Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સાપુતારાના ટેબલ પોઈન્ટ માર્ગે કાર રિવર્સમાં ખાઈમાં ખાબકી:ચઢાણ દરમિયાન પીકઅપ તૂટી જતા બારડોલીના પરિવારની કાર બેકાબૂ; 1 બાળક સાથે 5 વ્યક્તિનો બચાવ થયો

    1 day ago

    ડાંગ જિલ્લાના ગિરિમથક સાપુતારામાં ટેબલ પોઈન્ટ તરફ જતા માર્ગ પર બારડોલીથી ફરવા આવેલા પરિવારની ડેટસન કાર ચઢાણ દરમિયાન રિવર્સમાં ખાઈમાં ખાબકી હતી. આ અકસ્માતમાં કારમાં સવાર 5 પુખ્ત વ્યક્તિઓ અને 1 બાળક સહિત કુલ 6 લોકોનો બચાવ થયો હતો, જેના કારણે મોટી જાનહાનિ ટળી હતી. ઘટનાની જાણ થતા સાપુતારા પોલીસે 112 ઇમરજન્સી સેવા ટીમને ઘટનાસ્થળે મોકલીને પરિવારને મદદ પૂરી પાડી હતી. ચઢાણ દરમિયાન કારની પીકઅપ તૂટી જતા અકસ્માત સર્જાયો મળતી માહિતી મુજબ, બારડોલીનો 1 પરિવાર સાપુતારા ખાતે ફરવા માટે આવ્યો હતો અને પોતાની ડેટસન કાર લઈને ટેબલ પોઈન્ટ તરફ જઈ રહ્યો હતો. આ દરમિયાન માર્ગ પર ચઢાણ ચડતી વખતે અચાનક કારની પીકઅપ તૂટી જતાં કાર પાછળની તરફ રિવર્સમાં ધસી હતી. ચાલકે કાર પર કાબૂ મેળવવાનો પ્રયાસ કર્યો હતો, પરંતુ કાર બેકાબૂ બની માર્ગની બાજુમાં આવેલી ખાઈમાં ખાબકી હતી. કારમાં સવાર તમામ 6 સભ્યોનો આબાદ બચાવ થયો અકસ્માત સમયે કારમાં કુલ 5 પુખ્ત વયના વ્યક્તિઓ અને 1 બાળક મળીને 6 લોકો સવાર હતા. કાર ખાઈમાં ખાબકતા પરિવારજનોમાં ગભરાટ ફેલાયો હતો, પરંતુ સદનસીબે કોઈને ગંભીર ઈજા કે જાનહાનિ થઈ ન હતી અને તમામ લોકો સુરક્ષિત બચી ગયા હતા. 112 ઇમરજન્સી ટીમે ઘટનાસ્થળે પહોંચી પરિવારને મદદ કરી અકસ્માતની જાણ સાપુતારા પોલીસ મથકના પી.આઈ. જે.કે. બારિયાને થતાં તેમણે તાત્કાલિક 112 ઇમરજન્સી સેવા ટીમને ઘટનાસ્થળે મોકલી હતી. 112ની ટીમે સ્થળ પર પહોંચીને અકસ્માતગ્રસ્ત પરિવારને જરૂરી મદદ પૂરી પાડી હતી. પહાડી અને વળાંકવાળા ઘાટમાર્ગો પર પ્રવાસે નીકળતા પહેલા વાહનની ટેકનિકલ સ્થિતિની ચકાસણી કરવી અને ચઢાણ-ઉતાર દરમિયાન સાવચેતી રાખવી જરૂરી હોવાનું આ ઘટના પરથી ફરી સામે આવ્યું છે.
    Click here to Read More
    Previous Article
    ઈસ્લામ બનશે દુનિયાનો સૌથી મોટો ધર્મ:અમેરિકામાં હિંદુ ડબલ થશે ને ભારતમાં DINK કલ્ચરનો ક્રેઝ, બાળકો પેદા કરોને રોકડા મેળવો, જાણો બાળકોની ગેમ
    Next Article
    લીલી પરિક્રમા પૂર્વે ભવનાથમાં ભાવિકોનો ઘસારો, એસટીનું આયોજન:ગિરનાર લીલી પરિક્રમા પૂર્વે જ ભવનાથમાં યાત્રિકો ઉમટ્યા; એસટી વિભાગ દ્વારા 450 બસોનું સંચાલન અને વિશેષ સુવિધાઓ ગોઠવાઈ

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment