Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    દિવાળી પછીના પ્રથમ ગુરુવારે ઊન સાઈબાબા મંદિરે ભીડ:મીની શિરડી તરીકે જાણીતા મંદિરે 15 હજારથી વધુ ભક્તોએ દર્શન અને મહાપ્રસાદનો લાભ લીધો

    18 hours ago

    દિવાળીના તહેવારો બાદ આવેલા પ્રથમ ગુરુવારે નવસારી નજીકના ઊન ગામે આવેલા સાઈબાબા મંદિર ખાતે 15 હજારથી વધુ ભક્તોએ દર્શન કરીને મહાપ્રસાદનો લાભ લીધો હતો. નેશનલ હાઈવે નંબર 48 પાસે આવેલું આ મંદિર સમગ્ર દક્ષિણ ગુજરાતમાં ‘મીની શિરડી’ તરીકે ઓળખાય છે. દિવાળીની રજાઓ હોવાના કારણે ગુરુવારે વહેલી સવારથી જ સાઈબાબાના દર્શન કરવા માટે મંદિર પરિસરમાં ભક્તોની લાંબી કતારો લાગી હતી. મહારાષ્ટ્ર સહિત પાડોશી રાજ્યોમાંથી આવ્યા ભાવિકો દિવાળી વેકેશનના માહોલમાં દક્ષિણ ગુજરાતના વિવિધ જિલ્લાઓ ઉપરાંત મહારાષ્ટ્ર અને અન્ય પાડોશી રાજ્યોમાંથી પણ મોટી સંખ્યામાં શ્રદ્ધાળુઓ દર્શન કરવા માટે ઊન ખાતે આવી પહોંચ્યા હતા. ભક્તોના આગમનથી સમગ્ર મંદિર પરિસરમાં ‘સાઈ રામ’ અને ‘ઓમ શ્રી સાઈનાથાય નમઃ’ના નાદ ગુંજી ઉઠ્યા હતા. મંદિરમાં દર ગુરુવારે ભક્તો માટે મહાપ્રસાદનું આયોજન કરવામાં આવે છે, પરંતુ દિવાળી પછીનો પ્રથમ ગુરુવાર હોવાથી સામાન્ય દિવસો કરતાં ભક્તોની સંખ્યામાં નોંધપાત્ર વધારો જોવા મળ્યો હતો. 200થી વધુ સ્વયંસેવકોએ સંભાળી વ્યવસ્થા મંદિરે દર્શન અને મહાપ્રસાદ માટે આવતા હજારો શ્રદ્ધાળુઓને કોઈ પણ પ્રકારની અગવડતા કે મુશ્કેલી ન પડે તે માટે મંદિર ટ્રસ્ટ દ્વારા ખાસ આયોજન કરવામાં આવ્યું હતું. વ્યવસ્થાના ભાગરૂપે 200 થી વધુ સ્વયંસેવકોની ટીમે ખડેપગે રહીને હાઈવે પરનો ટ્રાફિક, દર્શન માટેની કતાર, વાહનોનું પાર્કિંગ અને મહાપ્રસાદ વિતરણ સહિતની તમામ જવાબદારીઓ સુચારુ રીતે સંભાળી હતી.
    Click here to Read More
    Previous Article
    ઇન્ડોનેશિયાના રાષ્ટ્રપતિની જાસૂસી કરવાનો પ્રયાસ:પૂર્વ રાષ્ટ્રપતિ જોકોવીના નજીકના લોકોની ધરપકડ, પુત્રએ પણ ઉપરાષ્ટ્રપતિ પદ છોડ્યું
    Next Article
    મણિનગર સ્વામિનારાયણ ગાદી સંસ્થાન દ્વારા “સનાતન દિવ્ય જ્યોત” રંગોળીનું સર્જન:વિશ્વમાં સનાતન ધર્મની દિવ્ય જ્યોત પ્રજ્વલિત થાય અને સર્વત્ર શાંતિની સ્થાપના થાય તેવા ઉમદા હેતુ સાથે રંગોળીનું નિર્માણ

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment