Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    રાજકોટ સિવિલ હોસ્પિટલ ફરી વિવાદમાં:કોલ્ડ સ્ટોરેજમાં ખામીઓનાં કારણે 2 મૃતદેહને નુકસાન થયાનો આરોપ, મૃતદેહો પહેલાથી જ ડિકમ્પોઝ હોવાનો તંત્રનો બચાવ

    6 hours ago

    રાજકોટ સિવિલ હોસ્પિટલ ફરી વિવાદમાં આવી છે. જેમાં કોલ્ડ સ્ટોરેજ રૂમની કામગીરી અને મૃતદેહોની સાચવણીને લઈને ગંભીર સવાલો ઉઠ્યા છે, જાણવા મળતી માહિતી મુજબ, દિવાળી પહેલા કોલ્ડ સ્ટોરેજ રૂમમાં ટેકનિકલ ફોલ્ટ સર્જાતા 2 મૃતદેહ માત્ર 2 દિવસમાં સડી ગયા હોવાની ગંભીર બાબત સામે આવી હતી, જેના કારણે હોસ્પિટલ તંત્રમાં દોડધામ મચી ગઈ હતી અને કોલ્ડ સ્ટોરેજ બંધ કરવાની સ્થિતિ સર્જાઈ હતી. જોકે તંત્રએ મૃતદેહો પહેલાથી જ ડિકમ્પોઝ હોવાનો બચાવ કર્યો હતો. અને દિવાળી પહેલા આવેલી ખામી તરત જ દૂર કરવામાં આવી હોવાનો દાવો કર્યો છે. સાથે ટૂંક સમયમાં 72 નવા બોક્સ સાથે 3 માળની સાવ નવી વ્યવસ્થા ઉભી કરવામાં આવનાર હોવાનું જણાવ્યું છે. સૂત્રોના જણાવ્યા પ્રમાણે, કોલ્ડ સ્ટોરેજમાં માઈનસ 10 ડિગ્રી તાપમાન જાળવવાને બદલે 12 થી 13 ડિગ્રી તાપમાન થઈ જતા મૃતદેહો બગડી ગયા હતા. ઘટનાઓ બહાર આવે નહીં તેનાં માટે અગાઉથી જ અજાણ્યા કે વાલી-વારસ વગરના મૃતદેહોનો સંગ્રહ કરવાનો નિર્ણય લેવાયો હોવાની અને વિવાદ થાય તે પહેલા પાણી પહેલા પાળ બાંધી લેવાની વાત પણ સામે આવી છે. તાજેતરમાં 2 મૃતદેહ બદલાવાની ઘટના બાદ હવે કોલ્ડ સ્ટોરેજની ખામીના મુદ્દે હોસ્પિટલની વ્યવસ્થા પર સવાલો ઉઠી રહ્યા છે. નોંધાયેલી વિગત મુજબ, 6 મૃતદેહ સાચવી શકાય તેવા કોલ્ડ સ્ટોરેજ રૂમના 2 થી 3 બોક્સમાં ફોલ્ટ સર્જાયો હતો, પરંતુ ગુજરાત બહારની કંપની રિપેરીંગ માટે આનાકાની કરતી હોવાથી સમસ્યા લંબાઈ હતી. હોસ્પિટલ સત્તાવાળાઓએ લેખિત અને ટેલિફોનિક જાણ કર્યા છતાં કંપની દ્વારા કોઈ તસ્દી લેવામાં આવી ન હતી અને આખરે કંપનીને બ્લેક લિસ્ટ કરવાની ધમકી આપ્યા બાદ જ રિપેરીંગ કામગીરી કરાવવાની ફરજ પડી હતી. સિવિલ હોસ્પિટલના હિસાબી અધિકારી એમ એસ. રોયે મૃતદેહો સડી ગયા હોવાની વાતને નકારી કાઢી છે, પરંતુ તેમના નિવેદનમાંથી પણ ટેકનિકલ ખામી અને તાપમાન ફ્લક્ચ્યુએશનની કબૂલાત સામે આવી છે. એમ એસ. રોયે જણાવ્યું છે કે, નદી કે કુવામાંથી મળી આવેલા અથવા ગુમ થયેલા મૃતદેહો ઘણી વખત પહેલેથી જ ડીકમ્પોઝ અવસ્થામાં આવે છે અને તેવા અજ્ઞાત કે અનનોન મૃતદેહોને કોલ્ડ સ્ટોરેજ રૂમમાં રાખવામાં આવે છે. આવા ડીકમ્પોઝ મૃતદેહોના કારણે આવી વાત સામે આવી હોઈ શકે છે અને તેમની પાસે લેખિતમાં કોઈ ફરિયાદ આવી નથી. જોકે, તેમણે સ્વીકાર્યું હતું કે, આશરે 10 દિવસ પહેલા કોલ્ડ સ્ટોરેજમાં ખામી આવી હતી, જેને કંપનીના માણસોને બોલાવીને તાત્કાલિક રીપેરીંગ કરાવવામાં આવી હતી. તાપમાનના ફેરફાર અને ફ્લક્ચ્યુએશન અંગે એમ એસ. રોયે જણાવ્યું હતું કે, માઈનસ તાપમાનની રેન્જમાં ફ્લક્ચ્યુએશનનો મુદ્દો છે અને તે જ ખામી તાત્કાલિક રિપેર કરાવવી પડી હતી. હાલમાં 8 કેબિનેટવાળો નવો કોલ્ડ સ્ટોરેજ રૂમ ચાલુ હોવાનો દાવો કરવામાં આવ્યો છે, જ્યારે સમગ્ર સૌરાષ્ટ્ર ડિવિઝન માટે ભવિષ્યમાં તકલીફ ન પડે તે હેતુથી 3 માળમાં 72 કેબિનેટ બનાવવાની તૈયારી ચાલી રહી હોવાનું તેમણે જણાવ્યું છે.
    Click here to Read More
    Previous Article
    ઘોઘારોડ વિસ્તારમાં પોલીસના બે દરોડામાં દારૂ ઝડપાયો:શીતળામાના મંદિર સામે અને આડોડીયાવાસમાં ડ્રાઈવ દરમિયાન એકની ધરપકડ, બે ફરાર
    Next Article
    સંસ્કૃત યુનિવર્સિટીનું પ્રતિનિધિમંડળ આનંદીબેનને મળ્યું:સોમનાથના સાગર દર્શન ખાતે સંસ્કૃત ભાષા અને ભારતીય જ્ઞાનપરંપરાના સંવર્ધન અંગે ચર્ચા; રાજ્યપાલે માર્ગદર્શન આપ્યું

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment