Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    વડોદરાવાસીઓના જલસા માટે લિનિયર પાર્ક અને કેનાલ ફ્રન્ટ બનાવાશે:ભાયલી-સેવાસીમાં 15,000 ચો.મી. જગ્યામાં ગ્રીન કોરિડોર વિકસાવાશે, વૉકિંગ અને સાઇકલિંગ કોરિડોર સાથે ગ્લો ગાર્ડન

    11 hours ago

    વડોદરાના ભાયલી-સેવાસી વિસ્તારમાં નાગરિકો માટે એક અત્યાધુનિક અને ભવ્ય લિનિયર પાર્ક તથા કેનાલ ફ્રન્ટ ડેવલપમેન્ટ પ્રોજેક્ટનું આયોજન કરવામાં આવ્યું છે, જે સ્થાનિક રહેવાસીઓ માટે આકર્ષણનું કેન્દ્ર બનશે. પાલિકાના ટાઉન પ્લાનિંગ વિભાગના સિનિયર આર્કિટેક્ટ દ્વારા ડિઝાઇન કરાયેલા આ પ્રોજેક્ટમાં બાળકો, યુવાનો અને વડીલો સહિત તમામ વયજૂથના લોકોની જરૂરિયાતોને ધ્યાનમાં રાખીને અદભુત સુવિધાઓનું આયોજન કરાયું છે. કેનાલની સમાંતર વૉકિંગ અને સાઇકલિંગ કોરિડોર આ પ્રોજેક્ટ અંતર્ગત કેનાલની સમાંતરે 1.2 કિલોમીટર લાંબો આકર્ષક વૉકિંગ અને સાઇકલિંગ કોરિડોર તૈયાર કરવામાં આવશે. આ કોરિડોરમાં 4 મીટર પહોળો સર્વિસ રોડ-કમ-સાઇકલ ટ્રેક અને 7 મીટરનો લીલોછમ ગ્રીન બફર ઝોન બનાવવામાં આવશે. સમગ્ર પરિસરમાં 15 હજારથી વધુ ચોરસ મીટરના વિશાળ વિસ્તારમાં નયનરમ્ય લેન્ડસ્કેપિંગ અને ગ્રીન કોરિડોર વિકસાવવામાં આવશે, તેમજ જમીનનું ધોવાણ અટકાવવા માટે ખાસ ટર્કિંગની વ્યવસ્થા કરાશે. આ ઉપરાંત, આ પાર્કમાં શહેરનું બીજું આકર્ષક 'ફ્લોરલ ક્લોક' ગાર્ડન પણ બનાવવામાં આવશે. મનમોહક લાઇટિંગ અને ગ્લો ગાર્ડનનું ખાસ આયોજન રાત્રિના સમયે આ સ્થળ પ્રકૃતિ અને બ્રહ્માંડની સુંદરતાથી ઝળહળી ઊઠશે. પ્રાણીઓ, પતંગિયાં, સૂર્યમુખી, મશરૂમ, દરિયાઈ જીવો, ફૂલો અને બ્રહ્માંડની ગલેક્સી થીમ પર આધારિત મનમોહક લાઇટિંગ અને ગ્લો ગાર્ડનનું ખાસ આયોજન કરાયું છે, જ્યારે દર બે મીટરે મુકાયેલી એલઇડી બુલાર્ડ લાઇટિંગથી આખો માર્ગ રોશન થશે. નાગરિકોની સુવિધા માટે અહીં કમ્યૂનિટી અને એક્ટિવિટી પ્લાઝા, જાહેર મેળાવડા માટે પ્રવેશ ફોરકોર્ટ તથા એન્ટ્રી પેવિલિયન બનાવવામાં આવશે. સંસ્કૃતિ અને કલાને પ્રોત્સાહન આપવા માટે થીમ આધારિત શિલ્પો, સ્કલ્પચર વોક અને સ્ટોરી વોક ઉમેરવામાં આવશે. બાળકો માટે અલગ-અલગ પ્લે ઝોન વાહનોના યોગ્ય પાર્કિંગની વ્યવસ્થા, આઉટડોર બેઠક વ્યવસ્થા, ઝૂલા, ગઝિબો, કાફે આઉટલેટ, ઓપન જિમ અને ઈ-ટોઇલેટ જેવી આધુનિક સુવિધાઓ પણ ઉપલબ્ધ કરાવાશે. બાળકો માટે 1 થી 5 અને 5 થી 10 વર્ષના બાળકો માટે અલગ-અલગ પ્લે ઝોન બનાવાશે, જેમાં શોક-એબ્સોબિંગ રબર ફ્લોરિંગ સાથે સ્લાઈડ, ક્લાઈમ્બિંગ ફ્રેમ અને ઇન્ટરેક્ટિવ સાધનો મુકાશે. સમગ્ર વિસ્તારની સુરક્ષા સુનિશ્ચિત કરવા માટે સીસીટીવી કેમેરા અને પૂરતી લાઇટિંગની પણ વિશેષ વ્યવસ્થા રાખવામાં આવશે. આ પ્રોજેક્ટ એ વડોદરાવાસીઓ માટે નવલું નજરાણું હશે: વર્ષાબહેન વ્યાસ વડોદરા મહાનગરપાલિકાના સ્ટેન્ડિંગ કમિટીના ચેરમેન વર્ષાબહેન વ્યાસે જણાવ્યું હતું કે, ભાયલી સેવાસી પાસે કેનાલ ફ્રન્ટ કોરિડોર મળી રહ્યો છે ત્યાં આપણે હાલમાં લિનિયર પાર્ક બનાવવાનો પ્રોજેક્ટ હાથ પર લીધો છે. આ પ્રોજેક્ટ માટેનો ડીપીઆર પણ તૈયાર થયો છે. આ પ્રોજેક્ટ એ વડોદરાવાસીઓ માટે નવલું નજરાણું હશે. કેનાલની બાજુમાં લોકો તેનો સદુપયોગ કરી શકે તે માટેનું આ આયોજન છે. હાલમાં આ પ્રોજેક્ટ હાથ પર લેવાનું વિચારાધીન છે.
    Click here to Read More
    Previous Article
    'તમારા જેવી મા હોય એના કરતા ન હોય એ સારું':17 વર્ષીય દીકરી પર પિતાએ દુષ્કર્મ આચરી ગર્ભવતી બનાવી, પિતાને બચાવવા માતાએ પ્રયાસો કરતા હાઈકોર્ટે બરાબરની ઝાટકણી કાઢી
    Next Article
    ‘કહાં ઐસા યારાના’ સુરતના બે ACPની દોસ્તી:સરકારે ભ્રષ્ટ અધિકારીઓનો વારો પાડવાની તૈયારી કરી; સોનિયા ગાંધીના પુસ્તકનો સોશિયલ મીડિયા પર સંગ્રામ

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment