મોર્નિંગ ન્યૂઝ બ્રીફ:હોર્મુઝમાં હાહાકાર, જહાજો ઉડાવી દેવાની ટ્રમ્પની ધમકી, પાકિસ્તાનને આશાજીનું ગીત વગાડતી ચેનલ સામે વાંધો; નવસારીમાં ભાજપને 32 બેઠકોનું ‘પતાસું’

નમસ્તે, ગઈકાલના મોટા સમાચાર હોર્મુઝને લઈને છે, ઈરાન અને અમેરિકા બંને અહીં ઘેરાબંધી કરવા પર અડગ છે. બીજી તરફ પાકિસ્તાનમાં આશા ભોંસલેનું ગીત વગાડવા બદલ વિવાદ સર્જાયો છે. હવે એ પણ જાણો કે બિહારમાં નવા મુખ્યમંત્રી બનવા માટે કયા પાંચ દાવેદારો છે. ⏰ આજની ઈવેન્ટ્સ, જેના પર રહેશે નજર 1. PM મોદી દેહરાદૂન-દિલ્હી એક્સપ્રેસ-વેનું ઉદ્ઘાટન કરશે. તેઓ પહેલા યુપી પછી ઉત્તરાખંડ જશે. 2. IPL 2026: ચેન્નઈ અને કોલકાતા વચ્ચે સાંજે 7.30 વાગ્યાથી ચેન્નઈમાં મેચ રમાશે. 📰 કાલના મોટા સમાચારો 1. હોર્મુઝ સ્ટ્રેટ પર અમેરિકાની નાકાબંધી શરૂ:ટોલ ચૂકવનારાને હોર્મુઝ પાર કરવાની મંજૂરી નથી, ઈરાને કહ્યું- ભારત પાસેથી કોઈ ટોલ વસૂલવામાં આવ્યો નથી અમેરિકી રાષ્ટ્રપતિ ડોનાલ્ડ ટ્રમ્પ તરફથી ઈરાન પર લાદવામાં આવેલી દરિયાઈ નાકાબંધી શરૂ થઈ ગઈ છે. આ નિર્ણય સાંજે 7:30 વાગ્યે (અમેરિકી સમય મુજબ સવારે 10 વાગ્યે) થી અમલમાં આવ્યો છે. આ નિર્ણય હેઠળ જે પણ જહાજ હોર્મુઝ સ્ટ્રેટમાંથી પસાર થવાનો પ્રયત્ન કરશે, તેને રોકીને તેની તપાસ કરવામાં આવશે. ખાસ કરીને એવા જહાજો પર નજર રાખવામાં આવશે જેમણે ઈરાનને ટોલ ચૂકવ્યો છે. ટ્રમ્પે ગઈકાલે જણાવ્યું હતું કે જે જહાજો ઈરાનને ગેરકાયદેસર ટોલ આપશે, તેમને સુરક્ષિત રસ્તો આપવામાં આવશે નહીં. આ પગલા દ્વારા ઈરાનની આર્થિક તાકાત ઘટાડવામાં આવશે. બીજી તરફ, ભારતમાં ઈરાનના રાજદૂત મોહમ્મદ ફતહલીએ જણાવ્યું કે હોર્મુઝ સ્ટ્રેટમાંથી પસાર થતા ભારતીય જહાજો પાસેથી અત્યાર સુધી કોઈ ટોલ લેવામાં આવ્યો નથી. વાંચો સંપૂર્ણ સમાચાર 2. નોઇડામાં હિંસક વિરોધ, 50 ફેક્ટરીઓમાં તોડફોડ:પોલીસે ભાસ્કર રિપોર્ટર સાથે મારઝૂડ કરી:કર્મચારીઓના પ્રદર્શનને કવર કરી રહ્યા હતા નોઇડામાં સોમવારે સવારે પગાર વધારાની માગણીને લઈને ફેક્ટરી કર્મચારીઓના હિંસક પ્રદર્શનનું કવરેજ કરી રહેલા પત્રકારો પર પોલીસે લાઠીચાર્જ કર્યો હતો. ભાસ્કર રિપોર્ટર સાકેત આનંદ સાથે પણ પોલીસે મારઝૂડ કરી હતી. પત્રકારોએ ડીસીપી નોઇડા સેન્ટ્રલ સવ્યા ગોયલ સમક્ષ ઘટના અંગે નારાજગી વ્યક્ત કરી અને આરોપી પોલીસકર્મી જીતેન્દ્ર સિંહ વિરુદ્ધ FIR નોંધવાની માગ કરી. કર્મચારીઓએ અલગ-અલગ વિસ્તારોમાં 50થી વધુ ફેક્ટરીઓમાં પથ્થરમારો અને તોડફોડ કરી હતી. 150થી વધુ વાહનોમાં તોડફોડ કરવામાં આવી હતી અને લગભગ 50થી વધુ વાહનો સળગાવી દેવામાં આવ્યા હતા. હાથમાં લાકડીઓ લઈને સેંકડો કર્મચારીઓ સરઘસ કાઢી રહ્યા છે. તેમનું કહેવું છે કે જ્યાં સુધી તેમની માંગણીઓ પૂરી નહીં થાય ત્યાં સુધી તેઓ અટકશે નહીં. વાંચો સંપૂર્ણ સમાચાર 3. સંગીતની 'આશા' પંચમહાભૂતમાં વિલીન:'અભી ના જાઓ છોડકર...' ગાઈને સિંગરની વિદાય; પાકિસ્તાનમાં નિધનનું કવરેજ કરવા બદલ PAK. સરકારે Geo ન્યૂઝને નોટિસ ફટકારી ગાયિકા આશા ભોસલેના શિવાજી પાર્ક સ્મશાનગૃહ ખાતે રાજકીય સન્માન સાથે અંતિમ સંસ્કાર કરવામાં આવ્યા. સોમવારે સવારે, તેમના પાર્થિવ શરીરને અંતિમ દર્શન માટે તેમના મુંબઈ સ્થિત નિવાસસ્થાન ‘કાસા ગ્રાન્ડે’ ખાતે રાખવામાં આવ્યા હતા. તેમને રાજકીય સમ્માન સાથે વિદાય આપવામાં આવી. તો બીજી તરફ, પાકિસ્તાન સરકારે આશાજીના અવસાન સંબંધિત સમાચારના કવરેજ અંગે પાકિસ્તાનના GEO ન્યૂઝને નોટિસ જારી કરી. દેશની મીડિયા નિયમનકારી સંસ્થા, PEMRA (પાકિસ્તાન ઇલેક્ટ્રોનિક મીડિયા નિયમનકારી ઓથોરિટી) એ જણાવ્યું છે કે ચેનલ દ્વારા પ્રસારિત થતું કન્ટેન્ટ નિયમોનું ઉલ્લંઘન કરી શકે છે. વાંચો સંપૂર્ણ સમાચાર 4. કેજરીવાલ બોલ્યા- જજ RSS સાથે જોડાયેલા સંગઠનના કાર્યક્રમમાં ગયા:જસ્ટિસ સ્વર્ણકાંતાને હટાવવાના 10 કારણો ગણાવ્યા, લિકર પોલિસી કેસમાં પોતે જ દલીલ કરી અરવિંદ કેજરીવાલે સોમવારે હાઈકોર્ટના જસ્ટિસ સ્વર્ણકાંતા શર્માને દિલ્હી દારૂ કૌભાંડ કેસમાંથી હટાવવા (રિક્યુઝ)ની ફરી માગ કરી. તેમણે કોર્ટમાં દોઢ કલાક દલીલો રજૂ કરી. તેમણે કહ્યું, મને પહેલેથી જ દોષિત માનવામાં આવી રહ્યો છે. જસ્ટિસ શર્માના આદેશોમાં એક પેટર્ન દેખાય છે, જેમાં ED અને CBIની દરેક દલીલ સ્વીકારવામાં આવે છે. કેજરીવાલે કહ્યું- જસ્ટિસ શર્મા રાષ્ટ્રીય સ્વયંસેવક સંઘ સાથે જોડાયેલા અખિલ ભારતીય અધિવક્તા પરિષદના કાર્યક્રમમાં 4 વખત સામેલ થઈ ચૂક્યા છે. આ સાથે જ દિલ્હીના પૂર્વ સીએમએ જસ્ટિસ શર્માને હટાવવાના કુલ 10 કારણો જણાવ્યા. વાંચો સંપૂર્ણ સમાચાર 5. આજે બિહારના નવા મુખ્યમંત્રીની જાહેરાત:NDAની બેઠકમાં નામ પર મહોર લાગશે, PM મોદીની હાજરીમાં 15 એપ્રિલે શપથ સમારોહ બિહારમાં નવી સરકારની રચનાને લઈને તૈયારીઓ તેજ બની ગઈ છે. શપથ ગ્રહણ સમારોહને લઈને રાજ્યપાલના સચિવ ગોપાલ મીણાએ સોમવારે પટનાના DM, SP, SSP સહિતના વરિષ્ઠ અધિકારીઓની બેઠક બોલાવી હતી. લોકભવનમાં યોજાયેલી આ બેઠકમાં શપથ ગ્રહણ સમારોહની તૈયારીઓ અંગે બ્રીફિંગ આપવામાં આવી હતી. આ પહેલા રાજ્યપાલના સચિવ ગોપાલ મીણા ડેપ્યુટી સીએમ સમ્રાટ ચૌધરીના નિવાસસ્થાને પહોંચ્યા હતા. બંને વચ્ચે લગભગ 30 મિનિટ મુલાકાત થઈ હતી. માહિતી અનુસાર, CM નીતિશ બપોરે 3.30 વાગ્યે રાજ્યપાલને પોતાનું રાજીનામું સુપરત કરી શકે છે. 15 એપ્રિલે સવારે 11 વાગ્યે શપથ સમારોહનું આયોજન કરવામાં આવશે. વાંચો સંપૂર્ણ સમાચાર 6. ઈરાન યુદ્ધ વચ્ચે દરિયામાં ફસાયેલા માછીમારો 40 દિવસે વતનમાં આવ્યા:નજર સામે મિસાઈલો છૂટતી, આકાશ લાલચોળ થતું ને દરિયામાં ઘ્રુજારી છૂટતી;વલસાડમાં ફૂલહારથી સ્વાગત ઈરાન અને ઈઝરાયલ વચ્ચે ચાલી રહેલા ભીષણ યુદ્ધની વચ્ચે મધદરિયે ફસાયેલા ગુજરાતના માછીમારો આખરે મોતના મુખમાંથી બચીને હેમખેમ વતન પરત ફર્યા છે. છેલ્લા 40 દિવસ સુધી દરિયાના મોજાં અને આકાશમાંથી વરસતી મિસાઈલો વચ્ચે જીવના જોખમે વિતાવેલી પળોનું વર્ણન કરતા માછીમારો ભાવુક બન્યા હતા. વલસાડ જિલ્લાના 72 સહિત દેશભરના 500થી વધુ માછીમારો સુરક્ષિત રીતે સ્વદેશ પરત ફર્યા છે. વતન પરત ફરેલા માછીમારોએ આપવીતી વર્ણવતા જણાવ્યું કે, જ્યારે અમે દરિયામાં બોટ લઈને જતા ત્યારે આકાશમાં યુદ્ધ વિમાનોનો ભારે ગણગણાટ સંભળાતો હતો. ઘણીવાર નજર સામે જ મિસાઈલો છૂટતી દેખાતી હતી. વાંચો સંપૂર્ણ સમાચાર 7. નવસારીમાં કોંગ્રેસને મોટો ફટકો:મેન્ડેટ 10 મિનિટ મોડા પડતા ગણદેવી નગરપાલિકાની 18 સહિત જિલ્લાની 32 બેઠકો ગુમાવી, ભાજપના વિજયની તૈયારી નવસારી જિલ્લામાં સ્થાનિક સ્વરાજ્યની ચૂંટણીઓ પૂર્વે જ કોંગ્રેસ માટે માઠા સમાચાર સામે આવ્યા છે. પક્ષના સત્તાવાર મેન્ડેટ નિયત સમય મર્યાદામાં રજૂ ન કરી શકવાને કારણે જિલ્લાની કુલ 32 બેઠકો પરથી કોંગ્રેસે હાથ ધોવા પડ્યા છે. આ તમામ બેઠકો હવે સીધી રીતે ભાજપના ફાળે જાય તેવી પૂરેપૂરી શક્યતા છે. ગણદેવી નગરપાલિકાના 6 વોર્ડની 24 બેઠકો માટે કોંગ્રેસે 18 ઉમેદવારો મેદાનમાં ઉતાર્યા હતા. જોકે, ફોર્મ ભરવાના અંતિમ દિવસે શહેર કોંગ્રેસ પ્રમુખ બપોરે 3:10 કલાકે મેન્ડેટ લઈને પહોંચ્યા હતા. ચૂંટણી અધિકારીએ 3:00 વાગ્યાની સમય મર્યાદા પૂર્ણ થઈ ગઈ હોવાનું જણાવી મેન્ડેટ સ્વીકારવાનો ઇનકાર કર્યો હતો. પરિણામે, ચકાસણી દરમિયાન કોંગ્રેસના તમામ 18 ઉમેદવારી ફોર્મ રદ કરવામાં આવ્યા છે. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : મહારાષ્ટ્ર- થાણેમાં અકસ્માતમાં 11ના મોત:મૃતકોમાં 3 મહિલાઓ, 2ની હાલત ગંભીર; સિમેન્ટ મિક્સર ટ્રક વાન સાથે અથડાયો વાંચો સંપૂર્ણ સમાચાર 2.ઈન્ટરનેશનલ : રશિયાથી ઓઈલની આયાત પ્રતિ દિવસ 19 લાખ બેરલ પર પહોંચી:માર્ચમાં 2 વર્ષની સર્વોચ્ચ સપાટી, મિડલ ઇસ્ટના તણાવ પછી ભારતે ખરીદી વધારી વાંચો સંપૂર્ણ સમાચાર 3.નેશનલ : મોદીએ કહ્યું- ગૃહસ્થ નથી, પણ મને બધી ખબર છે:અમારી યોજનાઓએ મહિલાઓને આર્થિક રીતે શક્તિશાળી બનાવી, 16 એપ્રિલથી સંસદનું વિશેષ સત્ર વાંચો સંપૂર્ણ સમાચાર 4.ઈન્ટરનેશનલ : પાકિસ્તાનને ₹46,500 કરોડની મદદ આપશે સાઉદી-કતાર:આનાથી UAEનું ₹29,000 કરોડનું દેવું ચૂકવાશે, પૈસા પાછા આપવા માટે માત્ર 11 દિવસ બાકી વાંચો સંપૂર્ણ સમાચાર 5.બિઝનેસ : માર્ચમાં છૂટક મોંઘવારી વધીને 3.4% થઈ:ખાવા-પીવાની વસ્તુઓ મોંઘી થવાની અસર, ઈરાન યુદ્ધથી ભાવ હજુ પણ વધી શકે છે વાંચો સંપૂર્ણ સમાચાર 6.સ્પોર્ટ્સ : GT અને CSKની બે મેચના સ્થળો બદલાયા:26 એપ્રિલની મેચ ચેન્નઈમાં રમાશે, 21 મેની મેચ અમદાવાદમાં રમાશે વાંચો સંપૂર્ણ સમાચાર 7.ધર્મ તહેવાર જ્યોતિષ : સોનાના સિક્કા કરતાં સંબંધોની કિંમત વધુ:બે ભાઈઓના નિઃસ્વાર્થ ત્યાગની અદભૂત કથા, જે દૃષ્ટિકોણ બદલી નાખશે વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ BMWમાં આંખના પલકારે બદલાઈ જાય છે નંબર પ્લેટ હૈદરાબાદમાં એક ડોક્ટરે પોતાની BMW કારમાં બટન દબાવતા જ બદલાઈ જાય તેવી નંબર પ્લેટ લગાવી હતી. પોલીસ ચેકિંગ દરમિયાન તેણે નંબર બદલી નાખ્યો હતો, પરંતુ તે પકડાઈ ગયો. કારમાં તેલંગાણા અને દિલ્હીના બે અલગ-અલગ નંબર હતા. ડોક્ટર નશાની હાલતમાં હતો, જેના કારણે પોલીસે કાર જપ્ત કરી ગુનો નોંધ્યો છે. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. ભાસ્કર સિરીઝ : પોલીસની એક હાકલથી આસારામ હાથ જોડીને જમીન પર બેસી ગયા: પોટેન્સી ટેસ્ટમાં સાબિત થયું, 72ના આસારામ સેક્સ કરવા માટે પૂરેપૂરા સક્ષમ હતા 2. ભાસ્કર ઇન્વેસ્ટિગેશન : મત ભલે ન મળે, કરોડોનું દાન મળવું નક્કી: ઉમરેઠની ચૂંટણીમાં ભાજપ-કોંગ્રેસને પડકારનાર પાર્ટીને 923 કરોડનું દાન, દરેક ચૂંટણીમાં ડિપોઝિટ ડૂલ, જાણો BNJDની રાજકીય ‘કુંડળી’ 3. આજનું એક્સપ્લેનર: ઈરાને ઓઇલ ટેન્કરને નીકળવા દીધું, તો અમેરિકા રોકી લેશે, આખરે કેવી રીતે થશે હોર્મુઝની બેવડી નાકાબંધી; ભારત શું કરશે 4. Editor's View: એક કોડ અને ખેલ ખતમ: 1,800 કરોડનું સૌથી મોંઘું ડ્રોન રહસ્યમય રીતે ગુમ, અમેરિકાએ હોર્મુઝમાં નાકાબંધી શરૂ કરી, ઇરાને પણ આપી લાસ્ટ વોર્નિંગ 5. MATCH મસાલા : અર્શદીપની GF મિસ્ટ્રી ગર્લ કોણ?: ચહલના ‘CUTE’ મેસેજ ઉઘાડા પડી ગયા; મેચ પછી બેબોએ MIની ટીશર્ટ બદલી નાખી 6. પારકી પંચાત : 'ધક ધક કરને લગા' પર યુવા નેતાઓની મોજમજા: ચૂંટણી ટાણે જ MS યુનિવર્સિટીનો વીડિયો લીક થયો, સુરતમાં ખેસની ખેંચમખેંચ, ભાજપ-AAPના કાર્યકરોએ હદ કરી 7. મંડે મેગા સ્ટોરી : મુકુલ ચૌધરીને ક્રિકેટર બનાવવા પિતા જેલમાં ગયા: સૌથી ફાસ્ટ બોલ ફેંકનારા અશોક શર્મા ખેતી કરવા લાગ્યા હતા; IPLના 7 રાઇઝિંગ સ્ટાર્સના કિસ્સાઓ 🌍 કરંટ અફેર્સ ⏳ આજના દિવસનો ઈતિહાસ 📊​​​​​​​ માર્કેટની સ્થિતિ 🌦️ મોસમનો મિજાજ મંગળવારનું રાશિફળ: કન્યા અને કુંભ રાશિના જાતકોનો ભાગ્યોદય, કર્ક-તુલા રાશિના લોકોને પ્રોપર્ટીમાં લાભ થશે વાંચો સંપૂર્ણ રાશિફળ