Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ભાસ્કર એક્સક્લૂસિવ:ધોરડો એરપોર્ટ: મોટા વિમાન પણ ઉતરે તેવો મોટા રણમાં 3000 મીટરનો રનવે બનાવાશે

    14 hours ago

    કચ્છના સફેદ રણમાં રણોત્સવ માટે દેશ-વિદેશના સહેલાણીઓને આકર્ષતા ધોરડો ખાતે ગ્રીનફિલ્ડ એરપોર્ટ બનાવવાની સૈદ્ધાંતિક જાહેરાત અગાઉ થઈ ચૂકી હતી. પરંતુ પ્રોજેક્ટ હવે માત્ર જાહેરાત પૂરતો સીમિત ન રહેતાં સત્તાવાર રીતે વહીવટી અને ઓન-ગ્રાઉન્ડ તબક્કામાં આગળ વધ્યો છે. નાગરિક ઉડ્ડયન નિયામકની કચેરી (GUJSAIL) પાસેથી આરટીઆઈ હેઠળ પ્રાપ્ત એક્સક્લુઝિવ દસ્તાવેજો દર્શાવે છે કે એરપોર્ટનો વિગતવાર પ્રી-ફિઝિબિલિટી સ્ટડી રિપોર્ટ તૈયાર થઈ ગયો છે અને સ્થળને ઓપરેશનલ દ્રષ્ટિએ અનુકૂળ જાહેર કરાયું છે. આરટીઆઈ અનુસાર, ભુજ તાલુકાના મોટા રણ વિસ્તારમાં રાજ્ય સરકારે એરપોર્ટ માટે 500 હેક્ટર જમીન ચિહ્નિત કરી છે. આ જમીન સિવિલ એવિએશન ડિપાર્ટમેન્ટના નામે તબદીલ કરવા માટે કચ્છ-ભુજ કલેક્ટર સમક્ષ સત્તાવાર દરખાસ્ત મૂકી દેવાઈ છે. એટલું જ નહીં, ગત 19/08/2026ના રોજ પસંદ કરાયેલી જમીનની માપણી પણ પૂર્ણ કરી લેવામાં આવી છે. કન્સલ્ટન્ટ એજન્સી એરો સર્વે પ્રા. લિ.ના રિપોર્ટ મુજબ, સરકારે રણમાં કુલ 1920.10 એકર (આશરે 777 હેક્ટર)નું મોટું લેન્ડ પાર્સલ ઓળખ્યું હતું. તેમાંથી એરપોર્ટ ફેસિલિટી માટે 742.15 એકર અને એપ્રોચ રોડ માટે 9.75 એકર મળીને કુલ 751.90 એકર જમીનની ચોખ્ખી જરૂરિયાત આંકવામાં આવી છે (ફેઝ-2 માં એપ્રોચ લાઈટ્સ માટે વધારાની 4.15 એકર જમીન જોઈશે. કન્સલ્ટન્ટ એજન્સીના એવિએશન એક્સપર્ટ્સના મતે, આ એરપોર્ટ કોડ 4સી કક્ષાના એરબસ એ-320 નીયો પ્રકારના પેસેન્જર વિમાનો માટે ડિઝાઈન કરાશે. સાઈટના મહત્તમ તાપમાન 39°સી અને સમુદ્ર સપાટીથી 5 થી 8 મીટરની ઊંચાઈ ને આધારે એ-320 નીયો માટે ટેકનિકલી 2750 મીટર રનવે જરૂરી બને છે, જેથી સૂચિત 3,000 મીટર લાંબો અને 45 મીટર પહોળો રનવે સંપૂર્ણપણે પર્યાપ્ત રહેશે.ભુજ વેધશાળાના 1971 થી 2000 ના ત્રણ દાયકાના વિન્ડરોઝ ડેટા મુજબ વિસ્તારમાં મોટાભાગે પશ્ચિમ-દક્ષિણ-પશ્ચિમ તરફથી પવન ફૂંકાય છે. તેથી પવનના પ્રવાહ અને જમીનના લંબચોરસ આકાર (5 કિમી લંબાઈ x 1.55 કિમી પહોળાઈ) ને સુસંગત રાખીને રનવેની દિશા 04/22 (ઈશાનથી નૈઋત્ય) નક્કી કરાઈ છે. પ્રથમ તબક્કામાં ડે-ટાઈમ વીએફઆર (દ્રશ્યમાન ઉડાન) અને બીજા તબક્કામાં બંને છેડે આઈએલએસ (ઈન્સ્ટ્રુમેન્ટ લેન્ડિંગ સિસ્ટમ) સજ્જ આઈએફઆર સુવિધા ઉપલબ્ધ કરાવાશે. એરપોર્ટ માટે સંરક્ષણ, વાયુસેના, ગૃહ મંત્રાલયની એનઓસી અને એરસ્પેસની પણ મંજૂરી જરૂરી ધોળાવીરા એરપોર્ટ પ્રોજેક્ટ ‘હોલ્ડ’ પર મૂકાયો ગુજસેલ પાસેથી પ્રાપ્ત થયેલા RTI પત્રમાં ચોંકાવનારો ઘટસ્ફોટ થયો છે કે સરકારે ધોળાવીરા એરપોર્ટની દરખાસ્ત હાલ પૂરતી સ્થગિત કરી દીધી છે. 28/02/1986 ના જાહેરનામા મુજબ ખડીર વિસ્તારના ધોળાવીરા, ખારોડા, કલ્યાણપર, જનાન, બાપુવારી જેવા ગામો કચ્છ ડેઝર્ટ વાઇલ્ડલાઇફ સેન્ચ્યુરી હેઠળ ઘોષિત થયેલા છે. અભયારણ્ય વિસ્તાર હોવાના કારણે એરપોર્ટ બાંધકામ કે વિકાસ માટે યોગ્ય જમીન મળી શકી નથી. ધોળાવીરા અને ધોરડો વચ્ચેનું રોડ માર્ગે અંતર આશરે 88 કિમી છે. હાલ ધોરડો ખાતે ગ્રીનફિલ્ડ એરપોર્ટની કામગીરી અને પ્રક્રિયા પુરજોશમાં ચાલી રહી હોવાથી, ધોળાવીરા એરપોર્ટની દરખાસ્ત હાલ પૂરતી મોકૂફ રાખવાનો નિર્ણય લીધો છે.
    Click here to Read More
    Previous Article
    અમદાવાદના રેલવે સ્ટેશનો પર મુસાફરોની કફોડી હાલત:વટવા સ્ટેશને મુસાફરો જમીન પર બેસવા મજબૂર, કાલુપુરમાં એસ્કેલેટરમાં વૃદ્ધો અટવાયા; મણિનગર ઓવરબ્રિજ પર 4 મહિનાથી લાઈટો બંધ
    Next Article
    સાધુ પ્રેમવત્સલદાસજીનો નવા વર્ષનો સંદેશ:સદવિચાર, કુટુંબમાં સંપ અને પ્રભુ પર શ્રદ્ઘા સાથે નવા વર્ષની શરુઆત કરીએ

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment