી, ડિપ્રેશનમાં સરી પડ્યો; રોહિતના 'આશીર્વાદ'થી બનશે નવો કેપ્ટન વાંચો સંપૂર્ણ સમાચાર 7.ધર્મ તહેવાર જ્યોતિષ : જેઠ અધિક માસની પૂર્ણિમા બે દિવસ:વ્રતની પૂનમ 30મીએ અને સ્નાન-દાનની 31મીએ રહેશે, ભગવાન વિષ્ણુ સાથે ચંદ્ર દેવની પૂજા કરો વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ 45 વર્ષથી માત્ર દૂધ પીને જીવી રહ્યો છે વ્યક્તિ રાજસ્થાનના રાજસમંદમાં રહેતા પૂનમ સિંહનો દાવો છે કે તેમણે 45 વર્ષમાં ક્યારેય અનાજ ખાધું નથી. તેઓ માત્ર સવાર-સાંજ એક ગ્લાસ દૂધ પીને જીવન પસાર કરી રહ્યા છે. તેમનો દાવો સાંભળીને ડોકટરો પણ આશ્ચર્યચકિત છે. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. આજનું એક્સપ્લેનર: મોટી પરીક્ષાઓ ગડબડ વગર કેમ નથી થઈ રહી? NEET માટે સેના તૈનાત કરવી પડશે, CBSE-12માની પરીક્ષામાં ખોટું માર્કિંગ, તેનો ઇલાજ શું છે? 2. Editor's View: જજના બંગલે કરોડોનો કેશ કાંડ: 'જજ કોઈ પવિત્ર ગાય નથી, ન્યાયતંત્રમાં પણ સડો', મદ્રાસ હાઈકોર્ટે અરીસો દેખાડ્યો, ભરતીથી કટકી અને નેતાગીરી સુધી સવાલ 3. MATCH મસાલા : IPLમાં ફિક્સિંગના ડરથી BCCIએ લીધા મોટા એક્શન: માહિકાએ હાર્દિકની ઈનસાઈડ ઈન્ફોર્મેશન લીક કરી નાખી; ક્રિકેટરે ઈન્ડિયન ટીમના સિલેક્શન પર સવાલો ઊઠાવ્યા 4. એ જિંદગી : 14ની ઉંમરે શરીર બન્યું 'ઝાડની છાલ’: ઊભા થાઓ કે બેસો ચામડી ફાટવા લાગે છે, મન થાય છે કે ઉખાડીને ફેંકી દઉં; દેશનો એકમાત્ર કેસ 5. પારકી પંચાત : બંદુકના ભડાકા સામે માવાનું જોર, VIDEO: સુરતમાં મેયરના ડ્રામા વચ્ચે ધુરંધર ત્રિપુટીને પરસેવા છુટ્યા; કોંગ્રેસના બાગીએ ‘રિવ્યૂ-રિવ્યૂ’ની કવિતાથી ભડાસ કાઢી 6. ફિલ્મી ફેમિલી : ગુજરાતના જમાઈ છે શાહિદ કપૂરના પિતા: પંકજ કપૂરે બીજાં લગ્ન સાસરિયાંની મરજી વિરુદ્ધ કર્યા, એક્ટર બનવા પત્ની-દીકરાને તરછોડ્યાં! 7. 30 લાખનું દેવું ચૂકવવા રશિયા ગયો રમૈયા, મૃતદેહ પાછો ફર્યો: માતા બોલી- એક ફોન પછી પરિવાર વિખેરાઈ ગયો, મોસ્કોમાં મોત સામે લડી રહ્યા છે બે ભારતીયો 🌍 કરંટ અફેર્સ ⏳ આજના દિવસનો ઈતિહાસ 📊​​​​​​​ માર્કેટની સ્થિતિ 🌦️ મોસમનો મિજાજ શનિવારનું રાશિફળ: મેષ રાશિના લોકોને આજે મનગમતી સફળતા મળશે, કુંભ રાશિ જાતકોના ગ્રહોની સ્થિતિ ફાયદો કરાવશે વાંચો સંપૂર્ણ રાશિફળ