Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    નોટિસ-નમૂનાની કામગીરી કરી તંત્રએ સંતોષ માન્યો:ખાણીપીણી બજારમાંથી ફૂડ વિભાગને માત્ર 7 કિલો વાસી ખોરાક મળ્યો; શુદ્ધ ઘી, પંજાબી સબ્જીની ગ્રેવી અને સાંભારનાં નમુના લેવાયા

    1 day ago

    1

    0

    👍 ❤️ 😂 😮 😢 😡 😘 🤐 🥰

    રાજકોટ મહાનગરપાલિકાના ફૂડ વિભાગ દ્વારા શહેરના પ્રખ્યાત ડો.યાજ્ઞિક રોડ વિસ્તારમાં ખાણી-પીણીની પેઢીઓમાં વ્યાપક સર્વેલન્સ ચેકિંગ હાથ ધરવામાં આવ્યું હતું. આ દરમિયાન ફૂડ વિભાગની ટીમે કુલ 47 જેટલી પેઢીઓની તપાસ કરી હતી, જેમાંથી આશ્ચર્યજનક રીતે સમગ્ર વિસ્તારમાંથી માત્ર 7 કિગ્રા જેટલો વાસી અખાદ્ય ખોરાક મળી આવ્યો હતો. તંત્ર દ્વારા આ જથ્થાનો સ્થળ પર નાશ કરવામાં આવ્યો છે. દરોડા દરમિયાન ખોરાકની ગુણવત્તા કરતા લાયસન્સ-સ્ટોરેજની અનિયમિતતાઓ વધુ જોવા મળી હતી, જેના પગલે 9 ધંધાર્થીને વહીવટી નોટિસ ફટકારવામાં આવી હતી. આ સાથે શુદ્ધ ઘી, પંજાબી સબ્જીની ગ્રેવી અને સાંભારનાં નમુના પણ લેવાયા હતા. આમ માત્ર નોટિસ-નમૂનાની કામગીરી કરી તંત્રએ સંતોષ માન્યો હતો. જેમાં સર્વેશ્વર ચોક સ્થિત 'ચારકોલ ફૂડ હોસ્પિટાલિટી' (બોલે તો મુંબઈ) માંથી સૌથી વધુ 5 કિગ્રા વાસી પ્રિપેડ ફૂડ મળી આવ્યું હતું. આ ઉપરાંત, 'મહાદેવ ઘૂઘરા' માંથી 1 કિગ્રા વાસી મીઠી ચટણી અને 'એવન ફૂડ ઝોન'માંથી 1 કિગ્રા ચટણીનો નાશ કરવામાં આવ્યો હતો. લાયસન્સ અને યોગ્ય સ્ટોરેજ બાબતે ફૂડ વિભાગે નોટિસ આપી ફૂડ વિભાગે લાયસન્સ અને યોગ્ય સ્ટોરેજ બાબતે ક્રિષ્ના મારવાડી પાણીપુરી, રાજલક્ષ્મી કોલ્ડ્રિંક્સ, કૈલાશ પાન, આર.કે. પાન, હરિપ્રેમ એન્ટરપ્રાઇઝ અને વ્હી નરશીભાઈ પાણીપુરી વાળાને નોટિસ આપી કાયદેસરની કાર્યવાહી કરી હતી. સાથે શહેરના અન્ય 37 એકમોમાં પણ ચકાસણી કરવામાં આવી હતી. ઉપરાંત લક્ષ્મીનગર મેઇન રોડ પર આવેલા 'કિસ્મત એગ્ઝ ઝોન'ને પેક્ડ ફૂડ પર લેબલિંગ ન હોવા બદલ અને હાઈજેનિક કન્ડિશન જાળવવા માટે નોટિસ આપવામાં આવી છે. માત્ર નોટિસ જ નહીં, ફૂડ સેફ્ટી સ્ટાન્ડર્ડ એક્ટ 2006 હેઠળ વિભાગે 3 નમૂનાઓ પણ એકત્ર કર્યા છે જેમાં કેવડાવાડીના 'ક્રિષ્ના ઘી ભંડાર' માંથી શુદ્ધ ઘી (લૂઝ) અને કસ્તુરબા રોડ પર આવેલ 'જયહિંદ મદ્રાસ કાફે' માંથી પંજાબી સબ્જીની ગ્રેવી તથા સાંભારના નમૂના લઈ લેબોરેટરી પરીક્ષણ માટે મોકલી આપવામાં આવ્યા છે. ડેઝીગ્નેટેડ ઓફિસર દ્વારા જનતાના આરોગ્ય સાથે ચેડાં કરનારાઓ સામે કડક પગલાં લેવાની ખાતરી આપી છે. રાજકોટના ઉદ્યોગોને 50ને બદલે 75% ગેસ વપરાશની છૂટ આપો રાજકોટ શહેર તથા આસપાસના ઉદ્યોગોને ગુજરાત ગેસ કંપની દ્વારા પૂરા પાડવામાં આવતા PNG ગેસના પુરવઠામાં હાલ થયેલા ફેરફારોને ધ્યાનમાં રાખીને ઉદ્યોગકારોને સરળતા રહે તે હેતુથી રાજકોટના ધારાસભ્ય રમેશ ટીલાળાએ કેન્દ્ર સરકાર સમક્ષ વિગતવાર રજૂઆત કરી છે. હાલ ગુજરાત ગેસ કંપની દ્વારા ફેબ્રુઆરી મહિનામાં ઉદ્યોગોને એક્ચ્યુઅલ વપરાશના 50 ટકા જેટલો ગેસ વાપરવાની મર્યાદા રાખવામાં આવી છે. ફેબ્રુઆરી મહિનો 28 દિવસનો હોવાને કારણે ઉદ્યોગોના એક્ચ્યુઅલ વપરાશમાં સામાન્ય રીતે ઘટાડો રહે છે. આ બાબતને ધ્યાનમાં લઈ ઉદ્યોગોને એકચ્યુઅલ DCQના ઓછામાં ઓછા 75 ટકા સુધી ગેસ વાપરવાની છૂટ આપવામાં આવે તો ઉદ્યોગોની ઉત્પાદન પ્રક્રિયા સુગમ રીતે ચાલુ રહી શકે તેવી વિનંતી રજૂઆતમાં કરવામાં આવી છે. આ સાથે એક્સેસ ગેસની ગણતરી રોજિંદા આધારના બદલે આખા મહિનાની સરેરાશ મુજબ કરવામાં આવે તો ઉદ્યોગોને વધુ અનુકૂળતા મળી શકે તેવી પણ સૂચનાત્મક રજૂઆત કરવામાં આવી છે. ઉદાહરણ તરીકે DCQ 1500 SCM ધરાવતા ઉદ્યોગ માટે 75 ટકા મુજબ 1125 SCM વપરાશના આધારે 30 દિવસ માટે અંદાજે 33,750 SCM સુધી ગેસ વાપરવાની છૂટ આપવામાં આવે તો ઉદ્યોગોને કાર્યરત રાખવામાં સહાયરૂપ બની શકે છે. રજુઆતમાં વધુમાં જણાવ્યું છે કે હાલ એક્સેસ ગેસના દરમાં વધારાની સંભાવના દર્શાવવામાં આવી રહી છે. આ બાબતને ધ્યાનમાં રાખીને ઉદ્યોગોને વધારાનો આર્થિક બોજ ન પડે તે માટે હાલના અંદાજિત રૂ. 47 દરના આધારે મહત્તમ 20 ટકા જેટલો યોગ્ય વધારો રાખી દર નક્કી કરવામાં આવે તેવી પણ વિનંતી કરવામાં આવી છે. ટુ-વ્હીલરની નવી સીરિઝ માટે ઓનલાઇન હરાજીની જાહેરાત રાજકોટ RTO કચેરી દ્વારા મોટર સાયકલ વાહનો માટેની નવી સીરિઝ GJ-03-QBનું ઓકશન 13 માર્ચ, 2026થી શરૂ કરવામાં આવશે. ગોલ્ડન કે સિલ્વર પસંદગીના નંબર મેળવવા ઈચ્છતા વાહન માલિકો parivahan.gov.in/fancy પોર્ટલ પર રજીસ્ટ્રેશન કરાવીને આ પ્રક્રિયામાં ભાગ લઈ શકશે. આ સીરિઝ અને અગાઉની સીરિઝના બાકી રહેતા પસંદગીના નંબરો માટે 13 માર્ચના રોજ સાંજે 4 કલાકથી 18 માર્ચના રોજ સાંજે 4 કલાક સુધી ઓનલાઇન એપ્લિકેશન કરી શકાશે. ત્યારબાદ 18 માર્ચના રોજ સાંજે 4:01 કલાકથી 20 માર્ચના રોજ સાંજે 4 કલાક સુધી ઓનલાઇન બિડિંગ પ્રક્રિયા ચાલશે અને 20 માર્ચના રોજ સાંજે 4:15 કલાકે હરાજીનું પરિણામ જાહેર કરવામાં આવશે. આ પ્રક્રિયા માટે અરજદારે પરિવહન વેબસાઇટ પર 'ફેન્સી નંબર બુકિંગ'માં જઈ પબ્લિક યુઝર આઈડી બનાવી CNA ફોર્મ ભરવાનું રહેશે. પસંદગીના નંબર માટે નિયત લઘુત્તમ ફી ભર્યા બાદ હરાજીમાં ભાગ લઈ શકાશે. સફળ અરજદારે નંબર ફાળવાયાના 5 દિવસમાં બાકીની રકમ ભરી RTO કચેરીએથી અપ્રુવલ મેળવવાનું રહેશે. મહત્વનું છે કે, વાહન ખરીદીના 7 દિવસની અંદર જ CNA ફોર્મ ઓનલાઇન ભરવું ફરજિયાત છે અને સમયમર્યાદા બાદની અરજીઓ ગ્રાહ્ય રાખવામાં આવશે નહીં. સમસ્ત બ્રહ્મસમાજ માટે ભવ્ય અંતાક્ષરી સ્પર્ધા યોજાશે રાજકોટનાં મહાદેવ સોશ્યલ ગ્રુપ દ્વારા સૌરાષ્ટ્રમાં પ્રથમ વખત સમસ્ત બ્રહ્મસમાજ માટે એક ભવ્ય અંતાક્ષરી સ્પર્ધાનું સંગીતમય આયોજન કરવામાં આવ્યું છે. આ સ્પર્ધા 5 એપ્રિલ 2026ના રવિવારે અરવિંદભાઈ મણીયાર એસી હોલ ખાતે બપોરે 2થી સાંજે 7 વાગ્યા દરમિયાન યોજાશે. સ્પર્ધામાં કોઈપણ ઉંમરના ભૂદેવ ભગિનીઓ ભાગ લઈ શકશે. સંગીત ક્ષેત્રે કાર્યરત આ ગ્રુપ દ્વારા આયોજિત સ્પર્ધામાં 'વહેલા તે પહેલા'ના ધોરણે વ્યક્તિદીઠ રૂ. 300 ફી ભરીને પ્રવેશ મેળવી શકાશે. ભાગ લેનાર તમામ સ્પર્ધકોને આકર્ષક શ્યોર ગિફ્ટ આપવામાં આવશે, તેમજ વિજેતા ટીમોને વિશિષ્ટ ઈનામો દ્વારા પ્રોત્સાહિત કરવામાં આવશે. આ આયોજનને સફળ બનાવવા માટે પ્રમુખ બીપીનભાઈ ઠાકરના માર્ગદર્શન હેઠળ ઉપપ્રમુખ હિરેનભાઈ રાવલ (9909202904), મંત્રી દીપકભાઈ રાવલ (7575023780) અને ખજાનચી જીતુભાઈ શુક્લ (9825782714) જહેમત ઉઠાવી રહ્યા છે. આ ઉપરાંત કમિટી મેમ્બર્સ જીતેન્દ્રભાઈ ભટ્ટ, જયેશભાઈ ભટ્ટ, જયેશભાઈ દવે, કલ્પેશભાઈ ઉપાધ્યાય, કિરીટભાઈ વ્યાસ, ભરતભાઈ શુક્લ, કલાબેન રાવલ, જયશ્રીબેન શુક્લ, ગીતાબેન ભટ્ટ, અંજુબેન ભટ્ટ અને હેમાંગીબેન રાવલ પણ સહયોગ આપી રહ્યા છે. સ્પર્ધામાં ભાગ લેવા ઈચ્છુકોએ ઉપર મુજબના મોબાઈલ નંબર પર સંપર્ક કરી રજીસ્ટ્રેશન કરાવવાનું રહેશે. આ કાર્યક્રમમાં સંગીતપ્રેમી જનતા માટે પ્રવેશ નિ:શુલ્ક રાખવામાં આવ્યો છે.
    Click here to Read More
    • Share:
    વેરાવળ બંદરે ફિશિંગ બોટમાં આગ લાગી:આગની જ્વાળાઓ અને ધુમાડો ઉઠતા અફરાતફરીનો માહોલ સર્જાયો, ફાયર બ્રિગેડે કાબૂ મેળવ્યો, બોટ બળીને ખાખ
    Previous Article
    વેરાવળ બંદરે ફિશિંગ બોટમાં આગ લાગી:આગની જ્વાળાઓ અને ધુમાડો ઉઠતા અફરાતફરીનો માહોલ સર્જાયો, ફાયર બ્રિગેડે કાબૂ મેળવ્યો, બોટ બળીને ખાખ
    Next Article
    રાજકોટમાં એક દિવસમાં આગની ત્રણ ઘટના:શહેર ક્રાઈમ બ્રાંચે જપ્ત કરેલા 9 બાઈક અને સર્વિસ સ્ટેશનમાં અર્ટિગા કાર બળીને ખાખ, જાનહાનિ ટળી
    રાજકોટમાં એક દિવસમાં આગની ત્રણ ઘટના:શહેર ક્રાઈમ બ્રાંચે જપ્ત કરેલા 9 બાઈક અને સર્વિસ સ્ટેશનમાં અર્ટિગા કાર બળીને ખાખ, જાનહાનિ ટળી

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment

      Send