Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    કચ્છ સહિત રાજ્યમાં રેશનિંગની દુકાનોમાં બાયોમેટ્રિક પ્રક્રિયા બંધ થઇ:સર્વર ઠપ થતા કચ્છની 622 રેશનિંગ દુકાનોમાં અનાજ વિતરણ અટક્યું

    9 hours ago

    રાજ્યના નાગરિક પુરવઠા વિભાગનું ઓનલાઈન સર્વર અચાનક ઠપ થઈ જતા સમગ્ર ગુજરાતની સાથે કચ્છ જિલ્લામાં પણ રેશનિંગ વ્યવસ્થા ખોરવાઈ ગઈ હતી. આ ટેકનિકલ ખામીના કારણે કચ્છના 10 તાલુકાઓમાં આવેલી કુલ 622 વ્યાજબી ભાવની દુકાનોમાં સવારના સત્રમાં અનાજ વિતરણની કામગીરી સંપૂર્ણપણે અટકી પડી હતી. નવેમ્બર મહિનાના નિયમિત અનાજનો જથ્થો લેવા માટે સવારે દુકાનો પર આવેલા રેશનકાર્ડ ધારકોને સર્વર ડાઉન હોવાના કારણે અનાજ લીધા વિના નિરાશ થઈને પરત ફરવું પડ્યું હતું. અંતરિયાળ ગ્રામ્ય વિસ્તારોમાંથી શ્રમિક અને ગરીબ પરિવારો રોજગારી છોડીને અનાજ લેવા જતા હોય છે. સર્વર ખોરવાતા દુકાનદારોની ઈ-પોસ (e-PoS) મશીનોમાં ફિંગરપ્રિન્ટ અને ઓટીપી વેરિફિકેશનની પ્રક્રિયા થઈ શકી ન હતી. જોકે, રાજ્ય સ્તરેથી ટેકનિકલ ટીમ દ્વારા સમારકામ હાથ ધરાતા બપોર બાદ આ સમસ્યા રીઝોલ થઈ ગઈ હોવાનું કચ્છ જિલ્લા પુરવઠા કચેરીમાંથી જાણવા મળ્યું હતું. બપોર પછી સર્વર રાબેતા મુજબ કાર્યરત થતા દુકાનો પર અનાજ વિતરણની પ્રક્રિયા પુનઃ શરૂ કરવામાં આવી હતી. રાજ્યમાં વર્ષ 2010થી બારકોડ આધારિત રેશનકાર્ડ સિસ્ટમ અમલમાં છે. જોકે, આ ઓનલાઇન વ્યવસ્થામાં વારંવાર સર્વર ડાઉ અને ટેકનિકલ ખામીઓ સર્જાતી હોવાની ફરિયાદો ઊઠતી રહી છે. આવી સમસ્યાઓના કારણે ગરીબ અને મધ્યમ વર્ગના પરિવારોને પોતાના હક્કનું અનાજ મેળવવા વારંવાર દુકાનોના ધક્કા ખાવા પડે છે. મહત્ત્વનું છે કે, અવારનવાર આ પ્રકારે સર્વર ડાઉનથી અનાજ વિતરણ અટકે છે. લોકોની માંગ છે કે, સમયસર પુરવઠો આપવામાં આવે.
    Click here to Read More
    Previous Article
    દ્વારકા, સોમનાથ સહિતનાં સ્થળોએ જવા માટે પણ હાલાકી:ભુજ-રાજકોટની ટ્રેન ફરી શરૂ કરવા માગ, અઠવાડિયામાં 2 દિવસ દોડાવાય તો રાહત
    Next Article
    અછતની કપરી પરિસ્થિતિમાં જિલ્લાના માલધારી આલમની માંગ:કચ્છમાં દુષ્કાળ રાહતની સબસિડીનો લાભ પશુપાલકો સુધી સમયસર પહોંચે તે આવશ્યક

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment