Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    મહેસાણામાં ફટાકડાથી 11 સ્થળે આગની ઘટના:સતત મળતા કોલને પગલે ફાયર બ્રિગેડની ટીમ દિવસ-રાત દોડતી રહી

    7 hours ago

    તહેવારની ઉજવણી વચ્ચે મહેસાણા શહેર અને આસપાસના ગ્રામ્ય વિસ્તારોમાં ફટાકડાના કારણે હારબદ્ધ આગ લાગવાના બનાવો સામે આવ્યા છે. એક જ દિવસમાં અલગ-અલગ 11 જેટલા સ્થળે આગ ફાટી નીકળતા સમગ્ર પંથકમાં અફરાતફરીનો માહોલ સર્જાયો હતો. સતત મળતા આગના કોલને પગલે મહેસાણા મહાનગરપાલિકાની ફાયર બ્રિગેડની ટીમ દિવસ-રાત દોડતી રહી હતી. એરોડ્રામથી લઈને ગ્રામ્ય વિસ્તારો સુધી આગનો સિલસિલો મહેસાણાના અતિ સંવેદનશીલ ગણાતા એરોડ્રામ વિસ્તારમાં પણ આગની ઘટના બની હતી, જેને પગલે અગ્નિશામક દળે તાત્કાલિક પહોંચી આગ પર કાબૂ મેળવ્યો હતો. આ સિવાય શહેરના કમળ પથની બાજુમાં, વિમલ પાર્ક પાસે, શંકરપુરામાં, ગંગા પાર્ટી પ્લોટ પાસે આવેલા સૂકા બાવળોમાં તેમજ અગત્સ્ય લેટિન સોસાયટી અને અધિમન બંગલોઝ સામે ખુલ્લામાં પડેલા કચરાના ઢગલામાં ફટાકડાની તણખા ફેંકાતા આગ ભભૂકી ઊઠી હતી. વધુમાં વિકાસનગર પાટિયા પાસે આવેલી એક દુકાન ઉપર પડેલા લાકડામાં આગ લાગતા આસપાસના વેપારીઓમાં ચિંતાનું મોજું ફરી વળ્યું હતું. ઘાસચારા અને કચરામાં આગથી મોટું નુકસાન અટક્યું શહેર ઉપરાંત આસપાસના ગ્રામ્ય વિસ્તારોમાં પણ ફટાકડાના લીધે નુકસાનના અહેવાલ છે. મીઠા ગામના બસ સ્ટેન્ડ પાસે આવેલા વાડાના પુળામાં તથા ચિત્રોડા ગામમાં ઘાસચારાના પુળામાં આગ લાગી હતી. આ ઉપરાંત તળેટી ગામના તળાવ કિનારે પડેલા કચરામાં પણ આગ લાગવાની ઘટના બની હતી. મહેસાણા મહાનગરપાલિકાની ફાયર ટીમ દ્વારા તમામ સ્થળે સમયસર પહોંચીને પાણીનો મારો ચલાવી આગ પર કાબૂ મેળવવામાં આવ્યો હતો. સદનસીબે તમામ ઘટનાઓમાં સમયસૂચકતા દાખવતા કોઈ જાનહાનિના અહેવાલ નથી.પરંતુ સતત કોલ આવતા ફાયર ફાઈટરોની કામગીરી કસોટીપૂર્ણ રહી હતી.
    Click here to Read More
    Previous Article
    મિડટર્મમાં હાર બાદ ટ્રમ્પ ઢીલા પડ્યા:US રાષ્ટ્રપતિએ કહ્યું- સમજૂતી થઈ તો ઈરાન પર હુમલો નહીં કરીએ; ઈરાને કહ્યું- રિપબ્લિકન્સ હારી તેથી વાતચીત અટકી
    Next Article
    2 કલાકમાં 70થી વધારે કોલ:દિવાળીની રાત્રે 126 જગ્યા પર આગ લાગી, ઘટનામાં કોઈપણ પ્રકારની જાનહાનિ નહીં

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment