Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    અમદાવાદમાં પત્નીના આડાસંબંધનો ભાંડો ફોડવા ડોકટર પતિએ જાસૂસની મદદ લીધી:કાફેમાં પ્રેમી સાથેના ફોટો મળતા જ વાત છૂટાછેડા સુધી પહોંચી, ફોટા AIથી બનાવ્યાનો પત્નીએ દાવો

    12 hours ago

    અમદાવાદના પૂર્વ વિસ્તારમાં રહેતા એક ડોકટરના પત્નીના લગ્નેતર સંબંધનો ચોંકાવનારો કિસ્સો સામે આવ્યો છે. પત્નીનું વર્તન બદલાઈ જતા ડોકટર પતિને શંકા પડી હતી. જેથી પત્ની પર દેખરેખ રાખવા પતિએ રૂપિયા 80 હજારની ફી ચૂકવી જાસૂસની મદદ લીધી. જાસૂસે થોડા જ સમયમાં પત્ની અને તેના પ્રેમીની તસવીરો મેળવી ડોકટરને આપતા મામલો છૂટાછેડા સુધી પહોંચી ગયો. ડોકટર પતિ ઘરમાં પૂરતો સમય ન આપતો હોવાનો આક્ષેપ કરાયો અને જે ફોટોગ્રાફ છે તે AIથી બનાવ્યા હોવાનો દાવો કરાયો. પત્નીની ગતિવિધિ પર દેખરેખ રાખવા ડોકટર પતિએ જાસૂસની મદદ લીધી અમદાવાદમાં રહેતા ડો. રાકેશ (નામ બદલાવ્યું છે)ના પત્ની તરુણા (નામ બદલાવ્યું છે)નું છેલ્લા કેટલાક સમયથી વર્તન બદલાયું હતું. જેના કારણે ડો. રાકેશને પત્ની પર શંકા પડી હતી. જ્યારે પત્નીનો મોબાઈલ ચેક કરતો ત્યારે સોશિયલ મીડિયાની કોઈ હિસ્ટ્રી મળતી નહીં. શંકાના સમાધાન માટે રૂપિયા 80 હજારની ફી ચૂકવી જાસૂસની મદદ લીધી ડો. રાકેશે પોતાની શંકાના સમાધાન માટે ઘરની બહાર જતી પત્ની પર દેખરેખ રાખવા માટે રૂપિયા 80 હજારની ફી ચૂકવી ખાનગી જાસૂસની મદદ લીધી. જાસૂસે જ્યારે તપાસ કરી અને પુરાવા મેળવ્યા તો ડોકટરની જે શંકા હતી તે સાચી પડી. તરુણા જ્યારે તેના પ્રેમીને મળવા એક કાફેમાં ગઈ ત્યારે જાસૂસ દ્વારા તેના ફોટો પાડી લેવામાં આવ્યા અને ડો. રાકેશને પહોંચાડી દેવાયા. પુરાવા મળતા જ વાત છૂટાછેડા સુધી પહોંચી ગઈ ડો. રાકેશને પત્નીના આડાસંબંધના પુરાવા હાથ લાગતા જ બંને વચ્ચે ઝઘડો થયો અને વાત છૂટાછેડા સુધી પહોંચી ગઈ. તરુણા દ્વારા અભયમની મદદ માગવામાં આવી. અભયમની ટીમે કાઉન્સલીંગ કર્યું તો ડોકટર પતિ ઘરમાં પૂરતો સમય ન આપતો હોવાનો આક્ષેપ કરાયો. જે ફોટોગ્રાફ રજૂ કરાયા હતા તે પણ AIની મદદથી તૈયાર કરાયા હોવાનો દાવો કરાયો. જો કે, બાદમાં વધુ પૂછપરછ કરતા ફોટોગ્રાફ સાચા જ હોવાનો સ્વીકાર કર્યો. પતિ પૂરતો સમય ન આપતો હોવાથી ભાવનાત્મક રીતે અન્ય વ્યકિતના સંપર્કમાં આવી હોવાનો સ્વીકાર કર્યો હતો. અભયમની ટીમે ઘરસંસાર તૂટતો બચાવ્યો ​અભયમ ટીમે બંનેનું કાઉન્સેલિંગ કરીને માત્ર સોશિયલ મીડિયાની ચેટ કે અવિશ્વાસના આધારે આખો સંસાર બગાડવા કરતા એકબીજાને પૂરતો સમય આપવો અને પરસ્પર પ્રેમ જાળવીને સંબંધ સુધારવો વ્યાજબી છે તેવી સમજણ આપીને મામલો થાળે પાડ્યો હતો. 'તું મારી પહેલી નહીં પણ 10મી પ્રેમિકા છે', પ્રેમીએ નશાની દવાઓ આપી યુવતીને 3 મહિના ગોંધી રાખી આવાજ પ્રેમસંબંધના અન્ય એક કિસ્સાની વાત કરીએ તો, અમદાવાદની યુવતીને ભારે પડી ગયો. દોઢ વર્ષ પહેલા 24 વર્ષીય યુવતી ઈન્સ્ટાગ્રામના માધ્યમથી યુવકના સંપર્કમાં આવી હતી. થોડા સમયમાં મિત્રતા પ્રેમમાં પરિણમી હતી. યુવતી પરિવારના વિરોધ વચ્ચે પોતાનું ઘર છોડીને પ્રેમી સાથે રહેવા લાગી હતી અને બાદમાં કોર્ટમેરેજ પણ કરી લીધા હતા. શરૂઆતમાં તો બધુ બરોબરો ચાલતું હતુ પરંતુ, થોડા મહિના વિતતા જ પ્રેમીનું અસલી સ્વરૂપ સામે આવ્યું અને યુવતીને ત્રાસ આપવાની શરૂઆત કરી. બંને વચ્ચે ઝઘડા થવા લાગતા યુવકે ત્રણ મહિના સુધી નશાની દવા ખબડાવી યુવતીને અર્ધબેભાન હાલતમાં રાખી અને બળજબરીપૂર્વક સંબંધ બાંધતો. યુવતીએ વિરોધ કર્યો તો કહ્યું- 'તું મારી પ્રથમ નહીં પણ 10મી પ્રેમિકા છે' જ્યારે યુવતીએ આ અંગે વિરોધ કર્યો ત્યારે નરાધમ યુવકે ક્રૂરતાની તમામ હદો પાર કરી નાખી અને કહ્યું કે, 'તું મારી પહેલી નહીં પણ 10મી પ્રેમિકા છે'. આ સાંભળીને યુવતીના પગ નીચેથી જમીન સરકી ગઈ હતી. બાદમાં યુવતીને માનસિક રીતે તોડવા માટે યુવકે અવનવા કીમિયા અપનાવ્યા હતા.યુવતીને ડરાવતા કહ્યું હતું કે, 'તું ઘરેથી ભાગીને આવી છે, જેથી તારા માતા-પિતાએ તારા પર કાળા જાદુ કર્યા છે'.જ્યારે દવાઓની અસર ઓછી થઈ અને હોશમાં આવી ત્યારે તેને ખબર પડી કે તેની સાથે મોટો વિશ્વાસઘાત થયો છે. જેથી સતત માનસિક અને શારીરિક ત્રાસથી કંટાળી ગયેલી યુવતીએ જીવન ટૂંકાવવાનો નિર્ણય કર્યો અને તે કેનાલ પર પહોંચી ગઈ હતી. જોકે, નસીબ જોગે ત્યાંથી પસાર થતા એક જાગૃત યુવકે તાત્કાલિક 181 મહિલા અભયમમાં જાણ કરતા ​અભયમની ટીમે ઘટનાસ્થળે દોડી ગઈ હતી અને યુવતીને આપઘાત કરતા અટકાવીને બચાવી લીધી. ટીમ દ્વારા યુવતીનું સઘન કાઉન્સિલિંગ કરવામાં આવતા તેના મનમાંથી આપઘાતનો વિચાર દૂર થયો હતો. આ સાથે જ તેના માતા-પિતાને પણ બોલાવીને તેમનું પણ કાઉન્સિલિંગ કરવામાં આવ્યું હતું. યુવતીએ પ્રેમી સામે કોઈ ફરિયાદ કરવાની ના પાડી અને પોતાના માતા-પિતા સાથે જવાની હોવાથી, અભયમ ટીમે તેને હેમખેમ પરિવાર સાથે રવાના કરી હતી.
    Click here to Read More
    Previous Article
    5.5 કિમીના સાબરમતી કાંઠે નવું હેંગ આઉટ સ્પોટ, ડ્રોન VIDEO:શાહીબાગથી ઇન્દિરા બ્રિજ સુધીનો રિવરફ્રન્ટ એક વર્ષમાં શરૂ થશે, નરોડા-ચાંદખેડા સહિતના વિસ્તારોના લોકોને જલસા
    Next Article
    રામામંડળમાં નામ બોલાયું, મંત્રી શરમાઈ ગયા:પિકનિક કરવા ગયેલા નેતાનો જીવ રાજકોટમાં ચોંટ્યો; પ્રમુખે ઘરે સ્નેહમિલન ગોઠવ્યું, કાર્યકરોમાં ગણગણાટ શરૂ થયો

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment