Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સુરેન્દ્રનગરમાં જનજાતીય ગૌરવ દિવસની ઉજવણી થઈ:બિરસા મુંડાની 151મી જન્મજયંતિએ ટાઉન હોલમાં કાર્યક્રમ યોજાયો

    7 hours ago

    ભગવાન બિરસા મુંડાની 151મી જન્મજયંતિ નિમિત્તે સુરેન્દ્રનગરના પંડિત દીનદયાળ ટાઉન હોલમાં જનજાતીય ગૌરવ દિવસ-2026ની ઉજવણી કરવામાં આવી. ગુજરાત સરકારના આદિજાતિ વિકાસ વિભાગે સુરેન્દ્રનગર મહાનગરપાલિકાના ઉપક્રમે કાર્યક્રમ યોજ્યો હતો. કાર્યક્રમમાં સાંસ્કૃતિક કાર્યક્રમો, આદિવાસી પરંપરાગત લોકનૃત્ય અને વિવિધ યોજનાઓના લાભનું વિતરણ થયું. આદિવાસી સમાજના ઇતિહાસ અને યોગદાનને પણ યાદ કરવામાં આવ્યું. નાયબ મુખ્ય દંડક જગદીશ મકવાણાએ કહ્યું કે છેવાડાના લોકો અને આદિવાસી સમાજના તમામ વર્ગોને સમાન તક મળે અને તેમનો વિકાસ થાય તે માટે સરકાર અનેક કલ્યાણકારી યોજનાઓ ચલાવે છે. તેમણે ભગવાન બિરસા મુંડાને શ્રદ્ધાંજલિ આપી. જગદીશ મકવાણાએ કહ્યું કે બિરસા મુંડાએ દેશની આઝાદી, સ્વાભિમાન અને આદિવાસી સમાજના ઉત્થાન માટે લડત આપી હતી. તેમનો જન્મ 15 નવેમ્બર, 1875ના રોજ ઝારખંડના ઉલીહાતુ ગામમાં થયો હતો. 25 વર્ષની ઉંમરે તેમણે આદિવાસી સમુદાયને સંગઠિત કરી અંગ્રેજો સામે ‘મારો દેશ, મારું રાજ’ના નારા સાથે લડત ચલાવી હતી. તેમણે જણાવ્યું કે આદિવાસી સમાજના યોગદાન અને બલિદાનને લોકો સુધી પહોંચાડવા 2021થી 15 નવેમ્બરને રાષ્ટ્રીય જનજાતીય ગૌરવ દિવસ તરીકે ઉજવવાનો નિર્ણય લીધો હતો. સરકારી યોજનાઓ વિશે વાત કરતાં તેમણે કહ્યું કે વડાપ્રધાન નરેન્દ્ર મોદી અને મુખ્યમંત્રી ભૂપેન્દ્ર પટેલના નેતૃત્વમાં છેવાડાના લોકોને વિકાસની સમાન તકો મળી રહી છે. તાજેતરમાં નર્મદાના ઝઘડિયા ખાતેથી જનજાતિ કલ્યાણ યોજના હેઠળ 2 લાખ કરોડ રૂપિયાની ફાળવણી કરવામાં આવી છે. તેમણે ઉમેર્યું કે પીએમ જનમન યોજના હેઠળ આદિવાસી વિસ્તારોમાં પાકાં આવાસ, રસ્તા, પીવાનું શુદ્ધ પાણી, આરોગ્ય અને શિક્ષણની સુવિધાઓ અપાઈ રહી છે. એકલવ્ય રેસિડેન્શિયલ સ્કૂલ દ્વારા આદિવાસી બાળકોના શિક્ષણ અને કૌશલ્ય વિકાસ પર ભાર મૂકવામાં આવે છે. અગ્રણી વર્ષાબેન દોશીએ કહ્યું કે બિરસા મુંડાએ આદિવાસી સમાજ, સંસ્કૃતિ તેમજ જળ, જંગલ અને જમીનના રક્ષણ માટે અંગ્રેજો સામે સંઘર્ષ કર્યો હતો.
    Click here to Read More
    Previous Article
    ગુજરાતમાં મહાપર્વ છઠની ઉજવણી:રાજકોટમાં હજારો ભક્તોએ આથમતા સૂર્યને અર્ઘ્ય આપ્યું, મહિલાઓએ આજી નદીમાં ડૂબકી લગાવી
    Next Article
    સંતરામપુરમાં બિરસા મુંડાની જન્મજયંતિ ઉજવાઈ:મંત્રી રમણ સોલંકીના હસ્તે જનજાતીય ગૌરવ દિવસ નિમિત્તે યોજનાઓના લાભોનું વિતરણ, વિદ્યાર્થીઓ અને રમતવીરોનું સન્માન

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment