Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    5.5 કિમીના સાબરમતી કાંઠે નવું હેંગ આઉટ સ્પોટ, ડ્રોન VIDEO:શાહીબાગથી ઇન્દિરા બ્રિજ સુધીનો રિવરફ્રન્ટ એક વર્ષમાં શરૂ થશે, નરોડા-ચાંદખેડા સહિતના વિસ્તારોના લોકોને જલસા

    12 hours ago

    તમે મુંબઈ જાવ અને દરિયા કાંઠે C શેપમાં બનેલા મરિન ડ્રાઇવ પર ન જાવ તો? દોસ્તો તો તમારો ફેરો ફોગટ રહે. અહીં મોટી સંખ્યામાં લોકો વોકિંગ, જોગિંગ, સાયકલિંગ અને યોગ કરતા જોવા મળે છે. રાતનો તો નજારો જ અલગ હોય. શહેરમાં શાંતિ શોધતા લોકો માટેનું આ ફેવરિટ સ્પોટ છે. પરંતુ આપણે અમદાવાદીઓ ક્યાં કમ છીએ આપણી પાસે S શેપમાં વાસણા બેરેજ થી લઈને શાહીબાગ ડફનાળા સુધીનો 11.50 કિમીનો સાબરમતી રિવરફ્રન્ટ છે. હવે તેમાં ફેઝ-2ના બીજા 5.50 કિમી(બન્ને સાઈડ થઈને 11 કિમીનું કામ) ઉમેરો તો કૂલ 17 કિમી થાય. આ ફેઝ-2 જાન્યુઆરી 2028માં શરૂ કરી દેવાશે એટલે કે લગભગ સવા વર્ષમાં શહેરના પૂર્વ-પશ્ચિમ વિસ્તારને મજા પડી જશે. ફેઝ-2નું કામ પૂર્ણ થયા બાદ પૂર્વ વિસ્તારમાં નરોડા, સરદારનગર, હાંસોલ અને શાહીબાગ ઉપરાંત પશ્ચિમના સાબરમતી, મોટેરા અને ચાંદખેડાના લોકો પણ રિવરફ્રન્ટની મજા માણી શકશે. ફેઝ-2ની હાલમાં ચાલી રહેલી કામગીરીને લઈ દિવ્ય ભાસ્કરે ડ્રોન વીડિયો તૈયાર કર્યો છે. જેમાં અમે તમને બન્ને સાઇડ કેટલું કામ થયું તે બતાવી રહ્યા છીએ. ફેઝ-2માં રૂ. 1285 કરોડથી વધુના ખર્ચે શાહીબાગથી લઈને ઇન્દિરા બ્રિજ સુધી નદીના બંને કાંઠે પૂરજોશમાં કામગીરી ચાલી રહી છે. રિવરફ્રન્ટના નદીના બંને કાંઠા તરફની દીવાલો બનીને તૈયાર થઈ ગઈ છે. ગુજરાતના સૌપ્રથમ રબર કમ બેરેજ બ્રિજની કામગીરી પણ ચાલી રહી છે. ગ્રીન ઝોન, ચિલ્ડ્રન પ્લે એરિયા અને ફૂડ પ્લાઝા જેવી સુવિધાઓ રિવરફ્રન્ટ પર સાબરમતી નદીનો નજારો કંઈક અલગ જ રીતે જોવા મળે તેના સ્ટેપ્ડ એમ્બેન્કમેન્ટ ટાઇપ ડિઝાઇન (એટલે કે પગથિયાં નદી તરફ ઊતરતા હોય એ ભાગ) સાથે નદીના બંને કાંઠે નવા વિસ્તારો વિકસાવવામાં આવ્યા છે. આ પ્રોજેક્ટમાં હાલના રિવરફ્રન્ટ કરતાં વધુ હરિયાળી જોવા મળશે. ગ્રીન ઝોન, અલગ અલગ લેવલ પર ગ્રીનરી, ચિલ્ડ્રન પ્લે એરિયા, ફૂડ પ્લાઝા, આર્ટ કલ્ચરલ પ્રવૃત્તિઓ તેમજ સ્વાસ્થ્ય માટેની સુવિધાઓ ઊભી કરવામાં આવી રહી છે. તેમજ નદી કિનારે અલગ અલગ લેવલ પર બેઠક વ્યવસ્થા પણ ઊભી કરાશે. બંને તરફ રિવરફ્રન્ટ એપ્રોચ રોડ તૈયાર નદીના બંને કાંઠે ડાયાફ્રામ વોલ(પાણીને રોકવા, કિનારાની જમીનને ધોવાણથી બચાવવા બનાવાતી દિવાલ) અને એન્કર સ્લેબનું શાહીબાગ ડફનાળાથી લઈને કેમ્પ સદર બજાર સુધીની કામગીરી પૂર્ણ થઈ ચૂકી છે. બંને તરફ રિવરફ્રન્ટ એપ્રોચ રોડ બની ગયો છે. રબરકમ બેરેજ ઓવરબ્રિજ બનાવવા પિલ્લર ઉભા કરાઈ રહ્યા છે જ્યારે કેમ્પ સદર બજાર નજીક બની રહેલો રબર કમ બેરેજ ઓવરબ્રિજ ઓટોમેટિક કંટ્રોલ સિસ્ટમ આધારિત હશે. જેને કારણે નદીમાં પાણીનો પ્રવાહ અવરોધાશે નહીં. આ આશરે 3.5 મીટર ઊંચાઈના એરફિલ્ડ રબર ટાઇપ સ્પેશિયલાઇઝ્ડ બ્રિજ છે. હાલ નદીની વચ્ચે બ્રિજના પિલ્લર ઉભા કરવાની કામગીરી ચાલી રહી છે. લગભગ 37 ટકા જેટલી કામગીરી હાલમાં પૂર્ણ થઈ ગઈ છે. જે લગભગ ડિસેમ્બર 2027 સુધીમાં પૂર્ણ થઈ જશે. રોડ નેટવર્ક સહિત અત્યાર સુધીમાં 83 ટકા કામગીરી પૂર્ણ રિવરફ્રન્ટ ફેઝ-2માં રોડ નેટવર્ક સહિત અત્યાર સુધીમાં 83 ટકા કામગીરી પૂર્ણ થઈ છે. સ્ટેપ્ડ એમ્બેન્કમેન્ટ ટાઇપ રિટેનિંગ વોલ, એક્સેસ, મોડેલ પ્રોમિનાડ અને વિવિધ ઇન્ફ્રાસ્ટ્રક્ચરનાં કામો 93 ટકા પૂર્ણ થયાં છે. આ કામગીરી પાછળ રૂ. 399.37 કરોડનો ખર્ચ થયો છે. ફેબ્રુઆરી 2027માં સુધીમાં તમામ કામ પૂર્ણ થઈ જશે. નદીના બંને કાંઠાના રોડ ડિસેમ્બર-2027માં પૂર્ણ કરવાનો લક્ષ્યાંક જ્યારે નદીના બંને કાંઠાના રોડ અને અને રબર કમ બેરેજ ઓવરબ્રિજ પરથી રિવરફ્રન્ટ રોડ પરનો એપ્રોચ બ્રિજ સહિતની અન્ય સુવિધાઓ સાથે જોડાયેલી કામગીરી 12.50 ટકા પૂર્ણ થઈ છે. જે લગભગ ડિસેમ્બર-2027 સુધીમાં પૂર્ણ કરવાનો લક્ષ્યાંક છે. અન્ય નવી એક્ટિવિટી પણ શરૂ કરવાની તૈયારીઓ ફેઝ-2 બનવાની સાથે વિશ્વના સૌથી મોટા નરેન્દ્ર મોદી સ્ટેડિયમ તેમજ સરદાર પટેલ સ્પોર્ટ્સ એન્ક્લેવને પણ કનેક્ટિવિટી સાથે વિકસાવાશે. આ સિવાય આવનારા સમયમાં હાલના કાર્યરત રિવરફ્રન્ટમાં અન્ય નવી એક્ટિવિટી પણ શરૂ થવાની છે. હાલનો મોદી સ્ટેડિયમમાં જવાનો રસ્તો પછી ટેમ્પરરી ગેટ બની જશે રિવરફ્રન્ટ ફેઝ-2માં ભવિષ્યમાં રિવરફ્રન્ટથી ડાયરેક્ટ નરેન્દ્ર મોદી સ્ટેડિયમમાં જઈ શકાય એ રીતે કામ કરવામાં આવશે, જેથી હાલમાં સ્ટેડિયમમાં મેટ્રો તરફથી જવાનો જે રોડ છે એ આવનારા સમયમાં ટેમ્પરરી રસ્તો બની જશે, જેથી કોઈપણ મેચ કે ઈવેન્ટ દરમિયાન સાબરમતી, પાવર હાઉસ, ચાંદખેડા અને મોટેરામાં જે ટ્રાફિકજામની સ્થિતિ થાય છે એમાંથી છુટકારો મળશે. મોદીનો ડ્રીમ પ્રોજેક્ટ, 2012માં પહેલા ફેઝનું ઉદ્ઘાટન કર્યું નરેન્દ્ર મોદી મુખ્યમંત્રી હતા ત્યારે રિવરફ્રન્ટ તેમનો મહત્ત્વાકાંક્ષી પ્રોજેક્ટ હતો અને 2012માં ફેઝ-1નું તેમના હસ્તે જ ઉદ્ઘાટન થયું હતું. 38 કિમીની લંબાઈ સાથે વિશ્વનો સૌથી લાંબા રિવરફ્રન્ટ કુલ 7 ફેઝમાં વહેંચાયેલો છે, જેમાં ફેઝ-2નું કામ હાલ પુરજોશમાં ચાલી રહ્યું છે. જ્યારે ફેઝ-3ને લઈ મે, 2026માં ગાંધીનગરન મનપાની સામાન્ય સભામાં ટીપી યોજના નં. 20 કોબા અંતર્ગત સાબરમતી રિવરફ્રન્ટ ડેવલપમેન્ટ પ્રોજેક્ટ ફેઝ-3ની આગળની કામગીરીને મંજૂરી આપી હતી. ‘પંચતત્ત્વ’ એવાં પૃથ્વી, જળ, અગ્નિ, આકાશ અને વાયુ થીમ ફેઝ-3 હેઠળ ઇન્દિરાબ્રિજથી કરાઈ સાયફન નર્મદા કેનાલ સુધીનો 4.5 કિમીનો વિસ્તાર વિકસાવાશે. ત્રણેય ફેઝ પૂરા થયા પછી રિવરફ્રન્ટ બંને બાજુ મળી 38 કિમી લાંબો થઈ જશે. ફેઝ-3ને ‘પંચતત્ત્વ’ પૃથ્વી, જળ, અગ્નિ, આકાશ અને વાયુ થીમને આધારે વિકાસાવાશે. ફેઝ-1 અને 2ની સરખામણીએ ફેઝ-3માં અલગ થીમ તેમજ સુવિધાઓ પણ અલગ પ્રકારની રહેશે.અલગ અલગ સ્થળે 10 વ્યૂ પ્લાઝા હશે, જેમાં હરિયાળી, સંસ્કૃતિ, ઇતિહાસ, હરવા-ફરવાની જગ્યા, ફૂડ પ્લાઝા તેમજ રોડ પરથી નદી સીધી જોઈ શકાશે. બેસવાની વ્યવસ્થાની સાથે બે લાઇનમાં 1.5 લાખથી વધુ ઘટાદાર વૃક્ષો ઉછેરવામાં આવશે. ફેઝ-3 તૈયાર થયા બાદ લોકો સીધા રિવરફ્રન્ટ રોડથી ગાંધીનગર જઇ શકશે. આ ઉપરાંત નરેન્દ્ર મોદી સ્ટેડિયમ, બુલેટ ટ્રેન સ્ટેશન, સાબરમતી રેલવે સ્ટેશન, એરપોર્ટ સીધા જઈ શકશે. પૂર્વ તરફના રિવરફન્ટ રોડ પરના શાસ્ત્રી બ્રિજથી સીધા કેનાલ સાયફન સુધી જઇ શકશો. જ્યારે ફેઝ-4થી 7માં નર્મદા મુખ્ય કેનાલથી ગાંધીનગરના થર્મલ પાવર સ્ટેશન નજીક ચિલોડા બ્રિજ સુધીનો 16.5 કિમીનો વિસ્તાર આવરી લેવાશે. ફેઝ-4માં નર્મદા કેનાલથી PDEU(પંડિત દીનદયાળ એનર્જી યુનિવર્સિટી) બ્રિજ સુધીનો 4.5 કિમીનો વિસ્તાર હશે. ફેઝ-5 માં PDEUથી ગિફ્ટ સિટી સુધીનો 4.9 કિમીનો વિસ્તાર આવરી લેવાશે. ફેઝ-6ની વાત કરવામાં આવે તો આ સૌથી ટૂંકો છે, તે ગિફ્ટ સિટીથી સંત સરોવર બેરેજ સુધી 1.6 કિમીનો વિસ્તાર છે. ફેઝ-7માં પાવર સ્ટેશન સુધીનો 6 કિમી વિસ્તારમાં ફેલાયેલો હશે, જેનો કુલ અંદાજિત ખર્ચ 3,300 કરોડ છે. આમ વાસણા બેરેજથી શરૂ થયેલો રિવરફ્રન્ટ ગિફ્ટ સિટીને આંબી જશે. આમ ગિફ્ટ સિટી અને રિવરફ્રન્ટ કનેક્ટ થઈ જતા 38 કિમીનો આખો પટ્ટો ગ્લોબલ લેવલનું હેંગ આઉટ પ્લેસ બની જશે.
    Click here to Read More
    Previous Article
    લોકાર્પણના 3 માસ બાદ પણ આધુનિક લાઈબ્રેરી બંધ:સૌરાષ્ટ્ર યુનિવર્સિટીમાં 5 લાખ પુસ્તકો, RFID સિસ્ટમ સાથેના ડિજિટલ ગ્રંથાલયના લાભથી વિદ્યાર્થીઓ વંચિત
    Next Article
    અમદાવાદમાં પત્નીના આડાસંબંધનો ભાંડો ફોડવા ડોકટર પતિએ જાસૂસની મદદ લીધી:કાફેમાં પ્રેમી સાથેના ફોટો મળતા જ વાત છૂટાછેડા સુધી પહોંચી, ફોટા AIથી બનાવ્યાનો પત્નીએ દાવો

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment