Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ધોની IPLમાંથી રિટાયર્ડ, CSKના મેન્ટર બન્યા:2 ટીમ માટે 18 વર્ષ રમ્યા; 5 IPL અને 2 ચેમ્પિયન્સ લીગ ટાઇટલ જીતાડ્યા

    8 hours ago

    ચેન્નઈ સુપર કિંગ્સ (CSK)એ એમ.એસ. ધોનીને ટીમના મેન્ટર બનાવ્યા છે. ફ્રેન્ચાઇઝીએ મંગળવારે રટેન્શન લિસ્ટ બહાર પાડતા પહેલા આની જાહેરાત કરી. ધોની હવે IPLમાં ખેલાડી તરીકે નહીં રમે. તેઓ IPL 2027થી નવી ભૂમિકામાં ટીમ સાથે જોડાશે. ધોનીની કેપ્ટનશીપમાં CSKએ 5 IPL અને 2 ચેમ્પિયન્સ લીગ ટાઇટલ જીત્યા છે. CSKના માલિક એન. શ્રીનિવાસને કહ્યું, 'ધોની વગર CSKની કલ્પના કરી શકાતી નથી. આ લગભગ 20 વર્ષનો સાથ છે. 2008માં મેં જ તેમને ટીમમાં સામેલ કરવાની વાત કહી હતી. આ મારો સૌથી સારો નિર્ણય હતો. ધોની હંમેશાં CSKની ઓળખ રહેશે અને આ ટીમ તેમનું ઘર રહેશે.' ધોનીએ CSKને 5 IPL અને 2 ચેમ્પિયન્સ લીગ ટાઇટલ જીતાડ્યા ધોનીની આગેવાનીમાં ચેન્નઈ સુપર કિંગ્સે 5 IPL ટાઇટલ જીત્યા છે. આ મામલે CSK સૌથી વધુ ટ્રોફી જીતનારી મુંબઈ ઈન્ડિયન્સની બરાબર છે. ધોનીએ ટીમને 2 ચેમ્પિયન્સ લીગ T20 ખિતાબ પણ જીતાડ્યા. આ ટુર્નામેન્ટમાં કોઈપણ કેપ્ટનના નામે આટલા ટાઇટલ નથી. ધોની CSK માટે સૌથી વધુ મેચ રમનારા ખેલાડી છે. તેમણે ટીમ માટે 272 મેચ રમી અને 5,314 રન બનાવ્યા. તેઓ ટીમના બીજા સૌથી વધુ રન બનાવનાર બેટર છે. છેલ્લા બોલે મેચ જીતાડનારા તેમના શૉટ્સ અને હેલિકોપ્ટર શૉટ આજે પણ IPLની યાદગાર કહાનીઓનો હિસ્સો છે. CSKએ કહ્યું- ધોની જેવો ખેલાડી જિંદગીમાં એક જ વાર આવે છે CSKના માલિક રૂપા ગુરુનાથે કહ્યું, 'ધોની જેવો ખેલાડી જિંદગીમાં એક જ વાર આવે છે. તેઓ શરૂઆતથી ટીમ સાથે છે અને તેમણે તેની પાયો મજબૂત કર્યો છે. તેમની કેપ્ટનશીપ, સાદગી અને અનુભવ ટીમ માટે હંમેશાં ખાસ રહેશે. મેન્ટર તરીકે તેઓ યુવા ખેલાડીઓને આગળ વધવામાં મદદ કરશે.' ધોનીએ CSKને 5 IPL ટ્રોફી જીતાડી ધોની છેલ્લા કેટલાક સીઝનથી ફિટનેસ સંબંધિત સમસ્યાઓથી ઝઝૂમી રહ્યા છે. ધોનીએ CSKને પાંચ (2010, 2011, 2018, 2021 અને 2023) IPL ટાઇટલ જીતાડ્યા છે. તેણે 2024 સીઝન પહેલા કેપ્ટનશીપ છોડી દીધી હતી. ધોનીએ 278 IPL મેચ રમી IPLમાં સૌથી વધુ મેચ રમનારાઓમાં મહેન્દ્ર સિંહ ધોની ત્રીજા નંબર પર છે. તે અત્યાર સુધી 278 મેચ રમી ચૂક્યા છે. ચેન્નઈ સુપર કિંગ્સને પાંચ વખત ટાઇટલ જીતાડ્યા છે. 38.30ની સરેરાશથી 5439 રન બનાવ્યા છે. આ દરમિયાન ધોનીએ 24 ફિફ્ટી પણ ફટકારી છે. તેણે વિકેટકીપિંગમાં 47 સ્ટમ્પિંગ અને 154 કેચ પણ ઝડપ્યા છે. IPLમાં 100 મેચ જીતનાર એકમાત્ર કેપ્ટન ધોની IPLમાં 100 મેચ જીતનાર એકમાત્ર કેપ્ટન છે. તેણે IPLમાં સૌથી વધુ 235 મેચમાં કેપ્ટનશીપ કરી છે. આ યાદીમાં બીજા નંબર પર રોહિત શર્મા છે. તેણે 158 મેચમાં કેપ્ટનશીપ કરી છે. ધોનીએ પોતાની કેપ્ટનશીપમાં CSKને 2023માં છેલ્લી વાર ચેમ્પિયન બનાવ્યો હતો. ધોની પોતાની કેપ્ટનશીપમાં ટીમને 136 મેચમાં જીત અપાવી ચૂક્યો છે, જ્યારે 97 મેચમાં ટીમને હાર મળી. આ સમાચારને સતત અપડેટ કરી રહ્યા છીએ…
    Click here to Read More
    Previous Article
    Inside Deutsche Bank: Secrets, scandals and double standards of global financial giant exposed by leak
    Next Article
    પેટ્રોલ-ડીઝલ ડીલર્સે કમિશનમાં 30-40% વધારો કરવાની માગ કરી:LPG ડીલર્સે પ્રતિ સિલિન્ડર ₹122 વધારાની માગ કરી

    Related સપોર્ટ Updates:

    Are you sure? You want to delete this comment..! Remove Cancel

    Comments (0)

      Leave a comment