Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    લિફ્ટ અધવચ્ચે બંધ પડતા ગર્ભવતી મહિલા અને 108નો સ્ટાફ ફસાયો:વેસુ હેલ્થ સેન્ટરમાં અફરાતફરી મચી, ફાયર વિભાગે સાધનોની મદદથી દરવાજો ખોલી તમામનો બચાવ કર્યો

    10 hours ago

    સુરત શહેરના પોશ ગણાતા વેસુ વિસ્તારમાં આવેલા હેલ્થ સેન્ટરમાં આજે ટેકનિકલ ખામીના કારણે અચાનક લિફ્ટ ખોટકાઈ ગઈ હતી. જેથી લિફ્ટની અંદર એક ગર્ભવતી મહિલા સહિત 108નો સ્ટાફ ફસાઈ ગયો હતો. જેને પગલે હેલ્થ સેન્ટરના પરિસરમાં થોડા સમય માટે ભારે અફરાતફરી અને ચિંતાનો માહોલ સર્જાયો હતો. જોકે, સુરત ફાયર બ્રિગેડની ટીમે સમયસૂચકતા દાખવીને તાત્કાલિક રેસ્ક્યુ ઓપરેશન હાથ ધરતા તમામ લોકોનો આબાદ બચાવ થયો હતો. અંદર ફસાયેલા લોકોના જીવ તાળવે ચોંટી ગયા હતા વેસુ હેલ્થ સેન્ટર ખાતે 108 ઈમરજન્સીનો સ્ટાફ એક ગર્ભવતી મહિલાને લઈને લિફ્ટમાં આવી રહ્યો હતો, તે દરમિયાન લિફ્ટ અધવચ્ચે જ અચાનક બંધ થઈ ગઈ હતી. લિફ્ટના દરવાજા ન ખૂલતા અને અંદર હવાની અવરજવર ઓછી થવા લાગતા અંદર ફસાયેલાના જીવ તાળવે ચોંટી ગયા હતા. બહાર હાજર સ્ટાફ અને અન્ય લોકોએ લિફ્ટ ખોલવાના પ્રયાસો કર્યા હતા, પરંતુ સફળતા ન મળતા તાત્કાલિક સુરત ફાયર વિભાગને આ અંગે જાણ કરાઈ હતી. ગણતરીની મિનિટોમાં તમામને હેમખેમ બહાર કાઢ્યા ઘટનાની ગંભીરતાને ધ્યાનમાં રાખીને સુરત ફાયર વિભાગની ટીમ ત્વરિત ઘટનાસ્થળે દોડી આવી પરિસ્થિતિનો તાગ મેળવીને અત્યંત સાવચેતીપૂર્વક રેસ્ક્યુ ઓપરેશન શરૂ કર્યું હતું. લિફ્ટમાં ગર્ભવતી મહિલા હોવાથી ફાયરના જવાનોએ ટેકનિકલ સાધનોની મદદથી લિફ્ટનો દરવાજો ખોલવાની કામગીરી હાથ ધરી હતી. ગણતરીની મિનિટોમાં જ લિફ્ટમાં ફસાયેલા ગર્ભવતી મહિલા સહિત 108ના તમામ કર્મચારીઓને હેમખેમ બહાર કાઢ્યા હતા. ઝડપી કામગીરીના કારણે મોટી દુર્ઘટના ટળી ફાયર વિભાગની સમયસરની અને ઝડપી કામગીરીના કારણે મોટી દુર્ઘટના ટળી હતી. આ સમગ્ર ઘટનામાં કોઈ જાનહાનિ કે ઈજા થઈ હોવાની માહિતી સામે આવી નથી, જેનાથી તંત્ર અને પરિવારજનોએ રાહતનો શ્વાસ લીધો હતો. જોકે, આરોગ્યલક્ષી સેવાઓ પૂરી પાડતા હેલ્થ સેન્ટર જેવા સંવેદનશીલ સ્થળે જ લિફ્ટ ખોટકાવાની ઘટના બનતા તંત્રની કામગીરી સામે સવાલો ઊભા થયા છે. દર્દીઓ અને ખાસ કરીને ગર્ભવતી મહિલાઓની અવરજવર જ્યાં સતત રહેતી હોય છે, ત્યાં લિફ્ટના નિયમિત મેન્ટેનન્સ અને સુરક્ષા વ્યવસ્થા અંગે સ્થાનિકોમાં ચર્ચાઓ જાગી છે.
    Click here to Read More
    Previous Article
    વડોદરા કલેક્ટરના અધ્યક્ષસ્થાને જિલ્લા સંકલન સમિતિની બેઠક:સયાજીગંજ રેલવે બ્રિજ, અલકાપુરી ગરનાળા અને વાઘોડિયા-ડભોઈના વિકાસકામો સહિતના પડતર પ્રશ્નો ઉકેલવા સૂચના
    Next Article
    વાડીનાર બંદરે લાંગરેલા જહાજને એરેસ્ટ કરવા હાઇકોર્ટનો હુકમ:UKએ પ્રતિબંધિત કરેલું જહાજ ભાડે આપવામાં આવ્યું, કુલ 27 કરોડ જેટલી રકમ જમા કરાવવી પડશે અથવા ગેરંટી આપવી પડશે

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment