Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ટેન્કરની ટક્કરથી બાઈકસવાર યુવાનનું મોત:સાંતલપુર પાસે પત્નીને તેડવા હારીજ જતાં 33 વર્ષના યુવાનનું મોત; ટેન્કરચાલક ફરાર, પોલીસ ફરિયાદ નોંધાઈ

    2 days ago

    પાટણ જિલ્લાના સાંતલપુર તાલુકામાં પર ગામ નજીક હાઈવે પર ટેન્કરે બાઈકને પાછળથી ટક્કર મારી હતી. આ અકસ્માતમાં 33 વર્ષના દિનેશભાઈ દલાજી ઠાકોરનું મોત થયું હતું. ટેન્કર ચાલક રાધનપુર તરફ ભાગી ગયો હતો. આ મામલે સાંતલપુર પોલીસ સ્ટેશનમાં ફરિયાદ નોંધાઈ છે. રાધનપુર તાલુકાના બાદરપુરા ગામના મૂળ વતની દિનેશભાઈ હાલ સાંતલપુરમાં સાસરીમાં રહેતા હતા અને મજૂરી કરતા હતા. બુધવારે બપોરે તેઓ સાંતલપુરમાં મામાના દીકરા મનુભાઈ ઠાકોરના ગેરેજે ગયા હતા. ત્યાંથી પત્નીને તેડવા હારીજ જવા હીરો સ્પ્લેન્ડર પ્લસ બાઈક (નંબર GJ-24-CA-1737) પર નીકળ્યા હતા. પર ગામ નજીક મોડલ સરકારી સ્કૂલ પાસે હાઈવે પરથી પસાર થતા સમયે પાછળથી પૂરઝડપે આવી રહેલા ટેન્કર (નંબર GJ-12-BT-0629)એ તેમના બાઈકને ટક્કર મારી હતી. દિનેશભાઈને ગંભીર ઈજાઓ થઈ હતી. અકસ્માત પછી ટેન્કર ચાલક વાહન સાથે રાધનપુર તરફ ભાગી ગયો હતો. લોકોએ દિનેશભાઈને 108 એમ્બ્યુલન્સમાં સાંતલપુર સરકારી દવાખાને પહોંચાડ્યા હતા. ત્યાં ફરજ પરના તબીબે તેમને મૃત જાહેર કર્યા હતા. દિનેશભાઈને પાંચ સંતાન છે. દિનેશભાઈના મોટા ભાઈ મહેન્દ્રભાઈ દલાજી ઠાકોર (42), હાલ ડીસા રહેતા, અજાણ્યા ટેન્કર ચાલક સામે ફરિયાદ નોંધાવી છે. પોલીસે ભારતીય ન્યાય સંહિતાની કલમ 281 અને 106(1), તેમજ મોટર વાહન અધિનિયમની કલમ 187, 184, 134 અને 177 હેઠળ ગુનો નોંધ્યો છે. સાંતલપુર પોલીસ વધુ તપાસ કરી રહી છે.
    Click here to Read More
    Previous Article
    ખાંભાના રાણીંગપરામાં ખેડૂતો સાથે સીધો સંવાદ યોજાયો:ગુ.કિ.મોરચાના પ્રદેશ અધ્યક્ષ હિરેન હીરપરાએ સરકારી યોજનાઓ, પ્રાકૃતિક ખેતી અને આધુનિક પદ્ધતિઓ અંગે માર્ગદર્શન આપ્યું
    Next Article
    કેપ્ટન શુભમન ગિલની દરેક સ્ટ્રેટેજી નિષ્ફળ જઈ રહી છે:હેનરી નિકોલ્સ-ગ્લેન ફિલિપ્સ ગુંદરની જેમ ક્રિઝ પર ચોંટી ગયા, બન્ને બેટર્સની ફિફ્ટી

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment