Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    દિવાળીની રજાઓમાં સાપુતારામાં પ્રવાસીઓની ભારે ભીડ:ટેબલ પોઈન્ટ અને રોપ-વે સહિતના સ્થળોએ ધસારો; વેકેશનના પગલે હોટલના ભાડામાં 20 ટકાનો વધારો

    7 hours ago

    દિવાળીના તહેવારો અને વેકેશન દરમિયાન મોટી સંખ્યામાં સહેલાણીઓ ડાંગ જિલ્લાની મુલાકાતે આવી રહ્યા છે. ગુજરાતના એકમાત્ર ગિરિમથક સાપુતારા ખાતે પરિવાર અને મિત્રો સાથે ફરવા નીકળેલા પ્રવાસીઓની ભારે ભીડ જોવા મળી રહી છે. સવારથી જ સાપુતારાના ટેબલ પોઈન્ટ, સનસેટ પોઈન્ટ, લેક ગાર્ડન, બોટિંગ, રોપ-વે અને સ્ટેપ ગાર્ડન પર પ્રવાસીઓની અવરજવર વધી છે. પહાડી વિસ્તાર, વાતાવરણ અને કુદરતી નજારા જોવા માટે બાળકો સહિતના પરિવારો ઉમટી રહ્યા છે. હોટલના ભાડામાં 20 ટકા સુધીનો વધારો દિવાળી વેકેશનને કારણે સાપુતારાની હોટલો, રિસોર્ટ અને રહેવાની અન્ય સુવિધાઓમાં પ્રવાસીઓની સંખ્યામાં નોંધપાત્ર વધારો થયો છે. રૂમ બુકિંગ માટેની પૂછપરછ વધતા ગત વર્ષની સરખામણીએ આ વર્ષે હોટલના ભાડામાં અંદાજે 20 ટકા સુધીનો વધારો થયો હોવાનું જાણવા મળ્યું છે. ભાડામાં વધારો થવા છતાં પ્રવાસીઓના ઉત્સાહમાં કોઈ ઘટાડો થયો નથી અને મોટાભાગની હોટલો પ્રવાસીઓથી ભરેલી જોવા મળી રહી છે. સ્થાનિક વેપારીઓ અને ધંધાર્થીઓને રોજગારી મળી પ્રવાસીઓની વધતી સંખ્યાના કારણે સ્થાનિક વેપારીઓ, હોટલ સંચાલકો, રેસ્ટોરન્ટ માલિકો, ચા-નાસ્તાના સ્ટોલ ચલાવતા લોકો, ટેક્સી ચાલકો અને નાના ધંધાર્થીઓને સારી રોજગારી મળી રહી છે. સ્થાનિક બજારમાં ખરીદી અને વેપારમાં પણ તેજીનો માહોલ જોવા મળી રહ્યો છે. તહેવારોમાં પ્રવાસીઓના આગમનથી ડાંગ જિલ્લાના પ્રવાસન ઉદ્યોગને વેગ મળ્યો છે, જેનાથી આગામી સમયમાં સ્થાનિક સ્તરે રોજગારીની વધુ તકો ઊભી થવાની શક્યતા છે.
    Click here to Read More
    Previous Article
    સુરેન્દ્રનગરમાં હથિયારો સાથે મારામારીના પાંચ આરોપી ઝડપાયા:મિયાણાવાડમાં જાહેરમાં ઝઘડાનો વીડિયો વાયરલ થયા બાદ પોલીસે ગણતરીના કલાકોમાં કાર્યવાહી કરી
    Next Article
    માંગરોળ નજીક મકતુપુરના દરિયાકિનારે નંદી-કાચબા આકારના ખંડિત અવશેષો:પ્રાચીન મૂર્તિઓ જેવા અવશેષો મળતા કુતૂહલ ફેલાયું, સોશિયલ મીડિયામાં વીડિયો વાયરલ

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment