Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    4 વર્ષ સુધી ટ્રોમામાંથી પસાર થયા એક્ટ્રેસ સુસ્મિતા મુખર્જી:કરોડોનું દેવું હતું, આર્થિક તંગી અંગે કહ્યું- માત્ર છેલ્લાં 1 હજાર રૂપિયા બચ્યાં હતાં

    1 day ago

    'ખલનાયક' અને ‘ગોલમાલ’ જેવી ફિલ્મોથી ઓળખ બનાવનાર એક્ટ્રેસ સુસ્મિતા મુખર્જીએ પોતાના જીવનના સૌથી મુશ્કેલ સમય વિશે વાત કરી છે. એક્ટ્રેસ જણાવ્યું કે સતત ચાર વર્ષ સુધી આર્થિક તંગી અને માનસિક તણાવમાંથી પસાર થવું તેમના માટે કેટલું મુશ્કેલ હતું. એક્ટ્રેસ જણાવ્યું કે તેમના પર કરોડો રૂપિયાનું દેવું હતું. એક સમય એવો પણ આવ્યો હતો, જ્યારે તેમના ખાતામાં માત્ર 1 હજાર રૂપિયા જ બચ્યા હતા. NDTVને આપેલા ઇન્ટરવ્યૂમાં સુસ્મિતાએ જણાવ્યું, ''હું તે સમયે એક આઘાતમાંથી પસાર થઈ રહી હતી. હું એક પ્રોજેક્ટમાં ફસાઈ ગઈ હતી અને તેના માટે પ્રતિબદ્ધ પણ હતી, પરંતુ તેઓ મારી તારીખોનો ઉપયોગ કરી રહ્યા ન હતા. હું થિયેટર પણ કરી શકતી ન હતી, જ્યારે તે મારો પ્રથમ પ્રેમ છે.'' સુસ્મિતાએ જણાવ્યું કે સતત ચાર વર્ષ સુધી આર્થિક મુશ્કેલીઓમાંથી પસાર થયા બાદ પૈસા પ્રત્યેનો તેમનો દૃષ્ટિકોણ સંપૂર્ણપણે બદલાઈ ગયો. હવે તેઓ પૈસાને માત્ર જરૂરિયાત અથવા કમાણીના સાધન તરીકે નહીં, પરંતુ ઊર્જા તરીકે જુએ છે. તેમણે કહ્યું, ''હું પૈસાને ઊર્જા તરીકે જોઉં છું. તે માત્ર મારા માટે નથી, પરંતુ તેને વહેંચવો પણ જોઈએ.'' એક્ટ્રેસે તે મુશ્કેલ સમયને યાદ કરતાં જણાવ્યું કે જ્યારે તેમની પાસે અંતિમ માત્ર 1 હજાર રૂપિયા બચ્યા હતા, ત્યારે પણ તેમને વિશ્વાસ હતો કે પૈસા આવી જશે. તેઓ પોતાને કહેતાં કે તેમણે કંઈ ખોટું કર્યું નથી, તેથી બધું ઠીક થઈ જશે. એક કરોડ રૂપિયાના દેણાંને કારણે સી-ગ્રેડ ફિલ્મોમાં કામ કરવું પડ્યું સુષ્મિતા આ પહેલાં પણ પોતાના આર્થિક સંઘર્ષ વિશે વાત કરી ચૂકી છે. તેમણે જણાવ્યું હતું કે વર્ષ 2002માં તેમની અને તેમના પતિની મીડિયા કંપની 'પ્રયાસ પ્રોડક્શન' બંધ થઈ ગઈ હતી. આ કારણે પરિવાર પર લગભગ એક કરોડ રૂપિયાનું કરજ થઈ ગયું હતું. તે સમયે કરજદારો અને વસૂલાત એજન્ટો તેમના ઘરે આવવા લાગ્યા હતા. પરિવારે આર્થિક અને માનસિક મુશ્કેલીઓનો સામનો કરવો પડ્યો હતો. તે સમયે તેમના બાળકો પણ નાના હતા. દેણું ચૂકવવા માટે સુષ્મિતાએ ફરીથી કામ શરૂ કરવું પડ્યું. આર્થિક મજબૂરીને કારણે તેમણે કેટલીક એવી સી-ગ્રેડ ફિલ્મોમાં પણ કામ કર્યું, જેમાં કામ કરવાનું તેમને પસંદ નહોતું. તેમણે જણાવ્યું હતું કે તેઓ અને તેમના પતિ લગભગ 3-4 વર્ષ સુધી મહેનત કરીને દેણું ચૂકવતાં રહ્યા. 9મા મહિના સુધી શૂટિંગ કરતી રહી, ડિલિવરીના 4 દિવસ પહેલાં સુધી સેટ પર હતી સુષ્મિતાએ પોતાની પ્રેગ્નન્સી દરમિયાન કામ કરવાના અનુભવો પણ શેર કર્યા. તેમણે જણાવ્યું કે જ્યારે તે પહેલીવાર માતા બનવાની હતી, ત્યારે તેણે નવમા મહિના સુધી શૂટિંગ કર્યું હતું. તે ટીવી શો 'તારા'માં કામ કરી રહી હતી અને શૂટિંગ પૂરું થયાના ચાર દિવસ બાદ જ તેની ડિલિવરી થઈ હતી. એક્ટ્રેસે જણાવ્યું કે શૂટિંગ દરમિયાન તેને મોટા ધાબળા અને ખુરશીની મદદથી બેસાડવામાં આવતી હતી, જેથી પ્રેગ્નન્સી છુપાવી શકાય. સુષ્મિતાએ 1978માં ફિલ્મમેકર સુધિર મિશ્રા સાથે લગ્ન કર્યા હતા, જે બાદ બંનેના છૂટાછેડા થઈ ગયા. ત્યારબાદ 1993માં તેણે એક્ટર અને રાજનેતા રાજા બુન્દેલા સાથે બીજા લગ્ન કર્યા. તેણે કહ્યું કે તેને પોતાના નિર્ણયોને લઈને કોઈ અફસોસ નથી, કારણ કે તેણે પોતાના બાળકોને સારું શિક્ષણ આપ્યું અને આજે તેઓ પોતાના પગ પર ઊભા છે. આ જ વર્ષે ફિલ્મ 'નઈ નવેલી'માં જોવા મળી હતી સુષ્મિતા મુખર્જી સુષ્મિતા મુખર્જી ઓક્ટોબર 2026માં રિલીઝ થયેલી ફિલ્મ નવી નવેલીમાં દાદીના રોલમાં જોવા મળી છે. આ ફિલ્મમાં યામી ગૌતમ મુખ્ય ભૂમિકામાં હતી. આ પહેલાં તેઓ રવિના ટંડનની ફિલ્મ પટના શુક્લામાં જોવા મળ્યાં હતાં.
    Click here to Read More
    Previous Article
    Cheapest Recharge to Keep Your SIM Active for a Year: Jio vs Airtel vs Vi
    Next Article
    દિવ્યભાસ્કરનાં અહેવાલ બાદ તંત્ર જાગ્યું:રાજકોટ મનપાનાં સૌપ્રથમ પાર્ટીપ્લોટને ખુલ્લો મુકવાનાં નિયમો જનરલ બોર્ડમાં મુકાશે, મંજૂરી બાદ ડિસેમ્બરથી બુકીંગ શરૂ થવાની શક્યતા

    Related Entertainment Updates:

    Are you sure? You want to delete this comment..! Remove Cancel

    Comments (0)

      Leave a comment