મોર્નિંગ ન્યૂઝ બ્રીફ:ટ્રમ્પના પ્રસ્તાવનો ઉલાળિયો, યુદ્ધવિરામ માટે ઇરાનની 5 શરત, કેટલાયે દેશોમાં લૉકડાઉન જેવી સ્થિતિ, પેટ્રોલ-ડીઝલ અંગે સરકારે મોટું અપડેટ આપ્યું

નમસ્તે, કાલના મોટા સમાચાર કેન્દ્રના નિવેદન સાથે જોડાયેલા રહ્યા. સરકારે કહ્યું કે દેશમાં પેટ્રોલ-ડીઝલની અછત નથી. બીજી મોટા સમાચાર ધુરંધર 2ના રેકોર્ડ તોડવાને લઈને રહ્યા. ⏰ આજની ઈવેન્ટ્સ, જેના પર રહેશે નજર 1. PM મોદી પશ્ચિમ બંગાળમાં ચૂંટણી પ્રચાર શરૂ કરશે. 2. મધ્યપ્રદેશના પૂર્વ મુખ્યમંત્રી દિગ્વિજય સિંહ રામ નવમીના અવસરે અયોધ્યામાં રામલલ્લાના દર્શન કરશે. 📰 કાલના મોટા સમાચારો 1. ઈરાને કહ્યું-અમેરિકી એરક્રાફ્ટ કેરિયર અબ્રાહમ લિંકન પર મિસાઈલ હુમલો કર્યો:USS વિસ્તાર છોડીને ભાગ્યું, રેન્જમાં આવશે તો વધુ શક્તિશાળી હુમલા કરીશું ઈરાને દાવો કર્યો છે કે તેણે અમેરિકી એરક્રાફ્ટ કેરિયર USS અબ્રાહમ લિંકન પર મિસાઈલ હુમલો કર્યો છે, જેના પછી તેને તે વિસ્તાર છોડીને પોતાની પોઝિશન (સ્થિતિ) બદલવી પડી હતી. ઈરાની સેનાના જણાવ્યા અનુસાર, નૌકાદળે 'કાદેર' ક્રૂઝ મિસાઈલોથી આ કેરિયરને નિશાન બનાવ્યું હતું. આ હુમલા બાદ અમેરિકી નૌકા કાફલાને પોતાની સ્થિતિ બદલવાની ફરજ પડી હતી. ઈરાની નૌકાદળના પ્રમુખ શહરામ ઈરાનીએ જણાવ્યું હતું કે, અમેરિકી કેરિયર સ્ટ્રાઈક ગ્રુપની દરેક ગતિવિધિ પર ચાંપતી નજર રાખવામાં આવી રહી છે. તેમણે ચેતવણી આપી હતી કે જેવો આ કાફલો મિસાઈલ રેન્જમાં આવશે, તેના પર વધુ શક્તિશાળી હુમલા કરવામાં આવશે. જોકે, આ દાવાની સ્વતંત્ર રીતે પુષ્ટિ થઈ શકી નથી. વાંચો સંપૂર્ણ સમાચાર 2. સરકારે કહ્યું- દેશમાં પેટ્રોલ-ડીઝલની અછત નથી:ભાવમાં પણ કોઈ વધારો થયો નથી, ગભરાઈને જરૂરિયાત કરતાં વધુ ખરીદવાનું ટાળો કેન્દ્ર સરકારે બુધવારે જણાવ્યું હતું કે અમારી પાસે ક્રૂડ ઓઇલનો પૂરતો ભંડાર ઉપલબ્ધ છે. દેશમાં કોઈપણ પેટ્રોલ પંપ પર પેટ્રોલ અને ડીઝલની કોઈ અછત નથી. પેટ્રોલ પંપોને સપ્લાય કરતા ટર્મિનલો પર પણ પૂરતો સ્ટોક ઉપલબ્ધ છે. દિલ્હીમાં આંતર-મંત્રાલય બ્રીફિંગ દરમિયાન પેટ્રોલિયમ મંત્રાલયના સંયુક્ત સચિવ સુજાતા શર્માએ લોકોને ડર અને ગભરાટમાં પેટ્રોલ-ડીઝલની ખરીદી કરવાનું ટાળવા અપીલ કરી હતી. તેમણે એ પણ સ્પષ્ટ કર્યું હતું કે પેટ્રોલ અને ડીઝલના ભાવમાં કોઈ વધારો થયો નથી. વાંચો સંપૂર્ણ સમાચાર 3. કોલકાતા રેપ-મર્ડર કેસની પીડિતાની માતા ભાજપના ઉમેદવાર:મમતાએ કહ્યું- ભાજપની રાજ્યને બિહારમાં ભેળવવાની યોજના; હિમંતા બોલ્યા- વિપક્ષ પાસે એજન્ડા નથી પશ્ચિમ બંગાળ વિધાનસભા ચૂંટણી માટે ભાજપે ઉમેદવારોની ત્રીજી યાદી જાહેર કરી છે, જેમાં 19 નામોનો સમાવેશ થાય છે. આ યાદીમાં કોલકાતાના આરજી કર મેડિકલ કોલેજ રેપ-મર્ડર કેસની પીડિતાની માતાને પાનીહાટી બેઠક પરથી ઉમેદવાર બનાવવામાં આવ્યા છે. આ પહેલા પ્રથમ યાદીમાં 144 અને બીજી યાદીમાં 111 ઉમેદવારોની જાહેરાત કરવામાં આવી હતી. આ દરમિયાન, મુખ્યમંત્રી મમતા બેનર્જીએ મૈનાગુડીમાં એક રેલી દરમિયાન ભાજપ પર નિશાન સાધ્યું. તેમણે કહ્યું કે ભાજપ બંગાળને ખતમ કરવા માંગે છે અને રાજ્યને બિહારમાં ભેળવવાની યોજના બનાવી રહ્યું છે. મમતાએ દાવો કર્યો કે તેમણે ઉત્તર બંગાળના વિભાજનના પ્રયાસને રોકી દીધો છે અને આ મુદ્દે પહેલાથી જ અવાજ ઉઠાવ્યો છે. વાંચો સંપૂર્ણ સમાચાર 4. સુપ્રીમ કોર્ટે કહ્યું- જાહેર કાર્યક્રમોમાં વંદેમાતરમ ફરજિયાત નથી:જ્યારે આ માટે સજા થવા લાગશે, ત્યારે વિચાર કરીશું; અરજી ફગાવી સુપ્રીમ કોર્ટે બુધવારે રાષ્ટ્રીય ગીત 'વંદે માતરમ' ગાવા અંગે ગૃહ મંત્રાલયના પરિપત્ર વિરુદ્ધ દાખલ કરાયેલી અરજી ફગાવી દીધી. કોર્ટે કહ્યું કે સાર્વજનિક સ્થળો અને જાહેર કાર્યક્રમો માટે જાહેર કરાયેલ આ નિર્દેશ ફરજિયાત નથી. પરિપત્રને પડકારતી અરજી સમય પહેલા દાખલ કરવામાં આવી છે. આ મામલો CJI જસ્ટિસ સૂર્યકાંત, જસ્ટિસ જોયમાલ્યા બાગચી અને જસ્ટિસ વિપુલ એમ પંચોલીની બેન્ચ સમક્ષ હતો. બેન્ચે કહ્યું કે ગૃહ મંત્રાલયની એડવાઇઝરીમાં ‘વંદે માતરમ’ ન ગાવા પર કોઈપણ પ્રકારની સજાની જોગવાઈ નથી. બેન્ચે કહ્યું- આ દિશા નિર્દેશો ફક્ત એક પ્રોટોકોલ છે અને તેનું પાલન કરવું ફરજિયાત નથી. વાંચો સંપૂર્ણ સમાચાર 5. 'ધુરંધર 2'એ 6 દિવસમાં વિશ્વભરમાંથી ₹919 કરોડ કમાયા:સૌથી ઝડપી ₹900 કરોડ કમાવવાના મામલે 'પુષ્પા 2'ની બરાબરી કરી; રણબીર-આમિરના રેકોર્ડ તોડ્યા રણવીર સિંહની ફિલ્મ 'ધુરંધર: ધ રિવેન્જ' એટલે કે ‘ધુરંધર 2’એ બોક્સ ઓફિસ પર રિલીઝના છઠ્ઠા દિવસે એટલે કે મંગળવારે ભારતમાં 56.55 કરોડ રૂપિયાનું નેટ કલેક્શન કર્યું છે. ટ્રેડ વેબસાઇટ સેકનિલ્ક અનુસાર, ફિલ્મે વિશ્વભરમાં 919 કરોડ રૂપિયાની કમાણી કરી છે. ફિલ્મે સૌથી ઝડપી 900 કરોડ રૂપિયા કમાવવાના મામલે ‘પુષ્પા 2’ ની બરાબરી કરી લીધી છે. બંને ફિલ્મોએ 6 દિવસમાં આ આંકડો પાર કર્યો. જોકે, કુલ કમાણીના મામલે ‘પુષ્પા 2’ આગળ છે, જેણે 6 દિવસમાં 951.32 કરોડ રૂપિયા કમાયા હતા. વાંચો સંપૂર્ણ સમાચાર 6. ભાજપ પ્રદેશ ચૂંટણી સમિતિની રચના, 19 સભ્યોનો સમાવેશ:CMથી લઈ પૂર્વ મંત્રીઓનો સમાવેશ,પાટીલ સહિત ચાર પૂર્વ પ્રદેશ પ્રમુખને સ્થાન; જુઓ સંપૂર્ણ લિસ્ટ ગુજરાતમાં આવનારી ચૂંટણીને ધ્યાનમાં રાખીને ભારતીય જનતા પાર્ટી દ્વારા સંગઠનને વધુ મજબૂત બનાવવા માટે મહત્વપૂર્ણ પગલાં લેવામાં આવ્યા છે. ભાજપ ગુજરાત દ્વારા પ્રદેશ ચૂંટણી સમિતિની નવી રચના જાહેર કરવામાં આવી છે, જેમાં રાજ્યના ટોચના નેતાઓ અને અનુભવી ચહેરાઓને સ્થાન આપવામાં આવ્યું છે. નવી સમિતિમાં મુખ્યમંત્રી ભુપેન્દ્ર પટેલ, પ્રદેશ અધ્યક્ષ જગદીશ વિશ્વકર્મા, નાયબ મુખ્યમંત્રી હર્ષ સંઘવી સહિતના અગત્યના નેતાઓનો સમાવેશ કરવામાં આવ્યો છે. સાથે જ પૂર્વ નાયબ મુખ્યમંત્રી નીતિન પટેલ, પૂર્વ મંત્રીઓ અને સંગઠનના અનુભવી કાર્યકરોને પણ મહત્વ આપવામાં આવ્યું છે, જે દર્શાવે છે કે ભાજપ ચૂંટણી પહેલા સંગઠનને એકજૂટ અને સશક્ત બનાવવા પર ભાર મૂકી રહી છે. વાંચો સંપૂર્ણ સમાચાર 7. અમદાવાદના જુહાપુરામાં 5 જંગલેશ્વર જેટલું દબાણ છે:અમિત ઠાકર:અશાંતધારાની મિલકતના રક્ષણ માટે કલેક્ટરને 'સુઓ મોટો'ની સત્તા, વાંધાજનક કિસ્સામાં કબજો પણ લઈ શકશે ગુજરાત વિધાનસભામાં અશાંતધારા સુધારા વિધેયક પરની ચર્ચા દરમિયાન ભારે ગરમાગરમી જોવા મળી હતી, જેમાં ભાજપના ધારાસભ્ય કૌશિક જૈન અને કોંગ્રેસના ધારાસભ્ય ઈમરાન ખેડાવાલા વચ્ચે બોલાચાલી થઈ હતી. ત્યારબાદ અમિત ઠાકરે AMCના લેખિત જવાબને ટાંકીને કહ્યું હતું કે, અમદાવાદના જુહાપુરામાં 5 જંગલેશ્વર જેટલું દબાણ છે . અશાંતધારા અધિનિયમ હેઠળ સ્થાવર મિલકતની તબદીલી બાબતે અત્યંત અસરકારક સુધારા સૂચવતું સુધારા વિધેયક વિધાનસભા ગૃહમાં પસાર કરવામાં આવ્યું હતું.જેમાં અશાંતધારાની મિલકતના રક્ષણ માટે કલેક્ટરને 'સુઓ મોટો'ની સત્તા અપાઈ છે અને વાંધાજનક કિસ્સામાં કબજો પણ લઈ શકશે. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : એસ. જયશંકરે કહ્યું- ભારત પાકિસ્તાન જેવો દલાલ દેશ નથી:સર્વપક્ષીય બેઠકમાં વિપક્ષે કહ્યું હતું- ઈરાન યુદ્ધમાં પાકિસ્તાન મધ્યસ્થી કરી રહ્યું છે, ભારત મૂકપ્રેક્ષક બન્યું વાંચો સંપૂર્ણ સમાચાર 2.ઈન્ટરનેશનલ : ટ્રમ્પ માટે હોર્મુઝ સ્ટ્રેટ ખોલાવવું મુશ્કેલ કેમ?:ઈરાન સાંકડા રસ્તાનો ફાયદો ઉઠાવે છે, સમુદ્રમાં પાથરેલા બોમ્બના કારણે અમેરિકી શિપ પર જોખમ વાંચો સંપૂર્ણ સમાચાર 3.નેશનલ : શંકરાચાર્યને બાળકોના યૌન શોષણ કેસમાં જામીન:હાઈકોર્ટે કહ્યું- ચાર્જશીટ દાખલ ન થાય ત્યાં સુધી ધરપકડ નહીં; અવિમુક્તેશ્વરાનંદને ઇન્ટરવ્યુ આપવાની મનાઈ વાંચો સંપૂર્ણ સમાચાર 4.નેશનલ : 6 વ્યક્તિઓમાં જીવંત રહેશે હરીશ રાણા:13 વર્ષથી કોમામાં રહેલા હરીશનું અંગદાન; ભાઈએ મુખાગ્નિ આપી, પિતાએ બીજાને રડવાની ના પાડી ને પોતે રડી પડ્યા વાંચો સંપૂર્ણ સમાચાર 5.બિઝનેસ : ઘરની નજીક ગેસની લાઈન હશે તો કનેક્શન લેવું જ પડશે:કંપની 3 મહિનાની નોટિસ આપશે, જો કનેક્શન નહીં લો તો ગેસ સિલિન્ડર મળવાનું પણ બંધ થશે વાંચો સંપૂર્ણ સમાચાર 6.સ્પોર્ટ્સ : IPLના ઈતિહાસની સૌથી મોટી સીઝન!:આ વખતે 84 મેચનો થશે 'મહાવિસ્ફોટ', દરેક ટીમ 16 મેચ રમશે; 28 માર્ચથી શરૂ થશે ચોગ્ગા-છગ્ગાની રમઝટ વાંચો સંપૂર્ણ સમાચાર 7.ધર્મ તહેવાર જ્યોતિષ : રામનવમીની તારીખને લઈને પંચાંગ ભેદ:તિથિઓની વધઘટને કારણે બે દિવસ ઉજવાશે રામ જન્મોત્સવ; જાણો સંપૂર્ણ પૂજા-વિધિ વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ ખરાબ એન્જિન ઓઈલથી ચાલતો ચૂલો બનાવ્યો ઉત્તરાખંડના હલ્દ્વાનીમાં LPGની અછત વચ્ચે બે મિકેનિક, શિવ પ્રતાપ અને શિવમે ખરાબ એન્જિન ઓઈલથી ચાલતો ચૂલો બનાવ્યો છે. આ ચૂલો 1 કલાકમાં માત્ર 100 ml ઓઈલમાં ચાલે છે. તેમને નાની રેસ્ટોરન્ટ્સ તરફથી ઓર્ડર પણ મળવા લાગ્યા છે. જોકે, નિષ્ણાતો તેને સ્વાસ્થ્ય માટે ખતરનાક ગણાવી રહ્યા છે. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. ભાસ્કર સિરીઝ : આસારામના ગુંડાઓનો આતંક: મહિલા પત્રકારને લોખંડની પાઇપો મારી, શીખ પત્રકાર પર તેલ રેડીને આગ ચાંપી; જુઓ સિરીઝનો નવો એપિસોડ 2. આજનું એક્સપ્લેનર: એક તરફ વાતચીતનું આમંત્રણ, બીજી તરફ 2000 પેરાટ્રૂપર્સ મોકલ્યા; શું ઈરાનને ફસાવીને મોટા હુમલાની તૈયારીમાં ટ્રમ્પ 3. હસમુખ અને ધર્મેશની નજર એકબીજાની પ્રેમિકા પર હતી: જમવાનું આમંત્રણ કાળ બન્યું, સાથે બેસીને નોનવેજ ખાધું પછી એ જ ધાબા પર ખેલાયો લોહિયાળ ખેલ 4. પારકી પંચાત : વકીલ ચપટી વગાડીને બોલ્યા, ‘એય…વગાડો’: ‘ઓ ડિસ્ટ્રીક્ટ જજ, તમારે અહીં ના અવાય’; પેટ્રોલ પંપમાં ઈરાન-ઈઝરાયલની જેમ લડ્યા! 5. Editor's View: મુનીર માથે મધ્યસ્થીનો મુગટ: અમેરિકાથી ઑર્ડર છૂટ્યો! યુદ્ધ રોકવા પાકિસ્તાનનો કૂદકો, શરતો પર ઈરાનનો લાલ લીટો; ભારતનું ટેન્શન વધશે? 🌍 કરંટ અફેર્સ ⏳ આજના દિવસનો ઈતિહાસ 📊​​​​​​​ માર્કેટની સ્થિતિ 🌦️ મોસમનો મિજાજ રામનવમીનું રાશિફળ: ભગવાન રામની કૃપાથી સિંહ-ધન રાશિની મુશ્કેલીઓનો અંત આવશે, વૃષભ-મકર રાશિના લોકોને મળશે સફળતા વાંચો સંપૂર્ણ રાશિફળ