મોર્નિંગ ન્યૂઝ બ્રીફ:સુવેન્દુ અધિકારીએ 6 મહત્વના નિર્ણયો લીધા; સોમનાથથી મોદીની ગર્જના, 47 ડિગ્રીએ બાડમેર ધગધગ્યું

નમસ્તે, પ્રધાનમંત્રી નરેન્દ્ર મોદીએ સતત બીજા દિવસે જનતાને પેટ્રોલ-ડીઝલનો ઓછો વપરાશ કરવાની અપીલ કરી. તેને કોંગ્રેસ નેતા રાહુલ ગાંધીએ નિષ્ફળતાનો પુરાવો ગણાવ્યો. બીજી તરફ, અમેરિકી રાષ્ટ્રપતિ ડોનાલ્ડ ટ્રમ્પે ઈરાનના નવા શાંતિ પ્રસ્તાવને ફગાવી દીધો છે. મોર્નિંગ ન્યૂઝ બ્રીફમાં આગળ શેર માર્કેટમાં આવેલા ઘટાડા વિશે જણાવીશું.... ⏰ આજની ઈવેન્ટ્સ, જેના પર રહેશે નજર 1. આસામમાં હિમંતા બિસ્વા સરમા સતત બીજી વાર મુખ્યમંત્રી પદના શપથ લેશે. કાર્યક્રમમાં PM મોદી પણ સામેલ થશે. 2. રાહુલ ગાંધી વિરુદ્ધ કથિત આવક કરતા વધુ સંપત્તિના મામલે અલ્હાબાદ હાઈકોર્ટની લખનઉ બેંચ સુનાવણી કરશે. 📰 કાલના મોટા સમાચારો 1. 'ઓફિસોમાં વર્ક ફ્રોમ હોમ કરો, સ્કૂલમાં ઓનલાઈન ક્લાસ ચલાવો':વડોદરામાં દેશવાસીઓને PM મોદીની અપીલ, કહ્યું- 'પેટ્રોલ-ડીઝલનો ઉપયોગ ઓછો કરો, સોનાની ખરીદી ટાળો' PM મોદીએ આજે સતત બીજા દિવસે પશ્ચિમ એશિયામાં સર્જાયેલી યુદ્ધની કારણે સર્જાયેલા વૈશ્વિક સંકટની વાત કરી દેશવાસીઓને પેટ્રોલ-ડીઝલનો ઉપયોગ ઓછો કરવા અને સોનાની ખરીદી ન કરવા અપીલ કરી છે. વડોદરામાં સરદાર ધામ-3ના લોકાર્પણ કાર્યક્રમમાં સંબોધન દરમિયાન પીએમ મોદીએ કહ્યું હતં કે,પહેલા કોરોનાનું સંકટ, પછી વૈશ્વિક આર્થિક પડકારો અને હવે પશ્ચિમ એશિયામાં વધતો તણાવની અસર દુનિયા પર પડી છે. તેમાંથી ભારત પણ બાકાત નથી. કોરોના મહામારી આ સદીનું સૌથી મોટુ સંકટ હતું. તો પશ્ચિમ એશિયામાં સર્જાયેલી યુદ્ધની સ્થિતિ આ દશકની સૌથી મોટા સંકટમાંની એક છે. જ્યારે આપણે મળીને કોરોનાનો સામનો કરી લીધો તો આ સંકટને પણ પાર પાડી દઈશું. સંપૂર્ણ સમાચાર વાંચો 2. બંગાળમાં મંત્રીઓમાં વિભાગોની ફાળવણી:ગૃહ મંત્રાલય સુવેન્દુએ રાખ્યું; દિલીપ ઘોષને પંચાયતી રાજ, અગ્નિમિત્રાને મહિલા-બાળ વિકાસ પશ્ચિમ બંગાળમાં ભાજપની નવી સરકારમાં સોમવારે મંત્રાલયોની વહેંચણી કરવામાં આવી છે. પીટીઆઈ (PTI) અનુસાર, નિશિથ પ્રમાણિકને ઉત્તર બંગાળ વિકાસ, રમતગમત અને યુવા કલ્યાણ મંત્રાલય સોંપવામાં આવ્યું છે. દિલીપ ઘોષને ગ્રામીણ વિકાસ, પશુ સંસાધન વિકાસ, કૃષિ વિપણનની જવાબદારી સોંપવામાં આવી છે. અગ્નિમિત્રા પૉલને મહિલા અને બાળ વિકાસ, સમાજ કલ્યાણ, નગરપાલિકા વિભાગો આપવામાં આવ્યા છે. સંપૂર્ણ સમાચાર વાંચો 3. ટ્રમ્પે યુદ્ધ રોકવા માટે ઈરાનનો પ્રસ્તાવ ફગાવ્યો:કહ્યું- મને ના ગમ્યો; અમેરિકાએ એનરિચ્ડ યુરેનિયમ સોંપવાની શરત મૂકી અમેરિકી રાષ્ટ્રપતિ ડોનાલ્ડ ટ્રમ્પે ઈરાનના નવા શાંતિ પ્રસ્તાવને ફગાવી દીધો છે. ટ્રમ્પે ટ્રુથ સોશિયલ પર લખ્યું, "મેં ઈરાનના પ્રતિનિધિઓનો જવાબ વાંચ્યો. મને તે બિલકુલ ના ગમ્યો. તેને સ્વીકારી શકાય નહીં." આ પહેલા પણ ટ્રમ્પે ઈરાન પર રમત રમવાનો આરોપ લગાવ્યો હતો. ઈરાની સરકારી મીડિયા અનુસાર, તેહરાને રવિવારે પાકિસ્તાન દ્વારા અમેરિકાને પોતાનો નવો પ્રસ્તાવ મોકલ્યો. રિપોર્ટ અનુસાર, પ્રસ્તાવમાં યુદ્ધ સમાપ્ત કરવા, ફારસની ખાડી અને હોર્મુઝ સ્ટ્રેટમાં દરિયાઈ સુરક્ષા સુનિશ્ચિત કરવા, પ્રતિબંધો હટાવવા અને પરમાણુ કાર્યક્રમ પર વાતચીત કરવાની વાત કહેવામાં આવી હતી. સંપૂર્ણ સમાચાર વાંચો 4. મમતા 31 બેઠકોના પરિણામો વિરુદ્ધ સુપ્રીમ કોર્ટ પહોંચ્યા:કહ્યું- અહીં જીતનો તફાવત SIRમાં કપાયેલા મતો કરતાં ઓછો, કોર્ટે કહ્યું- નવી અરજીઓ દાખલ કરો સુપ્રીમ કોર્ટમાં TMCએ દાવો કર્યો કે બંગાળમાં થયેલી વિધાનસભા ચૂંટણીમાં 31 બેઠકો પર ભાજપ અને TMCમાં હાર-જીતનો તફાવત SIRમાં કાપવામાં આવેલા મતો કરતાં ઓછો છે. સોમવારે TMC સાંસદ અને વકીલ કલ્યાણ બેનર્જીએ આ વાત જસ્ટિસ સૂર્યકાંત અને જસ્ટિસ જોયમલ્યા બાગચીની બેન્ચને કહી. બેન્ચ બંગાળમાં SIR પ્રેક્ટિસને પડકારતી અરજીઓ પર સુનાવણી કરી રહી હતી. બેન્ચે કહ્યું- પૂર્વ મુખ્યમંત્રી મમતા બેનર્જી અને અન્ય નેતાઓ બંગાળમાં થયેલા સ્પેશિયલ ઇન્ટેન્સિવ રિવિઝન વિરુદ્ધ નવી અરજી દાખલ કરી શકે છે. સંપૂર્ણ સમાચાર વાંચો 5. સેન્સેક્સ 1,313 અંક ઘટીને 76,015 પર બંધ થયો:નિફ્ટી પણ 360 અંક તૂટ્યો, ઓટો અને બેન્કિંગ શેર્સમાં વધુ વેચવાલી શેરબજારમાં આજે એટલે કે 11 મેના રોજ ઘટાડો જોવા મળ્યો. સેન્સેક્સ 1,313 પોઈન્ટના ઘટાડા સાથે 76,015 પર બંધ થયો. નિફ્ટીમાં પણ 360 પોઈન્ટનો ઘટાડો રહ્યો, તે 23,815 પર બંધ થયો. આજે ઓટો, બેન્કિંગ, કન્ઝ્યુમર ડ્યુરેબલ્સ અને રિયલ્ટી શેરોમાં વધુ ઘટાડો જોવા મળ્યો. સંપૂર્ણ સમાચાર વાંચો 6. 4 દિવસ બપોરના સમયે કામ વગર બહાર નીકળવાનું ટાળજો:હીટવેવના કારણે તાપમાન 44 પાર પહોંચશે, આજે 2 જિલ્લામાં ઓરેન્જ અને 12 જિલ્લામાં ગરમીનું યલો એલર્ટ ગુજરાતમાં આગામી ચાર દિવસ હીટવેવની શક્યતાના પગલે માથું ફાડી નાખે એવી ગરમીની આગાહી કરવામાં આવી છે. હવામાન વિભાગના જણાવ્યું અનુસાર, રાજ્યમાં હજુ ગરમીનો કહેર વધવાનો છે. આગામી સાત દિવસ માટે વિવિધ જિલ્લામાં હીટવેવની સાથે ઓરેન્જ અને યલો એલર્ટ જાહેર કર્યું છે. અમદાવાદમાં હજુ 5 દિવસ માટે ઓરેન્જ એલર્ટ જારી છે. એકથી બે દિવસની અંદર ચાલુ સિઝન અને ગત વર્ષની ગરમીનો રેકોર્ટ તૂટે તેવી સંભાવના છે. આગામી 7 દિવસ સુધી સમગ્ર ગુજરાત, દીવ, દમણ અને દાદરા નગર હવેલીમાં હવામાન સૂકું રહેવાની શક્યતા છે. નોર્થ ઈસ્ટ રાજસ્થાન વિસ્તારમાં સાયક્લોનિક સર્ક્યુલેશન સિસ્ટમ સક્રિય બનતા આગામી 3 દિવસમાં મહત્તમ તાપમાનમાં 2-3°Cનો વધારો થઈ શકે છે. રાજ્યના કેટલાક વિસ્તારોમાં તાપમાન 41°Cથી 44°Cની વચ્ચે રહેવાની સંભાવના છે. વાંચો સંપૂર્ણ સમાચાર 7. સુરતના વૃદ્ધને 28 દિવસ ‘ડિજિટલ એરેસ્ટ’ કરીને 1.47 કરોડ પડાવ્યા:નકલી CBI ઓફિસર બનીને ડરાવ્યા, અમદાવાદના ગોતામાંથી એકની ધરપકડ; બેંક ખાતામાં 2.84 કરોડના ટ્રાન્ઝેક્શન સુરતના એક 72 વર્ષીય સિનિયર સિટીઝનને નિશાન બનાવીને 'ડિજિટલ એરેસ્ટ' કરી રૂ. 1.47 કરોડથી વધુની રકમ પડાવી લેવાનું કૌભાંડ સામે આવ્યું છે. સુરત શહેર સાયબર ક્રાઈમ સેલે આ મામલે ટેકનિકલ સર્વેલન્સના આધારે અમદાવાદથી મુખ્ય આરોપી ઉર્જિત કવિની ધરપકડ કરી છે. આરોપીએ વૃદ્ધને મની લોન્ડરિંગના ખોટા કેસમાં ફસાવી 28 દિવસ સુધી માનસિક દબાણમાં રાખી આખી ઘટનાને અંજામ આપ્યો હતો. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : કેરળના CMની જાહેરાત જલ્દી, વેણુગોપાલ રાહુલની પસંદ:કોંગ્રેસ નેતાએ કહ્યું- અમારા ત્યાં મોદી-શાહ જ બધા નિર્ણયો લે, એવી સિસ્ટમ નથી વાંચો સંપૂર્ણ સમાચાર 2.ઈન્ટરનેશનલ : નેતન્યાહૂએ કહ્યું- ઈરાનના નવા સુપ્રીમ લીડર જીવતા છે:બંકરમાં છુપાયેલા, સત્તા પર પિતા ખામેની જેવી પકડ નથી, જનતાના વિદ્રોહનો ડર સતાવી રહ્યો છે વાંચો સંપૂર્ણ સમાચાર 3.નેશનલ : બંગાળના CM સુવેન્દુના PA હત્યા કેસમાં 3 શંકાસ્પદ ઝડપાયા:STFએ યુપી-બિહારમાંથી અટકાયતમાં લીધા; 6 મેના રોજ ચંદ્રનાથ રથની હત્યા થઈ હતી વાંચો સંપૂર્ણ સમાચાર 4.ઈન્ટરનેશનલ : જે જહાજ પર હંટા વાયરસ ફેલાયો તેમાં 2 ભારતીયો પણ:અત્યાર સુધીમાં 3ના મોત, કોરોના કરતાં પણ વધુ ખતરનાક; WHOનું 12 દેશોને એલર્ટ વાંચો સંપૂર્ણ સમાચાર 5.બિઝનેસ : PM મોદીની અપીલ બાદ જ્વેલરીના શેર 10% તૂટ્યા:એક વર્ષ સોનું ન ખરીદવા કહ્યું; માગ 10% સુધી ઘટી શકે છે વાંચો સંપૂર્ણ સમાચાર 6.સ્પોર્ટ્સ : રાતે 11 વાગ્યા પછી હાર્દિક ઇન્સ્ટાગ્રામ પર રઘવાયો થયો!:સૂર્યા-તિલક અને મુંબઈના પેજને 'અનફોલો' કરી દીધું? હાર ન પચતાં ક્રિકેટરે છેડો ફાડ્યો હોવાની ચર્ચા વાંચો સંપૂર્ણ સમાચાર 7.ધર્મ તહેવાર જ્યોતિષ : મંગળ ગ્રહનો 'સ્વરાશિ' મેષમાં પ્રવેશ:5 રાશિ માટે ગોચર 'મંગળમય', 5 રાશિ પર રહેશે ક્રૂર દૃષ્ટિ; જાણો દોષ દૂર કરવાનો ઉપાય વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ બિહારમાં ટ્રાન્સફોર્મરથી સીધો મોબાઈલ ચાર્જ કરી રહ્યા છે લોકો બિહારમાં કેટલાક લોકો ટ્રાન્સફોર્મરથી સીધો જ મોબાઈલ ચાર્જ કરતા જોવા મળી રહ્યા છે. વીડિયો વાયરલ થયા બાદ કોઈએ તેને બિહારની 'જુગાડ ટેકનોલોજી' ગણાવી તો કોઈએ વીજળી વ્યવસ્થા પર સવાલો ઉઠાવ્યા છે. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. MATCH મસાલા : કોહલી પાણીની બોટલ ચોરી ભાગ્યો!:ધોની અને પંતે પીછો કર્યો; MI સામેની મેચમાં ટિમ ડેવીડે કોને મીડલ ફિંગર બતાવી? 2. ભાસ્કર ઇન્વેસ્ટિગેશન : એજન્ટે નકલી ડિગ્રી માટે આવેલા ફોર્મનો થેલો બતાવ્યો:45 લાખ રૂપિયામાં ડૉક્ટર બનાવી દેવાની ગેરંટી, ગુજરાતમાં બેઠાં-બેઠાં દિલ્હીના અધિકારીઓ સુધી સેટિંગ 3. પારકી પંચાત: ‘મેં હું ડૉન’ ગીત પર MLA નાચ્યા:મોદી ગુજરાત આવ્યા ને અધિકારીઓએ સ્ટોરી ચઢાવી; સંઘવીએ નવા કોર્પોરેટરોને શું નસીહત આપી? 4. એક મહિલા, 6 વર્ષ, બળાત્કાર -છેડતીના 10 ખોટા કેસ:નિવૃત્ત આર્મી ઓફિસરે રિવર્સ FIR કરાવી તો સામે આવ્યો આખો ખેલ, જાણો કોણ છે શબનમ 5. આકરો તડકો અને ગરમ હવા આંખો માટે જોખમી:ઉનાળામાં આ 9 સંકેતોને ભૂલથી પણ અવગણશો નહીં, આંખોની સમસ્યાઓથી બચવા 11 સાવચેતી રાખો 6. મંડે મેગા સ્ટોરી : સરકારી ખજાનામાંથી સોમનાથ મંદિર ગાંધીજીને નહતું બનાવવું:નહેરૂ ઉદ્દઘાટનમાં ન ગયા, આજે 75 વર્ષ પૂરા થવા પર પહોંચ્યા મોદી 7. ભાસ્કર એક્સક્લૂસિવ : ‘તમે ગૂગલ પર પોર્ન વીડિયો જોવો છો’:વીડિયો કોલ પર નકલી DIGએ ધમકી આપી, પૈસા પડાવતી સાયબર ગેંગની ભાસ્કર રિપોર્ટરે પોલ ખોલી 🌍 કરંટ અફેર્સ ⏳ આજના દિવસનો ઈતિહાસ 📊​​​​​​​ માર્કેટની સ્થિતિ 🌦️ મોસમનો મિજાજ મંગળવારનું રાશિફળ:કન્યા-મીન રાશિના જાતકોના અટકેલા કામ આજે પાર પડશે, વૃશ્ચિક રાશિના લોકો માટે દિવસ ટનાટન (સંપૂર્ણ રાશિફળ વાંચો)