Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સિદ્ધપુર તાલુકાની સગીરાનું અપહરણ કરી દુષ્કર્મ આચરાયું:સગાઈની ના પાડતા માતા-પિતાને મારી નાખવાની ધમકી આપી; 2 શખ્સો સામે પોક્સો હેઠળ ગુનો નોંધાયો

    2 days ago

    પાટણ જિલ્લાના સિદ્ધપુર તાલુકાના 1 ગામની સીમમાંથી 14 વર્ષ અને 1 માસની સગીરાનું અપહરણ કરી દુષ્કર્મ આચરવામાં આવ્યું હોવાની ઘટના સામે આવી છે. સગાઈની ના પાડવાની બાબતે માતા-પિતાને જાનથી મારી નાખવાની ધમકી આપી બનાસકાંઠા જિલ્લાના ડીસા તાલુકાના આરોપી અને તેના મિત્રએ સગીરાનું બાઇક પર અપહરણ કર્યું હતું. આ મામલે સિદ્ધપુર પોલીસ સ્ટેશનમાં પોક્સો એક્ટ હેઠળ ગુનો દાખલ કરવામાં આવ્યો છે. મંદિરે દર્શન કરવા જતી સગીરાનું બાઇક પર અપહરણ સિદ્ધપુર તાલુકાના 1 ગામમાં ભેંસોના તબેલામાં કામ કરતા પરિવારની સગીર દીકરી ગત 11/11/2026ના રોજ ભાઈબીજના તહેવાર નિમિત્તે બપોરના સમયે નજીકમાં આવેલા મંદિરે એકલી દર્શન કરવા જઈ રહી હતી. આ સમયે ડીસા તાલુકાના એક યુવક અને તેનો અજાણ્યો મિત્ર બાઇક લઈને ત્યાં આવ્યા હતા અને રસ્તામાં સગીરાને રોકી હતી. સગાઈની ના પાડવાની અદાવતમાં ધમકી આપી અપહરણ કર્યું આશરે 1 વર્ષ અગાઉ સગીરાની સગાઈ આરોપી સાથે કરવાની વાતચીત થઈ હતી, પરંતુ સગીરાની ઉંમર નાની હોવાથી તેના માતા-પિતાએ આ સબંધની ના પાડી દીધી હતી. આ બાબતની અદાવત રાખીને આરોપીએ સગીરાને તેના માતા-પિતાને જાનથી મારી નાખવાની ધમકી આપી ડરાવી હતી. ત્યારબાદ બંને શખ્સોએ સગીરાને બળજબરીથી બાઇક પર બેસાડી તેનું અપહરણ કર્યું હતું અને સાંજના સમયે છત્રાળા ગામે આરોપીના ઘરે લઈ ગયા હતા. ખેતરની ઓરડીમાં લઈ જઈ સગીરા સાથે દુષ્કર્મ આચર્યું છત્રાળા ગામે પહોંચ્યા બાદ આરોપીનો મિત્ર ત્યાંથી જતો રહ્યો હતો અને આરોપીએ સગીરાને પોતાના ઘરે ગોંધી રાખી હતી. રાત્રિના અંધારું થતાં આરોપી સગીરાને બાઇક પર બેસાડી ખેતરમાં લઈ ગયો હતો, જ્યાં સગાઈ માટે દબાણ કરી માતા-પિતાને મારી નાખવાની ધમકી આપી હતી. સગીરા તાબે ન થતાં આરોપી તેને ખેતરમાં આવેલી ઓરડીમાં લઈ ગયો હતો અને ત્યાં તેની મરજી વિરુદ્ધ શરીર સબંધ બાંધી દુષ્કર્મ આચર્યું હતું. સગીરાએ સિદ્ધપુર પોલીસ સ્ટેશનમાં જાતે ફરિયાદ નોંધાવી ઘટના બાદ પરિવારજનો સગીરાની શોધખોળ કરી રહ્યા હોવાની જાણ આરોપીને ફોન દ્વારા થતાં તે સગીરાને પરત પોતાના ઘરે લઈ ગયો હતો, જ્યાં શોધખોળ કરતા પહોંચેલા સગીરાના પિતાના મામાએ તેને છોડાવી પરિવારનો સંપર્ક કર્યો હતો. તારીખ 12/11/2026ના રોજ રાત્રે બોડાલ ગામે સગીરાના પિતા અને કાકા ભેગા થઈ સગીરાને લઈ સિદ્ધપુર પરત ફર્યા હતા. સગીરાએ બીજા દિવસે સમગ્ર હકીકત માતાને જણાવતા સિદ્ધપુર પોલીસ સ્ટેશનમાં હાજર રહીને આરોપી અને તેના અજાણ્યા મિત્ર વિરુદ્ધ ફરિયાદ નોંધાવી હતી.
    Click here to Read More
    Previous Article
    લસકાણામાંથી પિસ્તોલ સાથે શખ્સ પકડાયો:પોલીસે તપાસ કરતા બેગમાંથી પાર્સલ મળ્યું, તેમાં સંતાડી રાખી'તી;આર્મ્સ એક્ટ હેઠળ ગુનો દાખલ
    Next Article
    સુરતમાં દિવયાંગ વકીલ પર હુમલો, CCTV:પાડોશમાં રહેતા શખસે ચપ્પુના ઉપરાછાપરી ચાર ઘા માર્યા, લોહીલુહાણ હાલતમાં સારવાર માટે ખસેડાયા

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment