Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    2035 સુધીમાં ઇસ્લામ વિશ્વનો સૌથી મોટો ધર્મ બની જશે:દુનિયાની વસતિમાં મુસ્લિમોની સંખ્યા ઝડપથી વધશે,હિન્દુઓની હિસ્સેદારી ઘટશે

    1 day ago

    વૈશ્વિક સ્તરે ધાર્મિક વસતિમાં થઈ રહેલા ફેરફારોને લઈને અમેરિકાના પ્યૂ રિસર્ચ સેન્ટરનો એક નવો રિપોર્ટ સામે આવ્યો છે. રિપોર્ટ મુજબ, વર્ષ 2010માં દુનિયાની કુલ વસતિ આશરે 6.9 અબજ હતી, જે 2050 સુધીમાં વધીને 9.3 અબજ સુધી પહોંચી શકે છે. આ જ દરમિયાન મુસ્લિમ વસતિમાં સૌથી ઝડપી વૃદ્ધિ થવાનું અનુમાન છે. રિપોર્ટ મુજબ, 2010ની સરખામણીમાં 2050 સુધીમાં મુસ્લિમ વસતિ આશરે 73 ટકા વધી શકે છે. એટલે કે 2010માં દુનિયામાં મુસ્લિમોની વસતિ આશરે 1.6 અબજ હતી, જે 2050 સુધીમાં વધીને લગભગ 2.76 અબજ થઈ જશે. જ્યારે, 2020 થી 2050ની વચ્ચે ભારતમાં હિન્દુઓની વસતિ 17.6 કરોડ વધી જશે. જોકે, દેશની કુલ વસતિમાં હિન્દુઓનું પ્રમાણ ઘટવાનું અનુમાન છે. તેનું કારણ મુસ્લિમોનો વધુ પ્રજનન દર છે. જોકે, આમ છતાં 2070 સુધી હિન્દુઓ ભારતની કુલ વસતિના ત્રણ-ચતુર્થાંશ કરતાં વધુ જળવાઈ રહેશે. મુસ્લિમ મહિલાઓના સરેરાશ બાળકોની સંખ્યા વધુ પ્યૂ રિસર્ચ સેન્ટર મુજબ, છેલ્લા કેટલાક દાયકાઓમાં ભારતના કુલ પ્રજનન દરમાં ઝડપથી ઘટાડો આવ્યો છે. આમ છતાં મુસ્લિમ મહિલાઓના સરેરાશ બાળકોની સંખ્યા હિન્દુ મહિલાઓ કરતાં વધુ છે. વધુમાં, ભારતમાં મુસ્લિમ વસતિ પ્રમાણમાં યુવાન છે. આ બંને કારણોસર આવનારા દાયકાઓમાં દેશની વસતિમાં મુસ્લિમોનું પ્રમાણ વધવાનું અને હિન્દુઓનો હિસ્સો થોડો ઘટવાનો અંદાજ છે. દુનિયાનો સૌથી મોટો ધર્મ બની જશે ઈસ્લામ પ્યૂ રિપોર્ટમાં એવું પણ અનુમાન લગાવવામાં આવ્યું છે કે, 2035 સુધીમાં ઈસ્લામ દુનિયાનો સૌથી મોટો ધર્મ બની શકે છે. હાલમાં દુનિયામાં 2.27 અબજ ખ્રિસ્તી અને 2.02 અબજ મુસ્લિમ છે. અનુમાન છે કે, 2035 સુધીમાં મુસ્લિમ વસતિ વધીને 2.57 અબજ અને ખ્રિસ્તી વસતિ 2.52 અબજ થઈ જશે. રિપોર્ટ અનુસાર, મુસ્લિમ મહિલાઓનો પ્રજનન દર સૌથી વધુ છે. 2020થી 2025ની વચ્ચે મુસ્લિમ મહિલાઓમાં પ્રતિ મહિલા સરેરાશ 3.1 બાળકો જન્મ્યા, જ્યારે ખ્રિસ્તી મહિલાઓમાં આ આંકડો 2.5 અને અન્ય ધર્મોમાં 1.6 રહ્યો. Pewના અનુમાન મુજબ, 2070 સુધીમાં દુનિયામાં મુસ્લિમોની વસતિ 3.6 અબજથી વધુ થઈ શકે છે. જ્યારે, ખ્રિસ્તીઓની સંખ્યા 3 અબજથી ઓછી રહેવાનું અનુમાન છે. અમેરિકામાં બમણી થઈ શકે છે હિન્દુ વસતિ અમેરિકામાં પણ હિન્દુઓની વસતિ બમણા કરતાં વધુ થવાનું અનુમાન છે. 2020માં અહીં આશરે 40 લાખ હિન્દુ હતા, જેમની સંખ્યા 2070 સુધીમાં વધીને 90 લાખ થઈ શકે છે. પ્રદેશની કુલ વસતિમાં હિન્દુઓનો હિસ્સો 1 ટકાથી વધીને 2 ટકા થવાનો અંદાજ છે. જ્યારે, આફ્રિકા અને લેટિન અમેરિકા તથા કેરેબિયન એવા ક્ષેત્રો હશે, જ્યાં હિન્દુઓની કુલ સંખ્યામાં ઘટાડો આવવાની શક્યતા છે. પાકિસ્તાનમાં હશે સૌથી વધુ મુસ્લિમો પ્યૂનું અનુમાન છે કે, વર્તમાન વલણ ચાલુ રહેવા પર 2070 સુધીમાં પાકિસ્તાન વિશ્વમાં સૌથી વધુ મુસ્લિમ વસતિ ધરાવતો દેશ બની જશે. ત્યારબાદ ભારત, નાઈજીરિયા અને ઈન્ડોનેશિયાનું સ્થાન હશે. હાલમાં ઈન્ડોનેશિયામાં વિશ્વના સૌથી વધુ મુસ્લિમો રહે છે. વિશ્વમાં ઝડપથી વધી રહ્યા છે નાસ્તિક અને ધર્મને ન માનનારા લોકો Pew રિસર્ચ સેન્ટર મુજબ, વિશ્વના ઘણા દેશોમાં એવા લોકોની સંખ્યા સતત વધી રહી છે, જેઓ પોતાને નાસ્તિક, અજ્ઞેયવાદી અથવા કોઈ પણ ધર્મ સાથે જોડાયેલા માનતા નથી. આવા લોકોને 'નન્સ' (Nones) કહેવામાં આવે છે. રિપોર્ટ અનુસાર, ચીનને બાદ કરતાં બાકીના વિશ્વમાં આવા લોકોની સંખ્યા 2070 સુધીમાં 18 કરોડથી વધુ વધી શકે છે. ચીનમાં પહેલેથી જ આવા લોકોની મોટી વસતિ છે, પરંતુ ત્યાં કુલ જનસંખ્યામાં ઘટાડાનું અનુમાન છે. Pew મુજબ, ચેક ગણરાજ્ય, જાપાન, નેધરલેન્ડ્સ, ન્યૂઝીલેન્ડ, ઉરુગ્વે અને વિયેતનામ સહિત 10 દેશોમાં આવા લોકો પહેલેથી જ બહુમતીમાં છે. અનુમાન છે કે, 2070 સુધીમાં દક્ષિણ કોરિયા, ફ્રાન્સ અને બ્રિટન પણ આ યાદીમાં સામેલ થઈ જશે. ------------- આ સમાચાર પણ વાંચો... પાકિસ્તાનમાં માત્ર 1.7% હિંદુઓ બચ્યા: બ્રિટિશ સંગઠનનો અહેવાલ- આઝાદી પહેલાં 14.6% હતા; હિંસા-ધર્મ પરિવર્તન કારણ પાકિસ્તાનમાં હિન્દુઓની વસતિ હવે માત્ર 1.7% રહી ગઈ છે. બ્રિટિશ હિન્દુ સંગઠન ઇનસાઇટ યુકેના એક અહેવાલમાં આ માહિતી આપવામાં આવી છે. 1941માં આજના પાકિસ્તાનમાં હિન્દુઓની વસતિ 14.6% હતી. સંપૂર્ણ સમાચાર વાંચો…
    Click here to Read More
    Previous Article
    સેન્સેક્સમાં 150 પોઈન્ટનો ઘટાડો:81,900 પર કારોબાર કરી રહ્યો છે, નિફ્ટી પણ 50 પોઈન્ટ ગગડ્યો; મેટલ અને IT શેરોમાં વધુ વેચવાલી
    Next Article
    હાઈવે પરની હોટેલ-ઢાબામાં આજથી ફૂડ વિભાગનું ચેકિંગ:ગંદકી કે ભેળસેળ મળી તો લાઇસન્સ રદ થશે, શંકાસ્પદ ખાદ્યપદાર્થોના સ્થળ પર જ સેમ્પલ લેવાશે

    Related National Updates:

    Are you sure? You want to delete this comment..! Remove Cancel

    Comments (0)

      Leave a comment