Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    અમિત શાહે પરિવાર સાથે રણબીર કપૂરની ‘રામાયણ’ જોઈ:6 દિવસમાં ફિલ્મે ₹684 કરોડ કમાયા; 2026ની બીજી સૌથી વધુ કમાણી કરનારી હિન્દી ફિલ્મ

    10 hours ago

    કેન્દ્રીય ગૃહમંત્રી અમિત શાહનો એક વીડિયો સોશિયલ મીડિયા પર વાઈરલ થઈ રહ્યો છે. તેમાં તેઓ પોતાના પરિવાર સાથે રણબીર કપૂરની ફિલ્મ ‘રામાયણ’ જોઈને થિયેટરમાંથી બહાર નીકળતા નજરે પડી રહ્યા છે. વીડિયો સામે આવ્યા બાદ સોશિયલ મીડિયા પર ફિલ્મને લઈને પહેલેથી ચાલી રહેલી ચર્ચા ફરી તેજ થઈ ગઈ છે. કેટલાક યુઝર્સે ભાજપ સમર્થકો પર કટાક્ષ કરતાં કહ્યું કે ભગવાન રામ કોઈપણ પક્ષ કે નેતા કરતાં મોટા છે. પરિવાર સાથે થિયેટર પહોંચ્યા હતા અમિત શાહ મીડિયા અહેવાલો અનુસાર, અમિત શાહ 8 નવેમ્બરે દિવાળીના અવસર પર પોતાના પરિવાર સાથે અમદાવાદના એક સિનેમાઘરમાં ફિલ્મ ‘રામાયણ’ જોવા પહોંચ્યા હતા. તેઓ શહેરના પી સ્ક્વેર થિયેટરમાં ફિલ્મ જોવા ગયા હતા. વાઈરલ વીડિયોમાં અમિત શાહ અને તેમના પુત્ર જય શાહ થિયેટરમાંથી બહાર નીકળતા જોવા મળી રહ્યા છે. આ દરમિયાન અમિત શાહ ત્યાં હાજર લોકો અને પ્રશંસકો સાથે વાતચીત કરતા પણ જોવા મળ્યા હતા. તેઓ થિયેટરમાં પહોંચ્યા અને ફિલ્મ જોઈ હોવાનો વીડિયો સામે આવ્યા બાદ આ સોશિયલ મીડિયા પર ચર્ચાનો વિષય બની ગયો. ફિલ્મને લઈને અગાઉ પણ થયો હતો વિવાદ રણબીર કપૂરની ફિલ્મ ‘રામાયણ’ રિલીઝ પહેલાં જ અનેક કારણોસર ચર્ચામાં રહી છે. ફિલ્મમાં રણબીર કપૂર ભગવાન રામની ભૂમિકા ભજવી રહ્યા છે, જ્યારે સાઈ પલ્લવી માતા સીતાના પાત્રમાં છે. બીજી તરફ, યશ ફિલ્મમાં રાવણની ભૂમિકા ભજવી રહ્યા છે. ફિલ્મની કાસ્ટિંગને લઈને સોશિયલ મીડિયા પર અગાઉ પણ ચર્ચા જોવા મળી હતી. રણબીર કપૂરના જૂના ખાનપાન સંબંધિત નિવેદનોને લઈને કેટલાક લોકોએ તેમના ભગવાન રામની ભૂમિકા ભજવવા પર સવાલ ઉઠાવ્યા હતા. બીજી તરફ, સાઈ પલ્લવીના પાત્ર અને ફિલ્મમાં દર્શાવવામાં આવેલા કેટલાક દૃશ્યોને લઈને પણ વાંધા વ્યક્ત કરવામાં આવ્યા હતા. અમિત શાહે ફિલ્મ જોયા બાદ યુઝર્સે કટાક્ષ કર્યો અમિત શાહે પરિવાર સાથે ફિલ્મ જોઈ હોવાના સમાચાર સામે આવ્યા બાદ સોશિયલ મીડિયા પર યુઝર્સે અલગ-અલગ પ્રતિક્રિયાઓ આપી હતી. કેટલાક યુઝર્સે અગાઉ ફિલ્મનો વિરોધ કરી રહેલા લોકો પર નિશાન સાધ્યું હતું. એક યુઝરે સવાલ ઉઠાવ્યો કે હવે ફિલ્મનો વિરોધ કરનારા કટ્ટર સમર્થકો શું અમિત શાહનો પણ બહિષ્કાર કરશે? બીજી તરફ, કેટલાક યુઝર્સે ટિપ્પણી કરતાં કહ્યું કે ભગવાન રામ ભાજપ, અમિત શાહ અને વડાપ્રધાન નરેન્દ્ર મોદી કરતાં પણ મોટા છે. તેમના મતે, રામ કોઈ રાજકીય પક્ષ અથવા નેતા સુધી મર્યાદિત નથી. આ રીતે અમિત શાહે ફિલ્મ જોવાના નિર્ણયને લઈને સોશિયલ મીડિયા પર રાજકીય અને ધાર્મિક ચર્ચા શરૂ થઈ ગઈ છે. 6 દિવસમાં ફિલ્મે બનાવ્યો રેકોર્ડ, 2026ની બીજી સૌથી વધુ કમાણી કરનારી હિન્દી ફિલ્મ બની રામાયણઃ પાર્ટ- 1 એ સોમવારે વર્લ્ડવાઇડ 107 કરોડનું કલેક્શન કર્યું છે. આ સાથે જ 6 દિવસમાં તેનું વર્લ્ડવાઇડ કલેક્શન 684 કરોડ થઈ ચૂક્યું છે. આ સાથે જ તે માત્ર 6 દિવસમાં આ વર્ષની બીજી સૌથી મોટી ફિલ્મ બની ગઈ છે. તેણે દૃશ્યમ 3ના ઑલટાઇમ કલેક્શન (575 કરોડ રૂપિયા)ને પણ પાછળ છોડી દીધું છે. ટ્રેડ એક્સપર્ટ પાસેથી જાણો, હિટ થવા માટે કેટલું કલેક્શન કરવું પડશે દિવ્ય ભાસ્કર સાથેની વાતચીતમાં ટ્રેડ એક્સપર્ટ સુમિત કડેલ કહે છે, રામાયણને હિટ બનાવવા માટે માત્ર હિન્દીમાં જ 900-1000 કરોડનું કલેક્શન થવું જોઈએ અને વિશ્વભરમાં તેને 2500 કરોડની કમાણી કરવી પડશે. જો આ ફિલ્મ સોમવાર-મંગળવારે 100-100 કરોડની કમાણી નહીં કરે, તો તેનું કુલ હિન્દી કલેક્શન માત્ર 600-700 કરોડ જ રહેશે. ટ્રેડ એનાલિસ્ટ રોહિત જયસવાલ જણાવે છે, 'એક નિર્માતાને માત્ર થિયેટરમાં રિલીઝથી જ આશા હોતી નથી. તેના અલગ-અલગ રસ્તાઓ હોય છે. સેટેલાઇટ, ઓટીટી, મ્યુઝિક, ઇન્ટરનેશનલ રાઇટ્સ વગેરે. બજેટ 2000 કરોડ છે, તો તેની સ્ટાન્ડર્ડ થિયેટ્રિકલ વેલ્યુ 60 ટકા થાય છે, એટલે કે આશરે 1200 કરોડ. ફિલ્મનું મુખ્ય બજાર ભારત છે, તો તેની 70 ટકા કમાણી ભારતમાં થવી જોઈએ, જે આશરે 840 કરોડ છે.' રોહિત આગળ કહે છે, ‘જો ફિલ્મ ભારતમાં 840 કરોડની કમાણી કરે, તો પણ તેને હિટ માનવામાં નહીં આવે. કારણ કે હિટ થવા માટે સ્ટાન્ડર્ડ થિયેટ્રિકલ વેલ્યુ કરતાં વધુ કમાણી કરવી પડે છે. એક્ઝિબિટર્સનો નફો બાદ કર્યા પછી રકમ ડિસ્ટ્રિબ્યુટર્સ પાસે આવે છે. આવી સ્થિતિમાં ભારતમાં હિટ થવા માટે ફિલ્મે 1100 કરોડ સુધીની કમાણી કરવી પડશે.’ નિતેશ તિવારીએ ફિલ્મનું નિર્દેશન કર્યું છે રણબીર કપૂર અભિનીત ‘રામાયણ’નું નિર્દેશન નિતેશ તિવારીએ કર્યું છે. ફિલ્મના નિર્માતા નમિત મલ્હોત્રા છે. તેમાં રણબીર કપૂર ભગવાન રામ, સાઈ પલ્લવી માતા સીતા, યશ રાવણ અને સની દેઓલ હનુમાનની ભૂમિકામાં છે. ફિલ્મને બે ભાગમાં બનાવવાની યોજના છે. તેની વાર્તા રામાયણના મહાકાવ્ય પર આધારિત છે. ફિલ્મના સંગીતની જવાબદારી ઓસ્કર વિજેતા સંગીતકાર એઆર રહેમાન અને હાન્સ ઝિમરે સંભાળી છે. ફિલ્મને લઈને દર્શકોમાં પહેલેથી જ ઘણી ઉત્સુકતા જોવા મળી રહી છે. હવે અમિત શાહના પરિવાર સાથે ફિલ્મ જોવાનો વીડિયો પણ ચર્ચામાં આવ્યો છે.
    Click here to Read More
    Previous Article
    PF એકાઉન્ટમાં ખોટી માહિતીથી પૈસા અટકી શકે છે:EPFO એ ઓનલાઈન સુધારવાની રીત જણાવી; 5 સરળ સ્ટેપમાં કરો અપડેટ
    Next Article
    માલપરામાં બે જૂથ વચ્ચે મારામારી, 6ને ઈજા:રખડતાં પશુઓ મુદ્દે અગાઉની બોલાચાલીમાં એકબીજા પર હુમલો કર્યો, બેને ભાવનગર, અન્યને અમરેલી ખસેડાયા

    Related Entertainment Updates:

    Are you sure? You want to delete this comment..! Remove Cancel

    Comments (0)

      Leave a comment