Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    પેટ્રોલ-ડીઝલ ડીલર્સે કમિશનમાં 30-40% વધારો કરવાની માગ કરી:LPG ડીલર્સે પ્રતિ સિલિન્ડર ₹122 વધારાની માગ કરી

    6 hours ago

    દેશભરના પેટ્રોલ-ડીઝલ પંપ માલિકો અને રસોઈ ગેસ (LPG) ડીલર્સે પોતાનું કમિશન વધારવાની માગ તેજ કરી છે. સંચાલન ખર્ચ (Operating Costs) વધ્યો હોવાનું જણાવીને આ ડીલર્સે પેટ્રોલિયમ મંત્રાલય (Oil Ministry) સમક્ષ પોતાની વાત રજૂ કરી છે. સૂત્રોના જણાવ્યા અનુસાર, પેટ્રોલ અને ડીઝલ પંપ સંચાલકોએ કમિશનમાં 30%થી 40% સુધીનો વધારો માગ્યો છે. બીજી તરફ, LPG ગેસ એજન્સી સંચાલકોએ પણ પોતાના માર્જિનમાં મોટા વધારાનો પ્રસ્તાવ મૂક્યો છે. ગેસ ડીલર્સ ઈચ્છે છે કે પ્રતિ સિલિન્ડર મળતું કમિશન હાલના ₹75થી વધારીને ઓછામાં ઓછું ₹122 કરવામાં આવે અને તેમાં ₹122નો વધારો કરવામાં આવે (અર્થાત્ કુલ આશરે ₹197 પ્રતિ સિલિન્ડર). પેટ્રોલ પર ₹1.50 અને ડીઝલ પર ₹2.50 પ્રતિ લિટર વધારાનો પ્રસ્તાવ મીડિયા અહેવાલ મુજબ, સૂત્રોએ જણાવ્યું કે પંપ સંચાલકોએ ઈંધણ પ્રમાણે અલગ-અલગ વધારાની માગ કરી છે: પેટ્રોલ: ડીલર્સે પ્રતિ લિટર કમિશનમાં ₹1.50નો વધારો કરવાની માગ કરી છે. ડીઝલ: ડીઝલના વેચાણ પરનું કમિશન વધારીને ₹2.50 પ્રતિ લિટર કરવાની માગ કરવામાં આવી છે. LPG સિલિન્ડર: ગેસ ડીલર્સને હાલમાં એક સિલિન્ડરની ડિલિવરી અને સંચાલન પર ₹75 કમિશન મળે છે, જેમાં તેમણે ઓછામાં ઓછો ₹122 પ્રતિ સિલિન્ડરનો વધારો માગ્યો છે. ડીલર્સની દલીલ: પંપ અને એજન્સી ચલાવવાનો ખર્ચ સતત વધી રહ્યો છે પેટ્રોલ પંપ માલિકો અને ગેસ ડીલર્સનું કહેવું છે કે છેલ્લા કેટલાક વર્ષોમાં પંપ અને ગોડાઉન ચલાવવાનો ખર્ચ ઘણો વધી ગયો છે. કર્મચારીઓના પગાર, વીજળીના બિલ, બેંક ચાર્જ, જાળવણી અને અન્ય વહીવટી ખર્ચમાં સતત વધારો થયો છે, જ્યારે તેમનું કમિશન તે પ્રમાણમાં વધ્યું નથી. ઓછા માર્જિનને કારણે ઘણા નાના અને ગ્રામ્ય વિસ્તારોના પંપ સંચાલકો માટે ખર્ચ કાઢવો મુશ્કેલ બની રહ્યો છે. પૃષ્ઠભૂમિ: 2024માં થયો હતો છેલ્લો ફેરફાર, 18થી વધુ દરખાસ્તો પેન્ડિંગ પેટ્રોલ અને ડીઝલ ડીલર્સના કમિશનમાં છેલ્લે વર્ષ 2024માં સુધારો કરવામાં આવ્યો હતો. ડીલર્સનું માનવું છે કે બે વર્ષ બાદ વર્તમાન મોંઘવારી અને ખર્ચને ધ્યાનમાં રાખીને તેમાં ફરીથી ફેરફાર કરવાની તાતી જરૂર છે. સૂત્રોએ એ પણ માહિતી આપી છે કે દેશની ત્રણેય સરકારી તેલ વિપણન કંપનીઓ (OMCs)- ઇન્ડિયન ઑઇલ કોર્પોરેશન (IOCL), ભારત પેટ્રોલિયમ (BPCL) અને હિન્દુસ્તાન પેટ્રોલિયમ (HPCL) પાસે કમિશન સુધારા સાથે સંબંધિત 18થી વધુ પ્રસ્તાવો પહેલેથી જ પેન્ડિંગ છે. આગળ શું: શું સામાન્ય માણસના ખિસ્સા પર પડશે અસર? હવે આ સમગ્ર મામલે પેટ્રોલિયમ મંત્રાલય અને સરકારી તેલ કંપનીઓએ નિર્ણય લેવાનો છે. જો સરકાર અને તેલ કંપનીઓ ડીલર્સની આ માગણીઓ સ્વીકારી લે છે, તો તેના બે રસ્તા હોઈ શકે છે- કાં તો તેલ કંપનીઓ પોતાના નફામાંથી આ વધેલા કમિશનનો બોજ ઉઠાવે, અથવા પછી તેને પેટ્રોલ-ડીઝલ અને રાંધણ ગેસના છૂટક ભાવોમાં ઉમેરવામાં આવે. બીજા વિકલ્પની સ્થિતિમાં સામાન્ય ગ્રાહકો માટે ઈંધણ અને ગેસ સિલિન્ડર મોંઘા થઈ શકે છે.
    Click here to Read More
    Previous Article
    ધોની IPLમાંથી રિટાયર્ડ, CSKના મેન્ટર બન્યા:2 ટીમ માટે 18 વર્ષ રમ્યા; 5 IPL અને 2 ચેમ્પિયન્સ લીગ ટાઇટલ જીતાડ્યા
    Next Article
    હલેન્ડા ગામે વૃદ્ધ દંપતીનું મોત:ખેતરમાં રોજિંદુ કામ કરતા સમયે વાડી પરથી પસાર થતો વીજવાયર તૂટીને માથે પડ્યો'તો, નજીકમાં કામ કરતા પુત્ર અને પુત્રવધૂ બચાવવા જતા ઈજાગ્રસ્ત થયા

    Related બીઝનેસ Updates:

    Are you sure? You want to delete this comment..! Remove Cancel

    Comments (0)

      Leave a comment