Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    નાની ચોવીસીમાં બે વર્ષથી પાણીની લાઈન તૂટેલી હાલતમાં,20 પરિવારો પરેશાન:ડ્રેનેજ કામગીરી બાદ સમારકામ ન કરાતા હેન્ડપંપનો સહારો લેવા મજબૂર રહીશો; મનપાની કામગીરી સામે રોષ

    7 hours ago

    નવસારી મહાનગરપાલિકાની ઘોર ઉદાસીનતાનો ભોગ નાની ચોવીસી વિસ્તારના ગરીબ અને મધ્યમ વર્ગના પરિવારો બની રહ્યા છે. નાની ચોવીસીના હળપતિવાસ, ભૂમિ રેસીડેન્સી અને કણબીવાડની વચ્ચેના વિસ્તારમાં છેલ્લા બે વર્ષથી પીવાના પાણીની લાઈન તૂટી ગઈ હોવાથી અંદાજે 15 જેટલા પરિવારો પાણી માટે વલખાં મારી રહ્યા છે. જેને લઈ ભાસ્કર ટીમ ત્યાં જઈને સ્થાનિકો ને તેમની તકલીફ બાબતે પૂછ્યું તો લોકો મનપાની કામગીરીથી નારાજ હતા. સ્થાનિક રહીશોની આપવીતી મુજબ, આ વિસ્તારમાં લોકોને રહેવા માટે આવાસ તો મળી ગયા છે, પરંતુ પ્રાથમિક સુવિધા ગણાતા પાણીના જ ઠેકાણા નથી. અગાઉ ગત ઉનાળામાં ડ્રેનેજની પાઈપલાઈન નાખવાની કામગીરી હાથ ધરાઈ હતી, તે દરમિયાન પાણીની લાઈન તૂટી જવાથી અંદાજીત 15 ઘરોનો પાણી પુરવઠો સંપૂર્ણપણે ખોરવાઈ ગયો છે. બે વર્ષ જેટલો લાંબો સમય વીતી ગયો હોવા છતાં આજદિન સુધી તૂટેલી લાઈનનું સમારકામ કરાયું નથી. ઘરે નળમાં પાણી ન આવતું હોવાથી સ્થાનિક મહિલાઓ અને વૃદ્ધોને રોજિંદા વપરાશ અને પીવાના પાણી માટે દૂર આવેલા હેન્ડપંપ પર જઈને પાણી ભરવાની ફરજ પડી રહી છે. આવાસ યોજનાના લાભાર્થીઓ અને સ્થાનિકોમાં તંત્રની આ કામગીરી સામે ઉગ્ર રોષ જોવા મળી રહ્યો છે. મનપામાં ફરિયાદ કરવા છતાં સમસ્યા હલ થતી નથી આ સમસ્યા અંગે મહાનગરપાલિકામાં લેખિત કે મૌખિક ફરિયાદ કરે છે, ત્યારે મનપાના કર્મચારીઓ સ્થળ પર આવે છે પરંતુ આ કર્મચારીઓ માત્ર તૂટેલી લાઈનનું નિરીક્ષણ કરીને ફોટા પાડીને જતા રહે છે, ત્યારબાદ કોઈ પણ કર્મચારી કે કોન્ટ્રાક્ટર લાઈન રિપેર કરવા માટે ફરી ડોકાતા નથી. બે વર્ષમાં આવાસ મંજૂર થયા પણ પાણીની લાઈન રીપેર થઈ નથી પાણીની લાઈન બંધ હોય નળમાં પાણી આવતું નથી. ચૂંટણી વખતે પણ અમે ઉમેદવારને જણાવ્યું હતું તો થઇ જશે એમ કહ્યું પણ બે વર્ષમાં પ્રધાનમંત્રી આવાસ મંજૂર થયા પણ પાણીની લાઈન રીપેર થઈ નથી, જેના કારણે તકલીફ પડે છે. હેન્ડ પંપમાં ઘણીવાર પછી પાણી આવે છે.બાજુમાં ખેતર હોય ત્યાં પાણીની મોટર ચાલુ કરે તો હેન્ડ પંપનું ભૂગર્ભ જળ ખેંચાઈ જાય અમે શું કરીએ. > સુમનભાઈ હળપતિ, સ્થાનિક અગ્રણી સોમવારથી લાઈન રિપેરનું કામ શરૂ થઈ જશે આ વિસ્તારમાં પાણીની લાઈન તૂટી હતી તેની મને જાણ છે. જોકે ત્યાં ઓછા ઘર હશે. સોમવારથી પાણીની લાઈન રીપેરનું કામ ચાલુ થઈ જશે. અને આ વિસ્તારના લોકોને પૂરતા પાણીની સુવિધા મળતી રહેશે. >પરીમલ ટંડેલ, નગરસેવક, વોર્ડ 5
    Click here to Read More
    Previous Article
    મનપાના સર્વેનો ચોંકાવનારો રિપોર્ટ:162 જર્જરિત‎ઈમારત છતાં 32 જ ઊતારાઈ, 130 હજી જોખમી
    Next Article
    પરંપરા:જગતમંદિરમાં ગોપાલલાલજી અને તુલસી માતાના વૈદિક મંત્રોચ્ચાર સાથે વિવાહ સંપન્ન

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment