Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    રાહુલ ગાંધી હૈદરાબાદમાં ડિલિવરી બોય-કૅબ ડ્રાઇવરોને મળશે:તેલંગાણામાં 14 નવેમ્બરે ગિગ વર્કર્સ માટે કલ્યાણ બોર્ડ શરૂ થશે

    9 hours ago

    રાહુલ ગાંધી 14 નવેમ્બરે હૈદરાબાદમાં ગિગ અને પ્લેટફોર્મ વર્કર્સના કાર્યક્રમ અને રેલીમાં ભાગ લેશે. આ દરમિયાન તેઓ ડિલિવરી એક્ઝિક્યુટિવ, કૅબ ડ્રાઇવર અને ઍપ આધારિત સેવાઓ સાથે જોડાયેલા અન્ય કર્મચારીઓ સાથે વાતચીત કરશે. વર્કર્સ રાહુલ સમક્ષ પોતાની સમસ્યાઓ અને માગણીઓ રજૂ કરશે. કાર્યક્રમ હૈદરાબાદ ઇન્ટરનેશનલ કન્વેન્શન સેન્ટર (HICC) નજીક યોજાશે. આ સાથે ગિગ વર્કર્સની નાની રેલી પણ યોજવામાં આવશે. આ દરમિયાન વર્કર્સ માટે વેલફેર બોર્ડની શરૂઆત પણ કરવામાં આવશે, જે રાજ્યમાં તેમના માટે કાયદા અને કલ્યાણકારી યોજનાઓ લાગુ કરશે. કાર્યક્રમમાં ગિગ વર્કર્સની સામાજિક સુરક્ષા, અકસ્માત વીમો, આરોગ્ય સુવિધાઓ, રોજગાર સુરક્ષા, રજીસ્ટ્રેશન અને ફરિયાદોના નિરાકરણ અંગે ચર્ચા થશે. રાહુલ ગાંધી આ સાથે જોડાયેલી સરકારી યોજનાઓનું ઉદ્ઘાટન પણ કરી શકે છે. તેલંગાણામાં 2 જૂનથી ગિગ વર્કર્સ માટેનો કાયદો અમલમાં તેલંગાણા સરકારે ગિગ અને પ્લેટફોર્મ વર્કર્સ માટે તેલંગાણા પ્લેટફોર્મ-બેઝ્ડ ગિગ વર્કર્સ (રજિસ્ટ્રેશન, સોશિયલ સિક્યુરિટી એન્ડ વેલફેર) ઍક્ટ, 2026 બનાવ્યો છે. આ કાયદો 2 જૂનથી અમલમાં આવી ગયો છે. હવે 14 નવેમ્બરે આ કાયદા હેઠળ બનાવવામાં આવેલા નિયમોની અધિસૂચના બહાર પાડવામાં આવશે. ભારત જોડો યાત્રા દરમિયાન આપ્યું હતું વચન તેલંગાણા ગિગ એન્ડ પ્લેટફોર્મ વર્કર્સ યુનિયન (TGPWU)ના સ્થાપક અને પ્રદેશ અધ્યક્ષ શેખ સલાઉદ્દીનના જણાવ્યા અનુસાર, રાહુલ ગાંધીની મુલાકાત ગિગ વર્કર્સ માટે મહત્વપૂર્ણ છે. તેમણે કહ્યું કે ભારત જોડો યાત્રા અને ત્યારબાદના ચૂંટણી પ્રચાર દરમિયાન વર્કર્સના કલ્યાણ માટે પગલાં લેવાનું વચન આપવામાં આવ્યું હતું. હવે કાયદાના નિયમો અને વેલફેર બોર્ડને અધિસૂચિત કરવાની તૈયારી છે. વર્કર્સની રેલીમાં કોઈ રાજકીય સંગઠનની ભાગીદારી નહીં હોય. વર્કર્સ પોતાની ખુશી વ્યક્ત કરવા અને કલ્યાણ માટે લેવામાં આવી રહેલા પગલાં બદલ આભાર વ્યક્ત કરવા માટે તેમાં સામેલ થશે. રાહુલ ગાંધીની ગિગ વર્કર્સ અને ડ્રાઇવરો સાથે મુલાકાતો 1. 7 મે 2023- બેંગલુરુમાં ડિલિવરી બોય અને ગિગ વર્કર્સ સાથે મુલાકાત. 2. 21 સપ્ટેમ્બર 2023- દિલ્હીમાં રેલવેના કુલીઓ સાથે મુલાકાત. 3. 28 નવેમ્બર 2023- હૈદરાબાદમાં ઑટો ડ્રાઇવર અને ડિલિવરી બોય સાથે મુલાકાત. 4. 19 ઑગસ્ટ 2024- ઉબર કૅબ ડ્રાઇવર સાથે મુસાફરી. 5. 28 ઑગસ્ટ 2024- DTC બસ ડ્રાઇવર, કંડક્ટર અને માર્શલ સાથે મુલાકાત. 6. 6 ફેબ્રુઆરી 2026- સંસદ ભવનમાં ગિગ વર્કર્સના પ્રતિનિધિઓ સાથે મુલાકાત. 7. 29 મે 2026- દિલ્હીમાં ઓટો ડ્રાઇવરો સાથે ભોજન કર્યુ.
    Click here to Read More
    Previous Article
    સુપ્રીમ કોર્ટનો સવાલ- ઘરમાં સોનું ક્યાંથી આવ્યું, મહિલાઓ જણાવે:500 ગ્રામની મર્યાદા કહીને બચી શકાશે નહીં, દરોડા દરમિયાન અધિકારીઓને સોર્સ જણાવો
    Next Article
    દિવાળીએ અસારવા-ચિતોડગઢ મેમુમાં ભીડ વધી:હિંમતનગરથી એક મુસાફર સાયકલ સાથે ડુંગરપુર જવા ટ્રેનમાં બેઠો

    Related National Updates:

    Are you sure? You want to delete this comment..! Remove Cancel

    Comments (0)

      Leave a comment