Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સુરતના ઉન પાટીયામાં ચિંદીના કચરામાં ભીષણ આગ:ફાયર વિભાગની 12થી વધુ ટીમે પાણીનો મારો ચલાવ્યો, ઉન વિસ્તારમાં એક સપ્તાહમાં આગની બીજી ઘટના

    15 hours ago

    સુરત શહેરના ઉન પાટીયા વિસ્તારના ભીંડી બજારના ચિંદી અને કાપડના વેસ્ટ કચરાના જથ્થામાં આગ લાગતા અફરાતફરી મચી ગઈ હતી. કાપડના મોટા-મોટા પોટલાં અને જ્વલનશીલ કચરો મોટી માત્રામાં એકત્ર થયેલો હોવાથી આગે વિકરાળ સ્વરૂપ ધારણ કરી લીધું હતું. ધુમાડાના ગોટેગોટા દૂર-દૂર સુધી આકાશમાં જોવા મળ્યા હતા, જેના કારણે સ્થાનિક રહીશો અને આસપાસના વેપારીઓમાં ભયનો માહોલ ફેલાયો હતો. 10 ફાયર સ્ટેશનની 12થી વધુ ગાડીઓ પહોંચી હતી ઘટનાની જાણ થતાં જ સુરત ફાયર વિભાગ તાત્કાલિક એક્શનમાં આવ્યું હતું. આગની ગંભીરતાને ધ્યાનમાં રાખી શહેરના અલગ-અલગ 10 ફાયર સ્ટેશનની 12થી વધુ ફાયર ફાઇટરની ગાડીઓ તાબડતોબ ઘટનાસ્થળે પહોંચી હતી. ફાયર વિભાગના ઉચ્ચ અધિકારીઓ સહિત જવાનોનો મોટો કાફલો સ્થળ પર પહોંચ્યો હતો અને ચારેય તરફથી પાણીનો સતત મારો ચલાવી આગ પર કાબૂ મેળવવાની કામગીરી હાથ ધરી હતી. કાપડના ભારે પોટલાં અને પવનના કારણે આગ પ્રસરી રહી હતી, જે ફાયર જવાનો માટે મોટો પડકાર બની હતી. આગને રહેણાંક વિસ્તાર સુધી પ્રસરતી અટકાવવા પ્રયાસો ફાયર બ્રિગેડના જવાનો દ્વારા સતત પાણીનો છંટકાવ કરીને આગને આસપાસની મિલકતો કે રહેણાંક વિસ્તાર સુધી પ્રસરતી અટકાવવાના સઘન પ્રયાસો કરવામાં આવ્યા હતા. સદનસીબે આ ઘટનામાં હજુ સુધી કોઈ જાનહાનિના સમાચાર સામે આવ્યા નથી, પરંતુ મોટા પાયે કાપડનો જથ્થો બળી ખાખ થઈ ગયો હતો. આગ કયા કારણોસર લાગી તે કારણ હજુ જાણી શકાયું નથી, પરંતુ તંત્ર દ્વારા આ મામલે તપાસ હાથ ધરવામાં આવશે. ઉન વિસ્તારમાં એક જ અઠવાડિયામાં બીજી ઘટના ઉન વિસ્તારમાં એક જ અઠવાડિયાના ટૂંકા ગાળામાં આગ લાગવાની આ બીજી મોટી ઘટના બની. વારંવાર આવી ઘટનાને પગલે સ્થાનિકોમાં ચિંતા સાથે તંત્ર સામે અનેક સવાલો ઊભા થયા. ખુલ્લી જગ્યાઓમાં મોટા પાયે ઠાલવવામાં આવતા કાપડના વેસ્ટ અને ચિંદીના કચરાના નિકાલ અંગે કોઈ નક્કર વ્યવસ્થા ન હોવાથી આવી દુર્ઘટનાઓ વારંવાર સર્જાતી હોવાનું સામે આવી રહ્યું છે.
    Click here to Read More
    Previous Article
    NCP में विलय की अटकलों के बीच शरद पवार आज अजित गुट के नेताओं संग शेयर करेंगे मंच, जानें क्या है खास
    Next Article
    સોમનાથ ઉત્સવના પ્રથમ દિવસે રાજ ગઢવીએ શિવગીતો રજૂ કર્યા:લોકગીતો, શિવતાંડવ અને હુડો રાસની પ્રસ્તુતિ; કલેક્ટર જીતેન્દ્રસિંહ વાઘેલાએ કલાકારોનું સન્માન કર્યું

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment