Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    કતારગામમાં બંધ કારમાં ત્રણ કલાક ફસાયેલી મહિલાનો આબાદ બચાવ:સ્થાનિકોની સતર્કતા અને પોલીસના કાચ તોડીને કરાયેલા રેસ્ક્યુ ઓપરેશનથી બચ્યો જીવ, 108 મારફતે હોસ્પિટલ ખસેડાઈ

    9 hours ago

    સુરતના કતારગામ વિસ્તારમાં સ્થાનિકોની સતર્કતા અને પોલીસની સમયસૂચકતાને કારણે એક મોટી દુર્ઘટના ટળી હોવાની ઘટના સામે આવી છે. કતારગામ સ્થિત જેરામ મોરાની વાડી અને વાટલિયા સમાજની વાડીના ગેટ પાસે ઊભેલી એક ફોર-વ્હીલ કારમાં એક મહિલા અંદરથી લોક થઈ જતાં ફસાઈ ગઈ હતી. મહિલા અંદાજે ત્રણ કલાક સુધી બંધ કારમાં પુરાયેલી રહી હતી, જેના કારણે ગરમી અને ઓક્સિજનના અભાવે તેની સ્થિતિ નાજુક બને એવી ભીતિ સર્જાઈ હતી. જોકે, પોલીસે સમયસર પહોંચી કારનો કાચ તોડી મહિલાને સુરક્ષિત રીતે બહાર કાઢી હતી. સ્થાનિકોની જાણ બાદ પોલીસે સમય બગાડ્યા વિના કારનો કાચ તોડી રેસ્ક્યૂ કર્યું બંધ કારમાં મહિલા ફસાઈ હોવાની જાણ આસપાસના સ્થાનિક લોકોને થતાં જ તેમણે માનવતા દાખવી તાત્કાલિક કતારગામ પોલીસને બનાવ અંગે જાણ કરી હતી. માહિતી મળતાની સાથે જ કતારગામ પોલીસ સ્ટેશનનો કાફલો તુરંત ઘટનાસ્થળે દોડી આવ્યો હતો. પરિસ્થિતિની ગંભીરતાને સમજીને પોલીસે વધુ સમય બગાડ્યા વિના તાત્કાલિક કારનો કાચ તોડી નાખ્યો હતો અને અંદર ફસાયેલી મહિલાને સુરક્ષિત રીતે બહાર કાઢી હતી. 108 એમ્બ્યુલન્સ મારફતે હોસ્પિટલ ખસેડાઈ મહિલાને કારમાંથી બહાર કાઢ્યા બાદ તુરંત જ 108 એમ્બ્યુલન્સ સેવાને બોલાવવામાં આવી હતી અને મહિલાને તાત્કાલિક સારવાર અર્થે નજીકની હોસ્પિટલમાં ખસેડવામાં આવી હતી, જ્યાં તબીબો દ્વારા તેમની તબિયતની તપાસ અને જરૂરી સારવાર શરૂ કરાઈ હતી. કાર કયા ટેકનિકલ કે અન્ય કારણોસર લોક થઈ ગઈ તે અંગે પણ વિગતો એકત્ર કરવામાં આવી રહી છે. સ્થાનિક નાગરિકોની સમયસૂચકતા અને કતારગામ પોલીસની ઝડપી તથા સંવેદનશીલ કામગીરીને કારણે મહિલાનો જીવ બચી જતાં પરિવારજનો અને રહીશોએ રાહતનો શ્વાસ લીધો હતો.
    Click here to Read More
    Previous Article
    દૂધ અને વેજીટેબલ ઓઈલ વચ્ચેનો ભેદ સ્પષ્ટ કરવો ફરજિયાત:આઈસ્ક્રીમ અને ફ્રોઝન ડેઝર્ટ વચ્ચેનો ભેદ સ્પષ્ટ કરવા 106 સંસ્થાઓમાં તપાસ, 48 એકમોને નોટિસ
    Next Article
    રબારીકા ગામે સિંહણના હુમલામાં ખેડૂતનું મોત:ખેતરમાં કામ કરતા 55 વર્ષીય આધેડ પર સિંહણનો જીવલેણ હુમલો, ઘટનાસ્થળે મોત બાદ વન વિભાગે પાંજરા ગોઠવાયા

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment