Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    દ્વારકા, સોમનાથ સહિતનાં સ્થળોએ જવા માટે પણ હાલાકી:ભુજ-રાજકોટની ટ્રેન ફરી શરૂ કરવા માગ, અઠવાડિયામાં 2 દિવસ દોડાવાય તો રાહત

    9 hours ago

    કચ્છથી સૌરાષ્ટ્રને જોડતી સીધી ટ્રેનની સુવિધા ન હોવાથી મુસાફરોને લાંબા સમયથી મુશ્કેલીનો સામનો કરવો પડી રહ્યો છે. ખાસ કરીને રાજકોટ જવા-આવવા માટે લોકોને અગવડ પડે છે. સૌરાષ્ટ્રનાં અન્ય શહેરો ઉપરાંત દ્વારકા અને સોમનાથ જેવાં ધાર્મિક સ્થળોએ જવા માટે પણ મુસાફરોએ અન્ય પરિવહનના વિકલ્પો પર આધાર રાખવો પડે છે. ભુજથી રાજકોટ વચ્ચે સીધી ટ્રેન શરૂ કરવાની માગ લાંબા સમયથી થઈ રહી છે. અગાઉ આ રૂટ પર ટ્રેન દોડાવવામાં આવી હતી, પરંતુ બાદમાં મુસાફરો મળતા નથી તેવું કારણ આગળ ધરીને ટ્રેન બંધ કરવામાં આવી હતી. ખરેખર ત્યારે સમય ખોટો હતો. બસ વહેલી પહોંચાડે છે અને ટ્રેન મોડી પહોંચાડે છે તેવો માહોલ ઉભો થયો હતો. હવે ફરી એકવાર આ ટ્રેન શરૂ કરવાની માગ ઊઠી છે. કચ્છ અને સૌરાષ્ટ્ર વચ્ચે વેપાર, રોજગાર, શિક્ષણ તેમજ સામાજિક સંબંધોને કારણે લોકોની અવરજવર રહે છે. રાજકોટ સૌરાષ્ટ્રનું મહત્ત્વનું કેન્દ્ર હોવાથી ત્યાં જવા માટે વિદ્યાર્થીઓ, વેપારીઓ, નોકરીયાતો અને સામાન્ય મુસાફરોને સીધી ટ્રેનનો મોટો લાભ મળી શકે તેમ છે. આ ઉપરાંત રાજકોટથી આગળ સૌરાષ્ટ્રનાં અન્ય શહેરો, દ્વારકા અને સોમનાથ સુધી પહોંચવું પણ વધુ સરળ બની શકે છે. લોકોની માગ છે કે રેલવે તંત્ર ભુજ-રાજકોટ વચ્ચેની સીધી ટ્રેન સેવા ફરી શરૂ કરવા માટે વિચારણા કરે. જો દરરોજ ટ્રેન દોડાવવી શક્ય ન હોય તો કમસેકમ અઠવાડિયામાં બે દિવસ પણ આ ટ્રેન શરૂ કરવામાં આવે તો કચ્છના મુસાફરોને મોટી રાહત મળી શકે તેમ છે. લાંબા સમયથી પડતર આ માગણીને ધ્યાનમાં રાખીને રેલવે તંત્ર દ્વારા યોગ્ય નિર્ણય લેવામાં આવે તેવી અપેક્ષા છે. મહત્વનું છે કે આ બાબતે અવારનવાર લોકો તરફથી રજૂઆત કરવામાં આવે છે પરંતુ રેલ્વે વિભાગ દ્વારા કોઈ નિર્ણય લેવામાં આવતો નથી. ખરેખર પ્રવાસીઓની જરૂરિયાત પ્રમાણે ટ્રેન સેવા શરૂ કરવામાં આવે તો ફાયદો થાય તેમ છે.
    Click here to Read More
    Previous Article
    NTA દ્વારા શેડ્યૂલ જાહેર, CBT પદ્ધતિથી પરીક્ષા લેવાશે:આસિ.પ્રોફેસર બનવા માટે 14થી 21 ડિસેમ્બર દરમિયાન NETની પરીક્ષા
    Next Article
    કચ્છ સહિત રાજ્યમાં રેશનિંગની દુકાનોમાં બાયોમેટ્રિક પ્રક્રિયા બંધ થઇ:સર્વર ઠપ થતા કચ્છની 622 રેશનિંગ દુકાનોમાં અનાજ વિતરણ અટક્યું

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment