Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    અડતાળામાં પાણીની રજૂઆત બાદ મારામારી અને ફાયરિંગનો મામલો:પોલીસે 3 આરોપીની ધરપકડ કરી;2 આરોપીઓનું રિકન્સ્ટ્રક્શન કરાયું; પંચનામું કરી માફી મંગાવાઈ; જીતુવાળા ફરાર

    1 day ago

    અમરેલી જિલ્લાના લાઠી તાલુકાના અડતાળા ગામમાં પાણીની રજૂઆત કરવા ગયેલા યુવાન સાથે બોલાચાલી બાદ મારામારી અને ફાયરિંગનો પ્રયાસ થયો હતો. આ મામલે લાઠી પોલીસે ઉપસરપંચ જીતુ વાળા સહિત 5 શખ્સો સામે ફરિયાદ નોંધીને 3 આરોપીઓની ધરપકડ કરી છે. આજે પોલીસે 2 આરોપીઓને ગામમાં લઈ જઈ રિકન્સ્ટ્રક્શન પંચનામું કરીને માફી મંગાવી હતી, જ્યારે ફરાર મુખ્ય આરોપીની શોધખોળ ચાલી રહી છે. ઘરે પાણી ન આવતા રજૂઆત કરવા જતા ધોકાથી હુમલો કરાયો અડતાળા ગામના અંકિત સાવકિયાએ લાઠી પોલીસ સ્ટેશનમાં ફરિયાદ નોંધાવી હતી કે તેમના ઘરે પાણી ન આવતા તેઓ જીતુ વાળાને રજૂઆત કરવા ગયા હતા. આ દરમિયાન અગાસી પરથી ગાળો આપતા ફરિયાદીએ ના પાડી હતી, જેથી જીતુ વાળા નીચે આવીને ધોકો અને રિવોલ્વર લાવ્યા હતા. ઘટના સમયે આશિષ અને તુષાર વીડિયો ઉતારતા હોવાથી તેમને રોકવાનો પ્રયાસ કરી ધોકાથી હુમલો કરાયો હતો તેમજ રિવોલ્વરથી ફાયરિંગ કરવાનો પ્રયાસ થયો હતો, જેનો વીડિયો સોશિયલ મીડિયા પર વાયરલ થયો હતો. ઉપસરપંચ જીતુ વાળા સહિત 5 આરોપીઓ સામે પોલીસ ફરિયાદ લાઠી પોલીસ સ્ટેશનમાં નોંધાયેલી ફરિયાદમાં અડતાળા ગામના રહેવાસી જીતુ વાળા, દિલીપ વાળા, નિલેશ વાળા, રઘુ વાળા અને મહેશ વાળાનાં નામ દર્શાવવામાં આવ્યાં છે. મુખ્ય આરોપી જીતુ વાળા અડતાળા ગામના ઉપસરપંચ અને કોંગ્રેસના આગેવાન છે. પોલીસે આ ગુનામાં 3 આરોપીઓની ધરપકડ કરી છે, જ્યારે ફરાર જીતુ વાળાને ઝડપી પાડવા માટે અલગ-અલગ ટીમો બનાવીને તપાસ હાથ ધરી છે. ગામમાં 2 આરોપીઓનું પંચનામું કરી ઉઠક-બેઠક કરાવાઈ પોલીસે આજે અડતાળા ગામમાં 2 આરોપીઓને સાથે રાખીને ઘટનાસ્થળનું રિકન્સ્ટ્રક્શન પંચનામું કર્યું હતું, જે દરમિયાન બંને આરોપીઓ પાસે માફી મંગાવીને ઉઠક-બેઠક કરાવવામાં આવી હતી. આ કાર્યવાહી વખતે લોકલ ક્રાઇમ બ્રાન્ચ, સ્પેશિયલ ઓપરેશન બ્રાન્ચ અને લાઠી પોલીસની ટીમોએ ચુસ્ત બંદોબસ્ત ગોઠવ્યો હતો અને પોલીસે 'કાયદામાં રહેશો તો ફાયદામાં રહેશો' તેવો સંદેશ આપ્યો હતો.
    Click here to Read More
    Previous Article
    જસદણમાં મકાન-મિલકતના ઝઘડામાં દંપતીની હત્યા:કૌટુંબિક ભાઈ ધોકો લઈને સગર્ભા અને ભાઈ પર તૂટી પડ્યો, બચાવવા વચ્ચે પડેલા અન્ય 2 સભ્યો ઈજાગ્રસ્ત, આરોપીને પોલીસે દબોચ્યો
    Next Article
    ગોધરા નજીક 14 ફૂટનો અજગર મળ્યો:વન વિભાગ અને વોઈસ ઓફ નેચર ફાઉન્ડેશનની ટીમે રેસ્ક્યૂ કરી જંગલમાં છોડ્યો

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment