Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    વડનગરમાં ઐતિહાસિક 'તાના-રીરી મહોત્સવ-2026'નો ભવ્ય પ્રારંભ:કુમારી સૂર્યા ગાયત્રીના સુમધુર શાસ્ત્રીય ગાયનથી શ્રોતાઓને મંત્રમુગ્ધ કર્યાં, હાર્દિક દવેએ લોકગીતોની રમઝટ બોલાવી

    7 hours ago

    ઐતિહાસિક નગરી વડનગરની પવિત્ર ભૂમિ પર ભારતીય સંસ્કૃતિના 2000 વર્ષ જૂના ભવ્ય વારસાને ઉજાગર કરતા બે દિવસીય ‘તાના-રીરી મહોત્સવ-2026’નો ગત રોજ ઊર્જા અને પેટ્રોકેમિકલ્સ મંત્રી ઋષિકેશ પટેલના હસ્તે ભવ્ય શુભારંભ કરાયો હતો. કુમારી સૂર્યા ગાયત્રીના સુમધુર શાસ્ત્રીય ગાયનથી શ્રોતાઓ મંત્રમુગ્ધ થયા હતા. બીજી તરફ હાર્દિક દવેએ લોકગીતોની રમઝટ બોલાવી વડનગરને સંગીતમય બનાવી દીધું હતું. ગુજરાત રાજ્ય સંગીત નાટક અકાદમી, ગાંધીનગર અને મહેસાણા જિલ્લા વહીવટી તંત્રના સંયુક્ત ઉપક્રમે આયોજિત આ મહોત્સવ વડાપ્રધાન નરેન્દ્ર મોદીના ‘વિકાસ સાથે વિરાસત’ના સંકલ્પને ચરિતાર્થ કરી રહ્યો છે, જેના થકી સંગીત જગતના કલાકારોને પ્રોત્સાહન મળવાની સાથે વડનગરના સાંસ્કૃતિક મહત્વને વૈશ્વિક સ્તરે નવી ઓળખ મળી રહી છે. તાના-રીરી મહોત્સવ એ સંગીતની અનન્ય આરાધના છે: મંત્રી ઋષિકેશ પટેલ આ પ્રસંગે સંબોધન કરતા ઊર્જા મંત્રી ઋષિકેશ પટેલે જણાવ્યું કે, તાના-રીરી મહોત્સવ એ કોઈ સામાન્ય મહેફિલ નથી, પરંતુ તે સંગીતની અનન્ય આરાધના છે. ભારતીય શાસ્ત્રીય સંગીતમાં એવી અદભુત તાકાત છે જે મનુષ્યના આત્માને ઝંઝોડીને તેને આત્મનાદથી બ્રહ્મનાદ સુધી પહોંચાડે છે. તેમણે મહાન વૈજ્ઞાનિક જગદીશચંદ્ર બોઝનો ઉલ્લેખ કરતા કહ્યું કે, વિજ્ઞાને પણ સાબિત કર્યું છે કે વનસ્પતિ અને વૃક્ષોમાં પણ જીવ હોય છે અને સંગીત દ્વારા તેની પ્રતીતિ કરાવી શકાય છે. આ મહોત્સવ વડાપ્રધાન નરેન્દ્ર મોદીની દીર્ઘદ્રષ્ટિનું પરિણામ છે, જેમણે કલાકારોને ઉચિત મંચ અને સન્માન આપવાની નવી દિશા કંડારી છે. ‘વડનગર માટે આ મહોત્સવ સંગીત જગતની એક અનોખી ભેટ’ મંત્રીએ તાના અને રીરીના ઐતિહાસિક બલિદાનને યાદ કરતા કહ્યું હતું કે, ભક્ત કવિ નરસિંહ મહેતાની દોહિત્રી શર્મિષ્ઠાની આ બંને પુત્રીઓ સંસ્કાર, સ્વાભિમાન અને સમર્પણની અજોડ પ્રતિમા હતી. સંગીત સમ્રાટ તાનસેનના દીપક રાગથી ઉત્પન્ન થયેલા અસહ્ય દાહને શાંત કરવા માટે તેમણે મલ્હાર રાગ છેડ્યો હતો. કલાની મર્યાદા અને પવિત્રતા જાળવવા માટે તેમણે આપેલું આત્મબલિદાન આજે પણ સંગીત પ્રેમીઓ માટે પ્રેરણા સ્ત્રોત છે. બુદ્ધકાળ અને સોલંકી યુગના વૈભવને સાચવીને બેઠેલા વડનગર માટે આ મહોત્સવ સંગીત જગતની એક અનોખી ભેટ છે. શાસ્ત્રીય સંગીતના મૂર્ધન્ય કલાકારોની પ્રસ્તુતિએ શ્રોતાઓને મંત્રમુગ્ધ કર્યાં મહોત્સવના પ્રથમ દિવસે શાસ્ત્રીય સંગીતના મૂર્ધન્ય કલાકારોની પ્રસ્તુતિએ શ્રોતાઓને મંત્રમુગ્ધ કરી દીધા હતા. જેમાં કુમારી સૂર્યા ગાયત્રીએ પોતાના સુમધુર શાસ્ત્રીય ગાયનથી સમગ્ર વાતાવરણમાં ભક્તિભાવ રેલાવ્યો હતો. આ ઉપરાંત પદ્મશ્રી પંડિત તેજેન્દ્ર નારાયણ અને વિદ્વાન કુમારેશ રાજગોપાલને શાસ્ત્રીય યુગલવાદન દ્વારા સંગીતની ભવ્યતાના દર્શન કરાવ્યા હતા, જ્યારે હાર્દિક દવેએ લોકગીતોની રમઝટ બોલાવી વડનગરને સંગીતમય બનાવી દીધું હતું. અત્રે ઉલ્લેખનીય છે કે, વર્ષ 2003માં તત્કાલીન મુખ્યમંત્રી નરેન્દ્ર મોદીએ આ મહોત્સવની શરૂઆત કરાવી હતી અને વર્ષ 2010થી વિશિષ્ટ કલાકારોને ‘તાના-રીરી સંગીત સન્માન એવોર્ડ’ આપવાની પરંપરા શરૂ કરવામાં આવી છે. કાર્યક્રમની શરૂઆતમાં ગુજરાત રાજ્ય સંગીત નાટક અકાદમીના અધ્યક્ષ યોગેશ બી. નિરગુડેએ સ્વાગત પ્રવચન કર્યું હતું, જ્યારે અકાદમીના સભ્ય સચિવ એ.યુ. મકવાએ આભાર વિધિ કરી હતી.
    Click here to Read More
    Previous Article
    ધોરાજીથી સુરત જાન લઈને જતી લક્ઝરી બસનો અકસ્માત, બેનાં મોત:દિલ્હી-મુંબઈ એક્સપ્રેસ હાઈ-વે પર ટેન્કર સાથે જોરદાર ટક્કર; બાળકો સહિત 49 ઈજાગ્રસ્ત
    Next Article
    અમદાવાદમાં લાખોની નકલી નોટો સાથે બે આરોપી ઝડપાયા:આંગડિયામાં પૈસા મંગાવનાર વેપારીને 40 લાખની ચિલ્ડ્રન બેંકની નોટો પધરાવ્યા બાદ પોલીસે ટ્રેપ ગોઠવી, અન્ય 3ની પણ સંડોવણી

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment