Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    આગની દુર્ઘટનામાં પરિવારમાંથી ફક્ત એક જ વ્યક્તિ બચી:ધારાશિવમાં આગની દુર્ઘટનામાં એક જ પરિવારના 6 જણનાં મોત

    1 day ago

    રવિવારે આખું રાજ્ય લક્ષ્મી પૂજાની રાત્રે દિવાળીની ઉજવણી કરતું હતું ત્યારે ધારાશિવ જિલ્લામાં ખૂબ જ આઘાતજનક ઘટના બની હતી. ધારાશિવ તાલુકાના યેદશીમાં મધરાત્રે એક ઘરમાં લાગેલી ભીષણ આગમાં ગૂંગળામણ અને દાઝી જવાથી એક જ પરિવારના છ સભ્યોના મોત થયાં હતાં. પ્રાપ્ત માહિતી અનુસાર, યેદશીમાં ગોવિંદ કારંડેના ઘરમાં ભીષણ આગ લાગી હતી. કારંડે પરિવાર નીચે કરિયાણાની દુકાન ધરાવતો હતો અને ઉપરના માળે રહેતો હતો. રવિવારે લક્ષ્મીપૂજા પૂર્ણ થયા પછી તેમના ઘરમાં અચાનક લગભગ 2:30 વાગ્યે આગ લાગી. આગ ટૂંક સમયમાં એટલી ભીષણ બની ગઈ કે ગાઢ નિદ્રામાં રહેલા પરિવારને ઘરની બહાર આવવાની તક મળી નહીં. આગ અને ભારે ધુમાડાથી ગૂંગળામણને કારણે પરિવારના છ સભ્યોનાં મોત થયાં હતાં. મૃતકોમાં ગોવિંદ કારંડે, તેમની પત્ની, તેમની બે પુત્રીઓ અને કરંડેના માતાપિતાનો સમાવેશ થાય છે. આ હૃદયદ્રાવક અકસ્માતમાં ફક્ત એક જ વ્યક્તિ બચી છે. ઘટનાની માહિતી મળતા જ સ્થાનિક ગ્રામજનોએ આગ ઓલવવાનો શ્રેષ્ઠ પ્રયાસ કર્યો. જોકે ઘટનાસ્થળ નજીક તાત્કાલિક અગ્નિશામક સુવિધાઓનો અભાવ હોવાથી આગ ઓલવવામાં વિલંબ થયો. ત્યાર બાદ કલંબ અને તુલજાપુરથી ફાયર બ્રિગેડનાં વાહનો બોલાવવામાં આવ્યાં હતાં. દરમિયાન આ ભયંકર અકસ્માતની માહિતી મળતા જ ધારાસભ્ય રાણા જગજિતસિંહ પાટીલ સવારે ઘટનાસ્થળે દોડી ગયા હતા અને રાહત કાર્યની સમીક્ષા કરી હતી.સવારે 4:30 થી 5 વાગ્યા સુધી ઘર આગની લપેટમાં રહ્યું. ફાયર બ્રિગેડે આખરે આગ પર કાબૂ મેળવ્યો, પરંતુ ત્યાં સુધીમાં બધું બળીને રાખ થઈ ગયું હતું અને છ લોકોએ જીવ ગુમાવ્યા હતા. એવું અનુમાન કરવામાં આવી રહ્યું છે કે ઘરમાં દિવાળીના દીવા પ્રગટાવવાને કારણે આગ લાગી હશે. જોકે આગ લાગવાનું ચોક્કસ અને નક્કર કારણ હજુ સુધી બહાર આવ્યું નથી અને પોલીસ સમગ્ર મામલાની વધુ તપાસ કરી રહી છે.
    Click here to Read More
    Previous Article
    ગામેથી પરત ફરતા અકસ્માત:ભાદ્રોડ પાસે બાઇક ખૂંટિયા સાથે અથડાતાં યુવકનું મોત, મિત્રને ઇજા
    Next Article
    10 થી 12 દુકાનો બળીને રાખ, રહેણાક ઈમારતો ખાલી કરાવાઈ:મુંબઈમાં ડોંગરી, ચેમ્બુર, અંધેરી સહિત ઠેકઠેકાણે આગની ઘટનાઓ

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment