Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    આધુનિકતાની દોડમાં વિસરાતું ઘેરૈયા નૃત્ય:બીલીમોરા સોમનાથ મહાદેવ મંદિર ટ્રસ્ટ દ્વારા 31 વર્ષથી કલાને જીવંત રાખવાનો પ્રયાસ

    6 hours ago

    આદિવાસી સમાજની પૌરાણિક કાળથી ચાલી આવતી અને ધાર્મિક માન્યતાઓ સાથે જોડાયેલી પારંપરિક ઘેરૈયા નૃત્ય પ્રણાલી આધુનિકતાના પ્રભાવ હેઠળ ધીમે ધીમે વિસરાઈ રહી છે. આવા સમયે આદિવાસી લોકસંસ્કૃતિની આ ધરોહરને જીવંત રાખવા નવસારી જિલ્લાના બીલીમોરા સ્થિત સોમનાથ મહાદેવ મંદિર ટ્રસ્ટ દ્વારા છેલ્લા 31 વર્ષથી સતત પ્રયાસો કરવામાં આવી રહ્યા છે. તાજેતરમાં મંદિર પરિસરમાં પરંપરાગત ઘેરૈયા નૃત્ય સ્પર્ધાનું આયોજન કરવામાં આવ્યું હતું. અર્ધનારેશ્વર સ્વરૂપ અને યુવાનોમાં ઘટતો રસ આદિવાસી સંસ્કૃતિમાં લોકગીતો, નૃત્યો અને લોકવાયકાઓનું આગવું મહત્વ છે. નવરાત્રીના પ્રારંભે મલ્લી માતાજીની આરાધના કરીને પૌરાણિક માન્યતા મુજબ ભગવાન પરશુરામના સમયથી પુરુષો અર્ધનારેશ્વરનું સ્વરૂપ ધારણ કરી ઘેરૈયા નૃત્ય રમતા આવ્યા છે. આ પરંપરામાં પુરુષો સાડીનો કાછડો બાંધી, ચોળી પહેરી, ચહેરા પર મેકઅપ કરી, માથે પાઘડી અને ગલગોટાના હાર ધારણ કરે છે તેમજ હાથમાં મોરપંખની ઝૂડી રાખી પરંપરાગત વાદ્યોના તાલે ગરબા રમે છે. જોકે, સમય જતાં આદિવાસી સમાજમાં શિક્ષણનું પ્રમાણ વધવાની સાથે યુવાનો શહેરી સંસ્કૃતિ તરફ આકર્ષાયા છે અને રૂઢિગત પરંપરા મુજબ ઘેરૈયા બનવાનું ટાળી રહ્યા છે. આ પરિસ્થિતિ વચ્ચે સોમનાથ મહાદેવ મંદિર ટ્રસ્ટ દ્વારા લાભ પાંચમ બાદ દક્ષિણ ગુજરાતના વિવિધ ગામડાંઓમાંથી ઘેરૈયા ટુકડીઓને આમંત્રિત કરી સ્પર્ધા યોજવામાં આવે છે. આ વખતે પણ 10 થી 15 વર્ષના કિશોરો અર્ધનારેશ્વરના વેશમાં ઢોલના તાલે ઘેર રમવા પહોંચ્યા હતા. જીવનચક્રના લોકગીતો અને સ્પર્ધાનું ચિત્ર ઘેરૈયા નૃત્ય સાથે જન્મના પારણાં, યુવાનીમાં ઘોડીએ ચઢાવવા સહિત લગ્ન અને અંતે મૃત્યુ સમયે તાર બાંધવા સુધીના લોકગીતો જોડાયેલા છે. જોડીમાં રમાતા આ નૃત્ય દરમિયાન કલાકારો માતાજીના ગરબા અને જીવનચક્રના લોકગીતો ગાઈને સમાજના દરેક વર્ગના ઘરે જઈ શુભેચ્છા પાઠવે છે. સાંસ્કૃતિક ધરોહર ટકાવી રાખવાની આશા પારંપરાગત ઘેરૈયા નૃત્ય લુપ્ત થવાના આરે હોવા છતાં, આદિવાસી સમાજના મૂળમાં નૃત્ય સંસ્કૃતિને જાળવી રાખવામાં સફળતા મળી હોવાનો સંતોષ વ્યક્ત કરવામાં આવ્યો હતો. આ લોકકલા આવનારી પેઢી સુધી પહોંચે અને સાંસ્કૃતિક ધરોહર તરીકે અકબંધ રહે તેવી આશા સેવાઈ રહી છે.
    Click here to Read More
    Previous Article
    ડેડીયાપાડા ખાતે જનજાતીય ગૌરવ દિવસની જિલ્લા કક્ષાની ઉજવણી:500 ખેડૂતોને જંગલ જમીનની સનદ, 626ની મહેસૂલી એન્ટ્રી કરાઈ, ઉમરપાડાના ખેડૂતોને માત્ર 15 સનદ મળતાં અસંતોષ; જિલ્લામાં હજુ 8 હજાર જેટલા દાવા પેન્ડિંગ
    Next Article
    સાંસદે આદિવાસી બાળકો માટે ભોજનની વ્યવસ્થા કરી:બિરસા મુંડાની જન્મજયંતી અને પત્નીની પુણ્યતિથિએ સુરેન્દ્રનગરમાં સેવાકીય કાર્યક્રમ યોજાયો

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment